عندما يجري الغرابيل لطنخاااااان

[المطنوخ]

بسم الله الرحمن الرحيم

..
..

السلام عليكم ورحمة الله وبركاتة

أولا كل عـــــام وانتم طيبين<--فضائية مصريه
وتقبل الله طاعتكم


..
..

لو قلت لكم ان المطنوخ كان طالب مميز و نشيط و مجتهد و يحل واجباته على طول .. و في الفصل هو اول طالب يرفع يده .. و كل يوم جايب معه عمل .. هل راح تصدقون ( القراء و بصوت واحد يصرخون no way ) .. اذن لنخبركم بالحقيقة و هي ان المطنوخ كان طالب كسول و مشاغب و ما فيه يوم ما توقف عند مكتب المدير .. ويقال ان من كثر ما نزل طنخان عند مكتب المدير فتح المدير مكتب جنبه لطنخان يمسك محله اذا راح يجيب عياله من المدارس .. و على الرغم من ان طنخان كان مستمتع بالوضع الا انه كان غير راضي على عدم تخرجه من المدرسة .. كان حلمه يصبح موظف ارشيف في ترحيل الخادمات ( احقاقاً للحق كنت كاتبها الخدمات بس عدلتها .. وش رايكم بالامانة بس ) .. وكان المدير يقف حجر بين طنخان و بين تحقيق هذا الطموح

و كان هناك صديق خاص لطنخان كان يقول له كل اسراره الخاصه و احلامها و مشاريع المستقبل .. و ايضا يشكي له همومه و احزانه و غصاته و اوهامه و اوجاعه ( هنا حظن الكاتب المطنوخ و جلس يطبطب على ظهره ) .. و دايما ما يشكي طنخان لصديقه عن معاملة المدير له .. و تحيزه ضده جعله سبب كل داء في هذه المدرسة .. و يرمي بجميع الاتهامات على طنخان .. اذا انسرقت المدرسة قال طنخان و اذا ضرب طالب قال طنخان و اذا بنشرت سيارة مدرس قال طنخان .. حتي يقولون مرة سقطت زوجة مدرس و اتهم طنخان!! .. واضح ما قلت لكم معلومات عن هذا الصديق الذي لايقل فهاوه عن طنخان

مع ان الاسماء ببلاش و ما هنا اكثر منها .. و مع ان نحن نقرء موضوع في الانترنت و ما فيه لا حسيب و لا رقيب على النت .. لكن ابى الكاتب و استكبر الا ان يختار اسم غير معروف و لم يسبق لاحد و سمع عنه .. من هو صديق طنخان الذي يشاركه بطولة هذا الموضوع .. عزيزي القارئ خمن معنا من هو هذا الصديق .. ارجع بالذاكره قليل الى الوراء .. اجل اجل انه بشحمه و لحمه .. نعم يا عزيزي انه هو هو هو .. احبائي ان صديق طنخان هو أبوطحطح .. أبووووطحطح ( و هنا تلتهب اكف القراء تصفيقاً لهذه الخبريه و هناك معجبة اغمي عليها ) .. و يدخل أبوطحطح الى الموضوع و هو رافع يده اليمنى للجمهور ترحيباً بهم .. و بعد ما شاهد ابوطحطح صديقه طنخان اتجه اليها و حظنه و الدموع تنزل من الجميع .. من طنخان و من ابوطحطح و من الكاتب و مني انا شخصيا و من بعض القراء و البعض الاخر سأل عن سبب هذا البكاء و بعد ما عرف السبب اجهش بالبكاء ايضا ليس تأثر لكن مع الخيل ياشقرا

و بعد ما جلس ابوطحطح بجانب المطنوخ في الاستديو و كان كل واحد حاط يده على يد الثاني تعبيراً عن محبتهم لبعض .. و سأل المذيع أبوطحطح عن مشاعره في هذه اللحظة .. و بعد ما عدل أبوطحطح من نظارته ابتسم و قال : يسعدني و يشرفني ان اعود للمشاركة مع طنخان في موضوع جديد .. و ان شاء الله تكون هذه المشاركة مرضية للجميع .. و يكفيني فخراً انها مع علم من اعلام الكتابة في الشرق الاوسط اللي هو المطنوخ .. و هنا يشد طنخان على يد أبوطحطح تعبيراً على تشرفه بهذه المشاركة .. و اتجه المذيع بالسؤال الى طنخان وقال له : استاذ طنخان وش قصة اعادة ابوطحطح الى الاضواء .. رد عليه طنخان و قال : من اول ما عرفت أبوطحطح وانا عارف انه انسان موهوب و يخدم اي موضوع يشارك فيه .. و انا في هذا الموضوع الجديد احتجت الى مشاركة شخصية متميزة و كان اول من جاء في بالي أبوطحطح ( و هنا نزلت دمعة من أبوطحطح ) .. و سأل المذيع : هل سوف نقرء شي جديد في هذا الموضوع .. رد عليه طنخان : و هل تعودت من طنخان الا كل شي جديد

