آخر هدية لريومتي :)

[الجازي]

ريموووووووه ,,

والله استحيت في خلق الله وتفشلت من كثر ما أهدي لتس

كل اهداءاتي الظاهر انها لتس

عساتس عاد تستاهلين <<<<< لاوالله تعرف تهدي

المهم عشان ما أصج المسايير ,, لقيت لتس قصيدة ولا أحلى لبندر السبيعي أذكر انه يعجبتس صوته

قلت لزومٍ لزوم اني أهديتس قصيدته

اسمعيها وادعي على من ظلمني

على فكرة تراها مشطوفة شوي بس مايخالف العوض ولا القطيعة

وعلى فكرة ثانية <<<< ثانية تعود على شبه الجملة " على فكرة " وليست تعود على كلمة " فكرة " لوحدها
^
^
^
هالسطر اللي فوق منتب فاهمته خليه لربعي حقين الفصيح تسانهم دخلوا هنا

<<<<<<<< يازيني نسيت وش كنت ناوية أقول عقب على فكرة ثانية

أقول على فكرة تراني مخلية نغمتس في جوالي هالقصيدة يعني ترى سبب تأخري في الرد عليتس انها تجوز لي هالقصيدة وأقعد أسمعها لما تخلص وبعدين أرد عليتس

معليش ضريبة الغلا يابعدي مافيه عندي شيء ببلاش حتى غلاتس


[rams]http://drr.cc/up12/qlbytolah.rm[/rams]

للحفظ :


^
^
الله يذكر مجمج بالخير على هالحركة اللي علمتنا عنها

[شريف روما]

الحين منهو يهدي لمنهو !!

[شام]

هلا بالريم ..
كلمات وحضور زين المضيف .. وإهداء خمس نجوم لريومة ..
يعني اجتمع المجد من كل أطرافه .. الريم و ريم ..
ولقاء بين عمالقة المضايف .. تجسد حرفاً وكلمة وشعراً ...
أهلاً بك ..دائماً .. ودوماً .. وأبداً ...

[( المسك )]

اول مره بحياتك المضايفيه يابو شخطه

تسئل سوال في محله

يمكن اهداء لغزال الريم الي بمحمية ام رضمه

[الجازي]

الله يخلف على أمن جابتكم يالزقروطي أنت والمسك

الحين الواحد مايقدر يختلي بنفسه شوي وش فيها يعني اذا حاتسيت روحي <<< ريومة ترى هذي مدحة لتس أنتي روحي يابعد روحي <<<< تسنها انقلبت الدعوة عليتس

أمونة ,,,

يابعد الهدايا كلها ,,

مرورك بحد ذاته أغلى هدية لي ,,

الله لايحرمنا من طلتك الحلوة علي

[شريف روما]

يعني انتي قاعد تهدين لنفسك !!

الريم بلغي سلامي للريم وقولي له يقولج الزقروطي بالخير يامره عساج بكامل القوى العقلية


بس تبين الصراحه تستاهلين الاهداء والريم يعطيها العافية انها اهدت لج هالاهداء المميز
الله يجزاكم خير انتوا الاثنين

<< ماسمع الاهداء


فليص ليه اسئلتي قبل مالهن معنى ؟
شخبارك يابعدي

تحياااااتي

[الجازي]

^
^
^
طيب اسمع الإهداء الحين وبعدين يصير خير

[المطنوخ]

^
^
^
كم دافعه لتس علميني

[( المسك )]

بسلامتووو يالريم

الصوت عندي كلاه العوااء

ماسمعت شين

اقول الله يخلف على ولدن تبين تجيبينه انتي

زقرروطي ايه

مااني بخيررر يابوو شخطه

[ريم شمر]

اخر هديه !!!! لييييييييش ,,,,,وش دعوى !!!!! <<<< طماعه

ريوم ياعل يفداتس كل تماسيح الدنيا


مشكوره ياقلبي على هالاهداء وخصوصا انه للسبيعي


تدرين ليش احب اسمع له لانه نسخه صوتا وصوره من واحد من اخواني

خصوصا الصوت الحين وانا اسمعه ذكرت وخيي الله يحفظه ويسلمه يارب

نفس النبره الخالق الناطق

مامنتس مهرب ياريوم لازم تبكيني


فيه احد مسلطتس علي يابنت


الا كم رقم جوال الوالده تكفين غديها تفكني منتس وهداياتس







----------

شكرا للشباب على التفاعل بس مهو تسنكم خربتوا هديتي

هذا وهي اخر هديه