أحزان هذه القصيدة، تتبعثر في كل جانب وناحية مشاركة الظلام ظلم ذلك
الفراق الصعب الذي ألقى بهمومه وطول إنتظاره على رصيف الأمل لتسود
الدفاتر وتبقى الذكرى عالقة بين سطورها..
**************************
قصيدة أجهل شاعرها ،،، لكن لا يمنع ان أضعها بين أيديكم
لنعيش ذلك الحزن العميق الذي بين سطورها وحروفها ،،،،
فنستشف الالم العميق في ابياتهااااااا ،،،،
=========================
الا ياموت وينك ماتجي اليوم تأخذني
توديني على الغالي أشوف أخباره واعلومه
الا ياموت قلي بصدق هو للحين متهني؟
الا ياموت خبرني عساه مرتاح في نومه
الا ياموت وين اللي اذا غبت لحظه يفقدني
الا ياموت وين اللي أفرح حيل باقدومه
الا ياليت الزمن يسمح لوبالحلم يحضني
حرمتني منه ومن حضنه وصرت اليوم محرومه
انا المشتاقه له بجنون انا اللي ابيه يسمعني
انا اللي مت في موته وان اللي ذبت بهدومه
يبهـ وينك عساك بخير عساك ان رحت تذكرني
انا بنتك انا روحك وانا بفرقاك مهمومه
يبهـ واليوم من بعدك تراه الهم ذابحني
ذبحني حيل بغيابك ذبحني حيل بسهومه
حسافه يايبهـ ليتك تجي وبيديك تقبرني
تريحني وانا ارتاح واصير بلحظة مرحومه
انا ادعي ان ربي ان الموت يجي لحظه ويعشقني
وأفارق زول هالدنيا وبترك ليلي ونجومه
رد مع اقتباس
المفضلات