وبعد ما اعتلى طنخان المسرح وقوبل بتصفيق واهازيج من الجمهور رفع يده ملوحا لهم فما ان سكت الجمهور حتى قام يصدح...

[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="solid,medium,gray" type=3 line=0 align=center use=ex num="0,black"]
أمس الضحى عقب العشى جتني علومن مبهجه=خلتني أركض داخل الصاله أسوي دحرجه

يافلتي يافلتي فيها العلوم المزعجه=قال ( المخاوي ) إننا ذوو خيول(ن) مسرجه

ذات صهيل(ن) وعويل(ن) وهديل(ن) مترجه=قال ( النطول ) إنها خيل(ن) عجاب(ن) منتجه

فصكها في عينه .. خلاّ بطونه مبعجه!!=راحو إلى القاضي ( أبوغازي ) يحل العجعجه

فشوشرو ووشوشو وشنشنو بالمشحجه=قال ( أبوغازي ) تر هذي قضيه صعبجه !!!

روحو ( لبوسلطان ) قولو له يوضح منهجه=فدحدرو دحدرتن من تحت تلك الدردجه

قالْ أبوسلطان : القضيه في ملفّي مدرجه=لكن عجزنا .. ماعرفنا مدخله من مخرجه

تكامشو بالمحكمه .. كش صلعه كش صلجه=تجلجلت ولجلجت وجلجلت باللجلجه

كلن يقول أنا معي حجه عجيبه مفلجه=صارت غرامه قدرها بالحكم : عشرين نعجه[/poem]

و بعد انتهاء البرنامج طلب مخرج البرنامج التقاط صور تذكاريه بهذه المناسبه .. و غادر الضيوف الاستديو بمثل الحفاوة التي استقبلتهم الجماهير في البداية .. و كانت اللموزين في انتظارهم بالخارج و ركبا الاثنان .. و بعد ما ركبا السيارة كانت هناك مفأجاة غير متوقعه لهما .. طبعا الجميع يريد ان يعرف وشهي المفأجاة اللي كانت في انتظار ابطالنا .. تبون تعرفون .. اكيد تبون تعرفون .. اغلبيتكم شفااااايين .. المفأجاة يا حلوين .. هو الفنان الكبير عزت ابو عوف .. يحق لكم ان لا تصدقون .. كيف فنان كبير و مشهور يشارك المطنوخ في موضوعه هذا

بعد ما ركبا الابطال اللموزين و بعد ما رحب بهم عزت ابو عوف .. اتجه الجميع الى مقر كتابة الموضوع .. و من داخل السيارة كان الجميع غارق في الضحك من ذبات الفنان الكبير عزت ابو عوف ( تنبيه : مشاركة الفنان عزت ابو عوف صغيرة في الزمن كبيره في المقام .. محاولة من الكاتب لكسب جماهير هذا الفنان في صفه ) .. و بينما عزت و معدي يتجاذبون اطراف الحديث كان الهم راكب طنخان .. فألتفت له عزت و سأله عن اسباب هذا الهم .. فأخبره طنخان انه متى ما دخل بطولة موضوع جديد يهتم و يهوجس كثير .. الى ان يبدء الموضوع ينسى كل هذا و يعيش الدور

خففت قفشات عزت ابو عوف من هم طنخان .. و صار ابو عوف يعطيهم نصايح في كيفيه الاندماج في التمثيل .. و بينما عزت ابو عوف يتحدث قاطعه أبوطحطح و سأله سؤال .. قال أبوطحطح : استاذي العزيز عزت ممكن تقول لنا كيف قدرت تمثل مسرحية شاهد ما شافش حاجه لمدة عشر سنوات .. قال عزت له : يا ابني هذاك عادل امام .. قال أبوطحطح : تصدق على ذبات اللي قبل شوي حسيت انك عادل امام ههههههه .... و ضحك طنخان على ذبة أبوطحطح

