هذه القصة والقصيدة للشاعر جحيش بن مهاوش وقال قصيدتة أدناه في عيالة حيث انهم كانوا عاقين به فدعا عليهم الى الله بأن ما يرزقهم الاولاد واستجاب الله دعاه حيث قيل انهم تزوجوا مرة وثنتين وثلاث ومارزقهم الله بالاولاد ويقال بأنها انقطعت ذريتهم من ذلك الوقت ولا أحد يعرف ديارهم واخبارهم بسبب دعوة ابوهم عليهم.
القصة كما سمعت أنه يوم ماتت امهم وتوهم صغار، وقام والدهم جحيش بتربيتهم ورعايتهم الين ما كبروا وكان لهم مثل الام والاب يسهر الليالي على تربيتهم وراحتهم وفي النهار يسعى عشان يجلب لهم الزاد وكان في ذلك الوقت صعب الحصول على الطعام الا بشق الانفس وكان يترك عياله عند خوالهم او عند الجيران وكان يحرم نفسه من كل شيء من أجلهم حتى أذا كان الاكل شوي يحرم نفسه ويكتفي بشربت ماءوينام وهو جايع ومن حرصه على عياله انه ما تزوج بعد ما ماتت امهم لانه خايف انها تكون قاسية عليهم وتأذيهم عند خروجه وتكفل هو بالحنان والتربية لهم.
ومرت السنين والسنين وكبروا عياله وتزوجوا واحد وراء الثاني وبعد كل اللي سواه لهم ما لقي من عياله الا الجحود والنقص في معاملتهم له، ولا عاد احد منهم يبي يخدمه او يقضي لزومه بعد ما حل عليه الشيب وعجز عن خدمة نفسه وأحتاج من يكون بخدمته ويقال أن كل هذا بسبب زوجاتهم اللي اصبحن لا يطيقن وجوده وطلباته الى ان أصبح كل واحد منهم يطرده من بيته ويصك الباب من دونه.
وفي يوم ضاقت به الدنيا وجلس لوحده وتذكر ما فعله لأولاده وما يفعلونه معه وشاف هذي الطريقة منهم قال قصيدته المشهورة وبعدها يقال أنه ذهب باحد الخرابات ولا عاد يقوا على القومة والمشي وضعف بصره وسمعه الين الله توفاه ومات .
والقصيدة تقول:
قال الذي يقرا بلايا مكاتيب
0000000000000000000ياللي تقرون العمى من عناكم
ياعيال ياللي تشرفون المراقيب
00000000000000000000ريثوا لي واكثروا من خطاكم
خذوا كلام جحيش ما به تكاذيب
00000000000000000000 مثل السند مضمون للي وراكم
ياعيال وان صرتوا ضيوف ومعازيب
00000000000000000000 ترا الكلام الزين ملحه قراكم
ترا البلاسة من كبار العذاريب
00000000000000000000 ترا البلاسة ما تطول لحاكم
يصير بعبون الرفاقة تقل شيب
00000000000000000000 الى منه اقبل قيل هذا بلاكم
المذهب المذهب ترا المذهب الطيب
00000000000000000000 ترا ردا المذهب يبور مساكم
ياعيال ما سرحتكم للمعازيب
00000000000000000000 ياعيال ما عمر المعزب ولاكم
ياعيال ما ضربتكم بالمشاعيب
00000000000000000000 ولا سمعوا الجيران لجة بكاكم
ياما تمسعرت بالخلايق تقل ذيب
00000000000000000000 من خوفتي اقصر علي بعشاكم
احفيت رجليني بحامي اللواهيب
00000000000000000000 وخليت لحم الريم يخالط غداكم
واليوم شوفوا لحيتي كلها شيب
00000000000000000000 وشوفوا محلة خوضعي في ذراكم
قمت واوكا في عوجا المصاريب
00000000000000000000 قصرت خطاي يوم طالت خطاكم
ياعيال ياعيال عليكم مطاليب
00000000000000000000 عطوني القربة جزا ما جاكم
خوالكم ياعيال ماكل الطيب
00000000000000000000 يا عيال مدري ها الردا منين جاكم
ياعيال ياعيال الخنا كلكم عيب
00000000000000000000 ياللي على الوالد كثير لغاكم
قصيتكم واسنتد وادي السلاحيب
00000000000000000000 ولقيت في الصبخا فيه ماكم
يا عيال بعتوني بصغر العراقيب
00000000000000000000 ماهي حقيقة سوا الله قراكم
اطلب عسا نسوانكم ماتحمل ولا تجيب
00000000000000000000 تغيب شمس الصبح وتغتم سماكم
ولابد ما هو عاوي دوني الذيب
00000000000000000000 بالقبر مفرق طيبكم من رداكم
وسلامتكم
وألى أخي أبوفيصل راعي المحل لا أدري ما أذا قد ذكرت هذه القصة من قبل أم لا ، لذلك أخي أرجوا المعذرة ولك ما ترى فيما كتبت ، كما أرجو ممن يلاحظ بها خطأً أو نسيان أن يوضحه لنا أو يضيفه .
تقبلوا تحياتي
رد مع اقتباس
المشاركة الأصلية كتبت بواسطة راعي الوقيد
المفضلات