السلام عليكم
حبيت اشارك معاكم بالمنتدى
لا أعقتد ان احدا قد وصل لمستوى محمد السديري حتى الان
وهذه بعض الأبايت القليله له
يقول من عدى على راسي عالي ♥ ♥ ♥ ♥ ♥ رجم طويل يجهله كل جرنـــاس
في راس مرجومِ عســير المنالي ♥ ♥ ♥ ♥ ♥ تلعب به الأيام مع كل نسناس
في مهمه قفر من الناس خالي ♥ ♥ ♥ ♥ ♥ يشتاق له من حس بالقلب هوجاس
قعدت في راسه وحيدٍ لحـــالي ♥ ♥ ♥ ♥ ♥ كني براس الرجم مرقوب ٍ وحـراس
مذكر في مرقدي وش جـــرالي ♥ ♥ ♥ ♥ ♥ وصفقت بالكفين ياسن على يــاس
اخذت اعد ايامها والليالي ♥ ♥ ♥ ♥ ♥ دنيا تقلب ما عرفنا لها قيـاس
كم فرقت ما بين غالي وغـالي ♥ ♥ ♥ ♥ ♥ لو شفت منها ربح ترجع للأفـلاس
تقطعك دنيا مالها أول وتالي ♥ ♥ ♥ ♥ ♥ لوضحكت للغبن تقرع بالأجــراس
المستريح اللي من العقل خالي ♥ ♥ ♥ ♥ ♥ ما هو بلجات الهواجيس غطــاس
ما هو بمثلي مشـــكلاته جلالي ♥ ♥ ♥ ♥ ♥ ازريت اسجلهن بحــبر وقرطــاس
حملي ثــقيل وشـايله بحتمالي ♥ ♥ ♥ ♥ ♥ واصبر على مر الليالي ولاتـعاس
وارسي كما تري رواسي الجبالي ♥ ♥ ♥ ♥ ♥ولا يشتكي ضلعِ عليه القدم داس
لا خاب ظني بالرفـيق المــوالي ♥ ♥ ♥ ♥ ♥ مالي مشاريهن على نايد الناس
لـعل قصرٍ ما يجيله ظــلالي ♥ ♥ ♥ ♥ ♥ ينهد من عالي مبانيه مبانيه للساس
والبوم في تالي هذامه يلالي ♥ ♥ ♥ ♥ ♥ جزاك يا قصرِ خــلا وكــر الادناس
لي صار ما هو مذهلِ للرجالي ♥ ♥ ♥ ♥ ♥ومنجى لمنهو يشكي الضيم والباس
متى تربع دارنا والمفـالي ♥ ♥ ♥ ♥ ♥ وتخضر فيـاضِ عقـب ماهـي بيبـاس
اخوكم فهد المرشد
وسامحونا على القصور
رد مع اقتباس
المفضلات