وقبل ان يرد عزت على ذبة أبوطحطح .. وصل الاخوان الى مقر كتابة الموضوع ( ليش تعتقد ان اللي يقرون الموضوع مهبل مثلك و يصدقون اي شي تقول ) .. و بعد توقف السيارة نزل أبوطحطح و طنخان و قد شكر أبوطحطح الكاتب على كتابة اسمه قبل طنخان و ان هذا يزيده فخر .. و دع الشباب عزت ابو عوف و دخلا في الموضوع دخلت رجلاً واحد .. بكل ما تحمله الكلمه من معنى .. بقلوب لا تعرف للخوف طريق .. بهمه عاليه .. بشجاعه نادره .. بأخلاق زقرتيه .. و كان اول مشهد في الموضوع هو مشهد دخول طنخان الفصل و جلوسه بجانب أبوطحطح بانتظار دخول المدرس المصري يالله ندخل في الموضوع ( تعال يامسبوع الابو الحين كل هذا و ما دخلت في الموضوع نعبوا غيرك لي ثلاث ايام اكتب و اخر شي توك ما دخلت في الموضوع )


--------------------------------------


مثل ما قلنا في البداية ان طنخان يشكي همومه لصديقه اللي هو أبوطحطح .. و يسأله عن كيفية التخلص من هذا المدير و عقابه لطنخان .. و مع سوالف طنخان لأبوطحطح كان أبوطحطح يهز راسه بكل انتباه .. و مع اندماج طنخان في الحديث استوقفه أبوطحطح فجأة وقال له: بالله يا طنخان شوف اصبعي هذا الصغير .. قال طنخان : اي وشفيه .. قال أبوطحطح : انا لو اصبعي هذا يعورني قطعته ( حكييييييييم يا أبوطحطح حكيم ) .. قال طنخان : طيب هي تعورك الحين .. قال أبوطحطح : لا .. رد عليه طنطخ : طيب وش مناسبة الكلام اللي قلته قبل شوي .. قال أبوطحطح :أبد حبيت اسوي نفسي حكيم .. و الي اقصده يا طنخان ان اذا فيه شي ما قدرت تتعامل معه اتركه ياخي و فكنا .. قال طنخان : يعني قصدك اترك الدراسة و يضيع مستقبلي و اصير داشر و اصيع في الشوارع و ادمن مخدرات و خمر و استأجر شقة ؟ .. لا لا ياخي ما ابي اصير هاللون .. كل هذا الكلام و أبوطحطح فاتح أفمه ما يدري وش السالفة

و انتبه طنخان الى ان أبوطحطح مفهي فرشه بقلاص ماء .. و بعد ما رجع أبوطحطح للدور قال لطنخان : انا اقصد انك تترك المدرسة هذي وتنقل لمدرسة ثانية .. وش المسلسل الكويتي اللي قلته قبل شوي؟! .. و قال له طنخان : طيب و امين السوري .. قال أبوطحطح : وشفيه امين .. قال طنخان : تعتقد بيوافق اني انقل لمدرسة ثانيه .. قال أبوطحطح : وش دخله هذا تنقل او ما تنقل .. اقول طنخان لا تكون انت و امين .. قال طنخان : لا لا .. بس ياخي الحب عذاب :heartpump .. قال أبوطحطح : الحين من بين كل الطلاب ما اخترت الا خليفة رونالدينهو في البشاعه .. وش انت شايف زين فيه .. قال طنخان : عليه اسلوب احسن من البنات .. قال أبوطحطح : وانت وش تبي بأسلوبه .. قال طنخان : ارجوك يا أبوطحطح الى هنا و قف .. صحيح ان حنا اصدقاء و نحب بعض و انت مثل اخوي .. بس انت هاللون تعديت صلاحياتك في الموضوع .. قال أبوطحطح : الكاتب ما قال لي ان الموضوع هاللون .. قال له طنخان : ياخي هذا الشي حاصل في المجتمع خصوصا في المدراس و لازم نناقشه .. قال أبوطحطح : رح ناقشه بعيد عني يا ليت نطمر هذا الجزء .. رد طنخان قائل : توعدني ننزل موضوع عن هذة الظاهرة في مضيف الاسرة هههههههه .. قال أبوطحطح :وجع يا خبل هههههههههه انا عارف ان ما فيك فايدة و انك تبي تجيب العيد بس ما توقعتها هاللون ( اتمنى من الاخوة والاخوات في مضيف الاسرة يتكلمون عن هذه الظاهرة ) :o

