لآآآآآآآآآآآآآزم شمري وإلا فلاااااااااااا ... !!

[تعاليل]

هالقصه صارت معاي انا يا محاتسيتكم .. بهالعيــــد اللي قضى الله يعيدوه علينا بالخير يا رب ...
وابيكم يا قريتوه تردون على تساؤلاتي .. صراحه إجاباتكم راح توضح لي اموور كثيره ...
ومفاهيم يمكـــــــــــــن تكون مغلوطه عند كثير من البنات .... حاولو تسعادون بإجاباتكم ... ؟؟
ولما تجاوبون ... اعتبرو هالبنت هذي .. اختكم .. وخلو إجابتكم تقرر مصيرها ...
الكلااااااااااااااام لكم أنتو يا العيال ... بالذات .... واما البنات .. فأنا تقريباً عارفه إجاباتهن سلفاً
مع هذا ابي اسمعها منهن .....

الســـــــــــــــــــــــــــــــــــــ ـــــالفه

كــــــــنت معزومه على عشـــــــــاء ... وكان المجلس حريم وبنـــــــــات مختلط .. وضحك وسوالف ..
والله وهي تقوم راعية البيت ... وتقول (( يـــــــــابنات ما باركتن لخـــــــــويتكن فلانه ... تراها تـــملكت بتالي الرمضان .. وعرسها يبي يصير بالعطـــــــــلة)) ...

والله ما تســــذبنا خبر وحنا نتقــــــامز ونبارك لها ونحببها ... وهي تسأله وحده من البنات (( ومنهو سعيد الحظ ؟؟ <<<< أهم سؤال ... من الشفايه والله ))

والله وهي تسكت البنت وهي تقوم تناظر لأمها .. وامها تناظر لها ... رجعت البنت مره ثانيه سألت .. (( منهو العريس من عيال عمتس..؟؟ )) قالت البنت (( لا)) ........ (( من عيال الجماعة...؟؟)) قالت البنت ((لا))
(( من غير فخيــــــــــــــــذتكم ... ؟؟)) قالت البنت (( لا .. مو من فخيذتنا ولا من غير فخيذتنا .. ؟؟))
والله وحنا تطقنا البوهه ... قالت البنت اللي تسأل
(( اهـــــــــــــم شين أنوه شمـــــــــــــــــــري يا بنت الحلال..؟؟))

البنت قالت (( لا ... مو شمــــــــــــــــــــــــري ... زوجي من عـــــــــ..... )) <<< المهم إنوه قبيلة ثانيه وقبيله عريقه ومعروفه .. ولا عليه غباااااااااار ... << طبعاً مو هذا موضوعنا ...



الموضوع .... ليه كلنا سكتنا ... وحســــــــــــــــــينا بغصه لما عرفنا إنها خـــذت واحد مو شمري ..
ليه بغينا نبــــــــــــــــكي .. إلا كان هناك دموووع بعيون بعض البنات ... ما ندري هو حزن على غربتها .. ولا إحساسنا إنها خلاااااااااص بتنسى قبيلتها .. وبتنسب لحـــمولتها اللي رايحتن لهم ..
ليه حسينا إنها هي نفسها مو سعيده .. مع إن إحساس البنت لما تتملك وتنستر إحساس جميل ... ليه أكثر البنات وهذا من واقع .. رافضات الزواج من غير الشمري ... حتى لو وصلت أعمارهن لحدود العنوووسه ... أنا شخصياً أعرف بنااااااات كثار .. وافقن إنهن يتزوجن رجال كبار بالسن وعندهم عيااااااال وقد يكون هالعيال من عمرها هي .... بس أنوه يكون شمري .. ولا إنها تآآآخذ لها شاب بعمرها وجيلها ويكون من قبيله ثانيه ...

انا وغيري وغيري من البنات عقب هاك العشاء حاولنا إننا نلقى إجابات على هالأسئله بس ما لقينا ... وحده من البنات قالت

((ما أتخيل إني أجلس بمجلس مابوه شمريات .. ما أتخيل إني أجلس وأسولف سوالف محد عارفها .... إلا أنا .. ما أتخيل إني أجلس بمجلس وأسولف سوالف محد مهتم بها إلا انا ... ))) ؟؟

ووحده قالت (( انا شمريه دمي ما يطابق إلا الشمري .. ما أتخيل غير كذا )) ؟؟؟ والأسباب اكثر ..



