يالله حيهم
اولا عيدكم مباركم وعساكم من عوادوه وانتم بالف صحه وسلامه
انتم ومن يعز عليكم
ولو انه جت متأخره مار اعذرونا على القصور
....(( قصيده على الطريقه الهلاليه))....
اقبلوها
واسمحولنا
لازال بوحنا تقليدي
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
قال الذي عدا على راس مرقاب=يزبن جنابه بالخلا كل مرتاب
موحش خلا منحي عن الدار مبعد=ممحل جنابه من عنا طول الاجداب
منزاح جاله منتزح عن مداهم=عن البشر دونه مراقيب وهضاب
منحاف..ملويٍ..عسير المحاري=مشمرخٍ..راسه تقل راس مخلاب
مايطلعه ياكود منهو تجلوى=بديار عسرين اللقاء يم الاجناب
اليا تذكر موطنه ثم تهيض=يجض قلبه جضة الذيب ياعقاب
انا رقيته من عقب مارقابه=حالي مثل حاله تشابه بالاسباب
واللي تغرب عن محاري دياره=تو الامل في رجعة الدار ماخاب
مار البلا منهو بداره تغرّب=عزاه والله بين ربعه والاقراب
عزاه والله عقبهم ماسلينا=دمعٍ نثرته من شفا العين سكاب
شابت معاليق الحشا من هواهم=شبنا وشاب القلب والجرح ماشاب
بعض الجروح المرمسه له طبيبه=والبعض الاخر موجعٍ ماله اطباب
ياكن وسط الروح رمح الزناتي=او وسطها طعنة ابازيد وذياب
احسب خطانا يالغضي تدمحونه=ولايبعدك عن حبنا كل كذاب
واحسب علومي يالفتكم من عداي=ماينفتح له عندكم يالغضي باب
واثري على ماقيل خابت هقاوي=سهمي تعدا وسهمكم يمنا صاب
ياعل والله كل حيٍ توده=عقب الهوا عقب الغلا خاطره طاب
يقطع مواصيل الهوا من طرفهم=ياعل قلبي من هوا حبهم تاب
ياصار بالدنيا قريبٍ وخلاك=وسط القبر مابه حبايب ولااقراب
ان ماخذيت الود منه وانا حي=وش ينفعن وده وانا داخل تراب[/poem]
رد مع اقتباس
كل عااام وأنت تقليدي يا مشعل
المفضلات