ودع طنخان صديقه أبوطحطح على انه يكلم والده ان ينقله من المدرسة و يكلمون والد امين ينقل امين في نفسه مدرستهم ههههههههه .. و بعد ما وصل طنخان الى المنزل صاح على امه ان تحظر الغداء .. لكن امه لم ترد عليه و هنا استغرب طنخان من الوضع .. فذهب الى الصالة وصوّت .. لكن لاحياة لمن تنادي كاد المريب ان يقول خذوني .. و بعد ان بحث طنخان في البيت كله لم يجد احد فيه .. و بينما هو نازل مع الدرج وجد ورقة تحت سجادة في الصالة و كان مكتوب فيها : (للاسف ان جميع الاباء و الامهات رفضوا ان يشتركون معك في موضوع جديد بعد الذي حصل في موضوعك السابق و كيف انك بكل وحشة قتلت زوجتك النمله .. مع تحياتي كاتب الموضوع ) .. و هنا ابتسم طنخان و قال بينه وبين نفسه كلام ما قدرت اعرفه .. يا ليت تفهمونها ان اي كلام يقوله طنخان بينه وبين نفسه ما اقدر اقوله لكم

قرر طنخان انه يذهب بنفسه و يطلب النقل و ينسى امين و يفتح صفحة جديدة الدنيا فيه افضل من امين الف مرة .. ذهب طنخان الى غرفة نومه علشان ينام في انتظار الصباح .. و استلقى على سريره و ذهب في سابع نومه .. وفجأة رن جرس الهاتف .. فرفع السماعه و كان أبوطحطح هو اللي على الطرف الاخر .. و قال أبوطحطح لطنخان : تعال الحين لملعب الحاره بسرعه .. قال طنخان : وش هالقفله مباره اخر الليل؟ .. قال أبوطحطح : وش مباراته جعلي العب على ظهرك بلنتيات .. قال طنخان : طيب وش عندك تبيني في الملعب .. لاتقول لي نبي نصلح لمبات الملعب علشان رمضان ترى ماباقي على العيد مدة .. بعدين حنا متفقين السنة هذي نلعب طائرة .. رد أبوطحطح و بكل عصبية : يا حبيبي يا طنخان تعال للملعب الحين يا حياتي يا عمري .. قال طنخان : يالله جيتك يا قميل يا حلو ههههههه .. قال أبوطحطح : انت تعال نعرف منهو القميل

و وصل طنخان الى الملعب و شاف أبوطحطح عند المرمى فارش له فرشه ومعه زمزمية شاهي و فصفص وستريو .. و بعد ما وصل طنخان للجلسة قال : خير يا بو الشباب وش عندك محظرني اخر الليل .. قال أبوطحطح : تبي الصراحة انا مستلج و مسكت معي الا اجلس معك و نسولف عن الماضي .. حمق طنخان من أبوطحطح و اخذ الزمزمية و رماها على أبوطحطح .. و هنا وقف أبوطحطح و استقبل الزمزمية بصدره و بكل قوة شات الزمزمية الى نص الملعب و ركض لها .. و قبل ما تنزل الزمزمية كان أبوطحطح في استقبالها و ثبتها بفخذه بعدين صاح على طنخان و قال له : امسك حارس .. انت الطرابلسي و انا جاسم يعقوب هههههه .. كل هذا و طنخان منبهر من اللي صاير و قال طنخان : الله يلعن الحبوب اللي دمرت شباب الوطن و بعد ما قال هذه العبارة فسخ نعاله وانتم بكرامه و ربط ثوبه في النص و راح يركض علشان يمسك حارسه .. وبينما طنخان ذاهب الى المرمى حصل شي غريب و هو ان طنخان طلع له خنافس مثل خنافس فتحي كميل .. أبوطحطح صار لونه ابيض و جبهه و صار فيه شبه من جاسم يعقوب .. وبعد ما مسك طنخان حارس كان أبوطحطح ينطط الزمزمية و يستعرض .. مرة على راسه مرة بالقدم و مرة يثبتها على رقبته و بعد ما شاف طنخان في
المرمى انطلق بالزمزمية .. و فجاة طلع عليه مارادونا علشان يقطع الزمزمية منه ( ههههههههههههههههه والله الظاهر اني مهلوس صدز ) و سحب أبوطحطح بمارادونا و صاح الجمهور .. و اقترب أبوطحطح من المرمى فخرج عليه طنخان ..و ايضا سحب أبوطحطح بطنخان .. و وصل الى المرمى الا و مارادونا عنده و بكل حرفنه مرر أبوطحطح بالزمزمية بين رجلين مارادونا .. و سجل هدف و انطلق أبوطحطح رافع يده اليمنى و طلع عليه محيسن الجمعان و الهريفي و حظنوه فرحاً بالهدف ( كل هذي الاشياء تصير و القراء منهبلين )