اللي يبي يرد على هالموضوع .. يحاول أنوه يسأل خواتوه البنات قبل ما يرد .. بس مجرد سؤال .. (( لو تقـــــــــدم لك غير الشمري ... وش ردك .. أو إذا سمعتي إن فلانه خطبها واحد مو شمري وش تقولين .. ؟؟)) ... ..
وأنتو يا عيال ... لما تسمعون فلان الفلاني .. زوج بنتوه غير شمري ... ياليت وشو أول شئ يخطر ببالكم .. ... ما أدري إذا قدرت أوصل لكم الفكره .. ولا لا .. بس أتمنى أنكم فهمتو مقصدي .. انا ما أنزل من قدر باقي القبايل .. كل الناس على عيني وراسي .. بس المشكله داخليه .. نفسيه وصدقوني واقـــــــــــعيه


تعاليل

[ابو غازي]

الحقيقه جبتيها / يابنت / الرجال

انا وانا اعوذ والوذ بالله من هالكلمة ... ضد زواج البنت الشمرية لغير شمري
ونعم بكل القبائل / ولاكن الشمري غير .... تبين تقولين ليه غير / اقولك / الشمري يحافظ على ابنتك أو اختك ويحطها بعيونوه ويرد لك الأمانه مثل مااخذها اذا صار هناك مشكله لاسمح الله وبستر ومستور / أما الغريب
مهما كان لابد أن يكون هناك زوابع لوصار ماصار ....... ايضاً ابنتك اذا صارت بعيده عنك تشغلك ولاتعرف هل مرتاحه أم لا / العيال / بعد ما تعول من هذا الرجل الغريب / عيالها سوف يكونون غرباء على بيتك وقبيلتك
وتجد الكل يناضرهم بعين الحقران حتى ولو لم يكن جهراً

المشـــــــــــكلة / ياخالتي تعاليل

مشكلة الرجال / غطة على على النساء / وين الرجال اللي تجوزوه / كثير من البيوت يكون هناك مايقارب خمس أو اربع بنات / بكل بيت / ولاكن أين الرجال / شباب هذا الزمن ينخاف منه / قوطي ببسي ويخضه هههههههههههههههه / والله ياشبابنا هالوقت سوف يكون مصيبه على فتياتنا
إن ماجوزتوه مشكله وإن جوزتوه مصيبه على بنت النااااس / شهر وهي حامل ومرجعها لبيت اهلها مطلقه

السموحة / على الشطحه

[سنين]

الغاليه تعاليل ...


يعطيك العافيه موضوعك جنان ...


بس مافهمتك لما قلتي البنت معروووف ردها عالموضوع ...


الموووهم ..

ابوي يقول خبل من عيال عمــك ولا طيب الاجنـــاب .... وانا أقوووول بقلبي والله يا يبه ماخذ الخبل لو على قطع رقبتي ...خخخخخ ..


انا مستغربه هالحيـــــن البنت لاجاها ولد محترم وله مستقبل وولد عايله ليـــــه ترفض وتنطر ولد العم لين يصحى من نومه ويشوفها ...لاوتلقين عيال القبيله يروحون وياخذون من براااا بس محد يستغرب ولا يستنكر ...


انا بصراحه رأيي الشخصي ان الرجل الصالح والمناسب ... حتى لو كان مو من عيال القبيله ... بفرح فيـــه << ياحلو الحيا على البنت ...

اما مسألة شمري ولا مو شمري ...ماتفرق عندي ان جا الشمري المناسب والكفو فهذا توفيق من رب العالمين وعز الطلب ... وان ماجا والله ماني ماخذه من شيبان شمر عشان يقولون ياطيبها خذت من عيال عمها وأجني على حياتي .....



وبسسسسسسسسسسسسسسسس ...
موضوعك حلو .............
جبتيها على الجرح لان اغلب ابنات يعانون من هالمشكله ....











