الأخوة الكرام
اداريين ومشرفين وأعضاء وزوار منتدى مضايف شمر الغالي على قلوبنا
بما أني ضيف جديد ،، استعجلتني هذه المشاركة الكي بوردية لكي تكون
مصافحتي الأولى لقلوبكم الطاهرة ، ولو أنها لن ترقى الى مستوى ذائقتكم
الشعرية الراقية ،، ولكن أتمنى أن تـلقى لو شيئاً من القبول والاستحسان
وأن تغضوا الطرف عن القصور ،، وللجميع خالص التحية 0
(( هــــلا بـك ))
هلا بك ( عيد ) يا ( عطر ) القصيد وما تمنيته
........... هلا بـك والحروف اللي ســحرها نار وقـّــادي
سـألتك ياحبيبي ... ويــن ..؟ وطول الصـبر مليته
........... تسـابقني على دربك خطاي وجيت .. ورّادي
على شانك أرصّ القاف حرف ٍ حرف .. ياليته
........... اذا عينك روت حرفي تحـس بنـشوة الـشادي
أهيجن حرفك الطاغي .. ونبضك ماتناسـيته
........... عرفتك روض .. وامطار .. وسـحاب ٍ فيه رعـّــادي
رعـــاك الله ياطــيف ٍ لـــفاني مـا تحــــريته
.......... تعــرّض للـنـفــود وطافها .. والضــلع .. والـــوادي
ســقاني كاس .. من غـيره ( يـمـيـن ٍ ) ماتقهويته
.......... خضـعت وطـحت بشـباكه .. وأنا مـعـروف بعــنادي
أنا من لابـة ٍ مــعـروف ورجـل ٍ ذايـع ٍ صـيته
.......... أســامح والــشـموخ اللي ورثته طـبع الاجــــدادي
تعــالي فـوق عـرش ٍ مـا وطى حـي ٍ حــرم بيته
......... بـيـوت ٍ للـــــشـرف تســــتاهلك يابنت الاجـــــوادي
تعــالي له أمـيرة حـسـن .. لاجـل رضــاك ســويته
.......... عـلى عــرش الــغلا .. تامـر وتنهى ســيد الاسـيادي
طـلبت الله جليل الملك بـعــد الـصبح صــلــّيته
......... يحــفظك لي عـن اســباب الخـطر .. وتـمــوت حـسـّادي
وسلامتكم ،،، وشكراً لمن مــرّ من هـنا 0
رد مع اقتباس
المفضلات