مع الصجة اللي صايره في الملعب صحى شايب من شيبان الحاره و كان هذا الشايب في شبابه ساحر .. لكنه قدم تقاعد مبكر بعد ان جمع ملايين من السحر .. المهم ان الشايب ارتفع ضغطه من ازعاج أبوطحطح و طنخان وقرر انه ينتقم منهم .. وكان خير انتقام انهم يسحرهم و يحولهم الى جماد .. وبعد تفكير عميق و هو يطل من الدريشة على أبوطحطح و هو فاسخ الفنيلة و يركض في الملعب و طنخان طايح برا الـ 18 و يمثل انه مصاب بشد عضلي .. و كان مرة يضحك عليهم و مرة يعض لسانه حقد عليهم .. في الاخير قرر انه يحولهما الى كراسي و ينقلهم على مدرسة بنات منها يفتك من ازعاجهم و خبالهم و منها يوسعون صدورهما .. و كان عملية السحر سهله و بسيط .. حيث اخرج يده مع الدريشة و قال عبارة سحرية اللي هي ( قهرتك بالقهار عازل الليل من النهار ) .. انطلق السحر من يده الى ابطالنا الاشاوس أبوطحطح و طنخان .. و لكن لم يحصل لهم شي .. و جرب الشايب ثاني مرة و لكن لم يحصل شي بعد .. و هنا عرف الساحر انهم على طهاره ( ههههههههه ) و ابتسم الساحر اعجاباً فيهم .. كيف شباب و في وقت متأخر و على طهاره .. ما يدري انهم متبلدين الاحساس .. و قرر انه يستعمل معهم سحر اقوى erierela

و ارسل سحره للمره الثالثه و مثل ما يقولون الثالثه ثابته .. و سحرا البطلان أبوطحطح و طنخان .. و تحولا الى كراسي .. لكم ان تتخيلون كراسي في ملعب و الرياح تهب على الملعب .. و جلس أبوطحطح و طنخان يتبادلون النظرات فيما بينهما .. تعجباً من الذي حصل .. و كيف انهم في ظرف ثانيه تحولا الى هذا الشكل .. وقال أبوطحطح لطنخان : وش اللي صار .. وشولن غدينا هاللون .. كيف نروح للبيوتنا و حنا هاللون .. قال طنخان : هين هذي سهله الا قل كيف نقضي حاجتنا و كيف نغتسل منها بعد ما نخلص .. ورد عليه أبوطحطح : وانت ما يهمك الا هذي الاشياء .. وش انت مسوي لامك اليوم يمكنها زعلانه منك و داعيه عليك ( مشهد تراجيدي ) .. قال طنخان : والله اني بار بوالدي .. الا هذا كله من ذا الحبوب اللي انت تبلع .. ربي يبيك تتوب و سخطك هاللون ( تخيلوا يا اعضاء يا حلوين شكل الشباب و هم يتنقاشون في اللي صار و هم على شكل كراسي و كل واحد يرفع رجل كرسي و يأشر لثاني فيها ههههه ) .. و بينما هما مندمجين في الحديث نزل الشايب من منزله و ذهب لهما في الملعب

وصل الشايب و تنحنح اعلاماً لهما و ادباً .. التفت أبوطحطح و طنخان التفاته واحده و كان الشايب مبتسم .. و سألوا الشايب من يكون .. قال الشايب : انا من حب بجنون هههههههه .. رد عليه طنخان : اسمعني يا .. قاطعه الشايب : انتبه تسب و احترم سني .. انا اللي خليتكم هاللون ازعجتوا الحارة بصجتكم .. ما خليتوا احد ينام .. ماتستحون .. فيه عجز فيهم سكر و فيه شيبان فيهم الضغط و فيه ناس توهم متزوجين و انتم قطعتوا حبل افكار الزوج و فيه و فيه ( في هذه اللحظات اخرج أبوطحطح جواله و شغل البلوتوث و طنخان كان يصور الشايب و هو يتكلم و ارسل المقطع لأبوطحطح بأسم لمياء طارق ههههه )