سنين

[شريف روما]

موضوع رائع ياتعاليل

في حديث للرسول عن الدين والخلق ماابي اقولوه اخاف اني اغلط بوه يعني اذا جئ واحد على خلق ودين المفروض اننا نزوجوه لكن محد متبع هالحديث الا القليل حسب نظرتي .

وانا صراحة ماودي الشمرية تروحي الا للشمري .


وتعقيب على كلامج ان البنت توصل لحد العنوسة ولا ترضى بخاطب من غير شمر
المفروض اهنيه ابوه وامه يرغبون به احسن من انه تقعد عندهم .

اللي يبي يرد على هالموضوع .. يحاول أنوه يسأل خواتوه البنات قبل ما يرد .. بس مجرد سؤال .. (( لو تقـــــــــدم لك غير الشمري ... وش ردك .. أو إذا سمعتي إن فلانه خطبها واحد مو شمري وش تقولين .. ؟؟)) ... ..
تعاليل

!! اسمحيلي صعبه !!
_____________

واما عن سؤالج الثاني اذا سمعنا انه واحد زوج بنتوه لغير شمري

مااقولج اتضايق لكن ماودي يصير هالشي , ليش مادري يمكن عنصرية !!

...
بس مادام العريس على قولتج من عـ ... عزالله ومليون نعم يستاهلون



هو العريس متقدم لج انتي !! << مو كأنه صاد الحركة << خربها باخر الرد





تعاليل تسلمين والله على الموضوع الطيب
وبتابع جميع الردود معاج

وتحياااااااااتي

[محمدالشمري]

يقولون حلات الثوب رقعته منه وفيه .

ويقولون من خرج من داره قل مقداره .

وطبعاً ما نقالت هالأمثال عبط وضحك .

بأعتقادي أن البنت تاخذ من أهلها أفضل لها ولأهلها ، ليش ؟

يمكن علشان كلٍ يعرف خصوصيات الثاني ويعرفون على قولتهم " الطاق والمستخبي "

ويمكن علشان محد يعاير الثاني بقبيلته .

ويمكن علشان أذا صارت مشاكل بين الزوجين سهل حلها .

قد تكون عادة تعود الناس عليها وعلى رأي المثل " من فقد عادته قلت سعادته "

هذا كله تحليل قد يكون خطأ رغم أنني أعرف الكثير ممن تزوجوا من خارج القبيلة وزوجوا خارج القبيلة والأمور طبيعية .

أما رأيي :
أذا كان ذو أصلٍ ودين ومشهود له بالأخلاق فلا أقول الا الله يبارك بهم ولهم

كاتب النص : ابوغازي
ويحطها بعيونوه ويرد لك الأمانه مثل مااخذها اذا صار هناك مشكله لاسمح الله

ابو غازي أكيد مثل ما أخذها " صاخ سليم " والا عينه مبطوطه ، وايده مكسوره ، وتعرج ، ومتغيره ملامح وجهه
ابو غازي يسوي دعاية لبني عمه .

تعاليل موضوعك فعلاً مهم وتساؤلك في محله وتسلمين على هالطرح

[ريم شمر]

