اللقا والتحدي

**قايدةالصيد** · 14-11-2005 01:55

--------------------------------------------------------------------------------

بين المعاند والظروف العصيه
ومابين هجرك واللقا والتحدي

ما زلت تملك خافي الشوق فيه
ومازال حبك كاسب كل ودي

لك من عريش القلب ظله وفيه
ولك في غيابك كل نوحي ووجدي

منك نسيت الي عليه وليه
ولا قمت أفرق بين جزر ومدي

الله يسامحها الظروف الرديه
اللي بسبها صار بعدك وبعدي

قايدة الصيد

**المسعودي** · 14-11-2005 03:21

الله يسامحها الظروف الرديه
اللي بسبها صار بعدك وبعدي

صح لسانك قايدة الصيد

وقصيده راائعه والله يسامح الظروف

ولك مني احلى تحيه

**سلطان الشمري** · 14-11-2005 20:13

لو استطعنا :

لمنعنا اقدارنا .. ولكن :

هي كذلك ..اختاه .. تأتي بالمؤلم .. ونحن ننظر فقط

نقراء مافي صحفنا / دون ان نغيّر شيء منه

.
.
.
صح قلبك اختي قايدة الصيد ودام تواجدك

اخوك

**((بعيدالنظر))** · 14-11-2005 21:10

قايدة الصيد .
قصيده فارعه بحق ومشاعر لها مايبررها ويبرر حضورها ..
هي الحياه لايدوم سرور ولاكدر .

اشكرك على قوّة تمكنك من التعبير وطيب العبير .

**احـمد الـطـرقي** · 14-11-2005 23:58

لك من عريش القلب ظله وفيه
ولك في غيابك كل نوحي ووجدي

منك نسيت الي عليه وليه
ولا قمت أفرق بين جزر ومدي

قايدة الصيد

وهذا البوح العتيد الفريد

الف صح لسانك

وروحك

تحياتي من كل ارجاء الابجديه

اخوك احمد الطرقي