في كل الاحوال الزواج نصيب وامر من الامور التي تكتب وتقدر على الانسان
منذ ان يخلق

وقد يكون لنا نظره لبعض الامور وقناعه ونتمسك بقناعتنا

ويأتي النصيب عكس هذه القناعه ولانستطيع رده

بل الغريب انه قد يغير قناعاتنا


طبعا لاااااااااااااااازم شمري !! مؤكد كل فتاة شمريه لاتريد الا شمري

لكن ان كان نصيبها يحملها خارج قبيلتها فهل تعارض هذا النصيب

ام ترضى به بل تحبه وتتمسك به

ليس من شروط ديننا الاصل والفصل والقرب والبعد في قبول الخاطب

بل اهم الشروط الدين والخلق

لكن مع ذلك العرف له دوره ومكانته واهميته ايضا

وخصوصا في امور الزواج

ورابطة الزواج من اهم الروابط ويمتد تاثيرها لاجيال قادمه

لذلك يجب ان يكون الحرص مضاعفا

وكما يقال حلاة الثوب رقعته منه وفيه

وهذا ينطبق على الزواج تماما

فالزواج من ابن العم افضل للبنت من البعيد

والزواج من القريب البعيد افضل من خارج القبيله

والزواج من قبيله اخرى افضل من الزواج من غيرهم

لكن كل هذا يلغيه النصيب وماهو مكتوب لنا

وقد يكون غير الشمري هو من تجد عنده السعاده والراحه

عندها ستنسى كل شي وستتذكر انه زوجها وحبيبها فقط


وبالمناسبه قبل فتره قصيره حضرت زواج مختلط

الزوج شمري والزوجه من قبائل الجنوب

بعد الاستغراب والاستنكار الطبيعي وبعد معرفة مدى التوافق بين العروسين

لم يعد لهذا الامر اهميه ابدا فكان الفرح لهما والدعوات بالتوفيق هو الاهم


شكرا لك ياغاليه موضوع هام وحيوي

[الجازي]

بالنسبة لي أعتقد إن عيال العم الأباعد أفضل وأولى من الأقارب ,,

يمكن وجهة نظري تكون غير مقبولة بس بصراحة أنا مؤمنة بها خصوصا إن فيه قصص كثيرة تؤيد البعد عن الزواج بابن العم القريب ,,

الأسباب كثيرة منها :

معرفة كل واحد منهما للآخر معرفة تامة وقد يراها بمثابة أخته ,,

أيضا عند حدوث المشاكل الكبيرة بينهما لاقدر الله قد تتسبب في أزمة عائلية كبيرة مما ينتج عنه الخلافات التي تؤدي إلى قطيعة الرحم ,,

بعض الناس أو بعض النساء بالأحرى تحتقر زوجة الابن القريبة لأنها تعرفها جيداً بعكس الزوجة الأجنبية ,, ولا أقصد بالاحتقار التحقير من شأنها إنما عدم الاحتفاء بها فلاتعاملها كما تعامل الأجنبية وأهلها ,, لأنها من العائلة وليست غريبة !!

في الختام أقول ,,

الإغراب أفضل

عمر رضي الله عنه كان يقول على ما أظن : " أغربوا ولا تضووا " و " الإغراب أنجب " يعني نسلهم يطلع أذكى

يعطيك العافية ياتعاليل على هالموضوع المنعنش

[شريف روما]

معرفة كل واحد منهما للآخر معرفة تامة وقد يراها بمثابة أخته ,,

من متى ولد العم يعرف بنت عموه معرفة تامة !!

انا بالنسبة لي حتى مااشوفهن ولا بيني وبينهن حتى سلاااااام !!

واعتقد اغلبية البدو بهذا الطبع اللي اشوفوه صح 100 %



الريم كيف حالكي يااخت العرب
تحياتي

[قيصر العرب]

يسعدك ربي

تعاااليل

وربي يرزقك بشمري من عيال عمك


موضوعك رائع ولابد من يكتب ان يكتب رده بعيد عن العنصريه

لان هذا الكلام اللي يكتب يؤخذ اذاً لابد من كتابة ماهو مفيد

لمن يقرا

بوجهة نظري انا

انا شمري ومن سكان حائل

عندي خوات ثنتين تزوجن مو من شمر من قبيلة بني تميم

وتقدم لهن رجاال من قبيلة شمر ولكن لاانعرف عنهم الشي الكافي

الا اللهم انهم من شمر ومن هاك الفخذ ويعملون بهاك المكان

فمن حقي اني ارفضهم ولا ازوج خواتي ناس مااعرفهم

فتزوجن من قبيله اخرى بني تميم والسبب هأولا نعرفهم وجيران

لنا ومن اهل حائل هذا شي عااادي ماهو لابد شمري

اهم شي من يقدر اختك او بنتك ويحشمها ومن المنطقه اللي تسكن فيها


اما ان ياتي لي رجال من اقصى الدنيا اعرفه انا فقط ولا اعرف عن عائلته شي

ويسكن بااخر الدنيا وهو قبيلي ويتقدم لخطبة بنتي او اختي

فهنا يكون الرفض افضل الحلول

ليش لان من الصعب تزوج بنتك او اختك وتسكنها عند ناس ماتعرفهم

ولا تعايشت مهم الا اللهم معرفت عمل او خوت غربه

مثل شخص هو وعائلته متغرب للعمل بمنطقه ووجوده باالمنطقه فقط للعمل

ويتعرف على ناس بهذه المنطقه من قبائل اخر ويكون بينهم عيش وملح

ولما يتقدم احدهم لخطبة بنتك هنا يكووووون الف استفهاااااااام؟؟؟؟؟؟؟


هذا اللي تقدم لخطبة بنتك معرفتك به فتره محدوده ووجودك معه هنا فتره محدوده

متى ماانتهى عملك رجعت الى بلدك وهو كذلك

اين ستذهب بنتك



ف بوجهة نظري البنت افضل شي ان تتزوج لييس بالضروري شمري

اهم شي رجااال معروف بطبيعته ويكون من ابناء المنطقه اللي تسكن فيها

حتى ماتتغرب البنت

ضد زواج البنت الشمرية لغير شمري
ونعم بكل القبائل / ولاكن الشمري غير .... تبين تقولين ليه غير / اقولك / الشمري يحافظ على ابنتك أو اختك ويحطها بعيونوه ويرد لك الأمانه مثل مااخذها اذا صار هناك مشكله لاسمح الله وبستر ومستور / أما الغريب
مهما كان لابد أن يكون هناك زوابع لوصار ماصار .......

ابو غازي

ليش ماعمرك تدخل المحاكم الشرعيه وتشوف كيف يتطالبون امام الخلق

بعد الطلاق برد المهر وطلايب ماله نهايه وهم ابناء عم

بوقتنا هذا غابت عند اكثر القبايل

الشيمه ودروب ماضي اجدادهم من اخلاق حسنه



تمنياتي للجميع بالتوفيق

[تعاليل]

الحقيقه جبتيها / يابنت / الرجال
<<< مـــاعليك زود يا بو غازي . .

ايضاً ابنتك اذا صارت بعيده عنك تشغلك ولاتعرف هل مرتاحه أم لا
<<< معــــــــاك 100% .... خصوصاً إنها عند أجناب .. حتى
لو ودك تطــــــــل عليها بين فترة وفترة ... ما تقــدر .. كل شوين ناط للعرب
غير لما تكون عند ولد عم .. سواء قريب ولا بعيد .. روحتك لوه هينه ..


/ العيال / بعد ما تعول من هذا الرجل الغريب / عيالها سوف يكونون غرباء على بيتك وقبيلتك
وتجد الكل يناضرهم بعين الحقران حتى ولو لم يكن جهراً

<<< مشكلة العيااااااال بحد ذاتها مشكله ... نظرة الغرباء والدخلاء لهم راح تكون
على طول ملازمتهم حتى بدون قصد ... يعني لو عندك بنتــين وحده مآخذه شمري
والثانيه أجنبي ..... أيهم أقرب لقلبك عيال الشمري ولا الأجنبي ... طبعاً إذا افترضنا بهم الصلاح

المشـــــــــــكلة / ياخالتي تعاليل

مشكلة الرجال / غطة على على النساء / وين الرجال اللي تجوزوه / كثير من البيوت يكون هناك مايقارب خمس أو اربع بنات / بكل بيت / ولاكن أين الرجال / شباب هذا الزمن ينخاف منه / قوطي ببسي ويخضه هههههههههههههههه / والله ياشبابنا هالوقت سوف يكون مصيبه على فتياتنا
إن ماجوزتوه مشكله وإن جوزتوه مصيبه على بنت النااااس / شهر وهي حامل ومرجعها لبيت اهلها مطلقه
<<< مشكله كثرة البنات على العياااال ...صارت دولية يا بو غازي
نســــــــــــأل الله السلامه ...

السموحة / على الشطحه
<<< مسموح يا بو غازي ... وتسلم على الرد ..
وحضورك المميز ..

تعاليل