و انتبه الشايب الى ان العيال مهم معه فأخذ الزمزميه نفسها و قسمها قسمين و قذف القسم الاول على أبوطحطح و القسم الثاني على طنخان و بكل رشاقة قفز طنخنان عالي وتجاوزته الزمزمية و ايضا و بكل رشاقة قفز أبوطحطح علشان يقلد حركة طنخان لكن فارق التوقيت خذله فأصبته الزمزمية في ركبته ( تخيل عزيزي القارئ شكل كرسي طايح في نص الملعب و ماسك ركبته و جنبه كرسي ثاني يطلب دخول الاسعاف الطبي لعلاج زميله ) و بعد ما شاهد الشايب اللي صاير فقع ضحك على المشهد و من كثر الضحك جاته نوبة ربو شديده فسقط مغشي عليه و شاهده طنخان فتجه له بسرعه ( تخيل صوت كرسي يركض ارض حجرية ) و لحق به أبوطحطح لكنه كان ماسك ركبته و يمشي شوي شوي ( تخيل صوت كرسي ما يركض بسرعه )

وصل طنخان الى الشايب و قرر انه يعطيه قبلة الحياة علشان ينقذ حياته و يعفو عنهم الشايب و بينما طنخان يقرب شفايفه من شفايف الشايب علشان يسوي له تنفس صناعي مسكه أبوطحطح و قال له : لا لا يا طنخان انا ما اسمح لك تضيع مستقبلك مع مثل هذي الاشكال ..طنخان اذا انت ما تقدر تمسك نفسك انا مستعد ادور لك عروس بس ما تنزل نفسك مع هذا الشايب ( معليش يا اخوان أبوطحطح فاهم طنخان غلط ) .. قال طنخان : يا حقير انا ابي انقذ الشايب و اسوي له تنفس صناعي .. رد عليه أبوطحطح و هو يضحك : ههههههه وشو التنفس الصناعي .. رد عليه طنخان : انت شوف وتعرف .. قال أبوطحطح : يالله ورني اجل .. مثل ما تعرف ان الكاتب قرر يترك المراجه بداية من هذا الموضوع و علشان هاللون صرفتها بالتنفس الصناعي .. قال أبوطحطح : هههههه والله انك ذيب .. كل هذا و الشايب حاط يده على خده و يشاهد الشباب و هم طالعين عن النص و يتأفف و يمسح التراب اللي على خده .. بعدين صرخ الشايب و قال : هاه بتنقذوني :mad1:

و ضحك طنخان و أبوطحطح لانشغالهم عن الشايب وقال له طنخان : يالله يالله انبطح خلني انقذك ههههههههه .. رد أبوطحطح وقال : ههههههههههه هذا اللي يبي يترك المراجه ويعقل اجل تبي الشايب ينبطح .. قال طنخان : يتحمد ربه اول مرة احد يقول له ذا الكلمه ههههههههههه .. هنا قام الشايب و صفق راس أبوطحطح براس طنخان وقال لهم : خلصوني ابي اروح اضرب ابرة السكر .. قال له طنخان : طيب نم على الجانب اللي يريحك .. و سقط الشايب علشان يضبط الدور صح .. و جاه أبوطحطح و رفع رجوله .. و جلس طنخان يناظر أبوطحطح و هو منهبل وقال له : وش تبي تسوي يا خبل .. قال معدي : ياخوي ودي اشارك بالانقاذ ومادري وشو اسوي .. قال له طنخان : نزل رجوله لا اشوتك .. و نزل أبوطحطح رجول الشايب و ابتعد قليل عنهم .. وهنا نزل طنخان على راس الشايب و جلس يمسح جبهته و يسمي عليه .. و قام الشايب و قال لطنخان : انت شايفني واحد من عيالك وقايل لك تعال قص لي حكاية قبل النوم

رد عليه طنخان : ياخي عجزت اتخيل الموقف وانا اسوي لك تنفس صناعي .. حامت تسبدي .. رد عليه الشايب : انت ماخذ فلوس على هذا الدور ولازم تسويه ( واضح ان الشايب يبي يستغل الموقف في صالحه ههههههههه) و وافق طنخان و نام الشايب و دخل في دوره و عمل له التنفس الصناعي و فاق الشايب من الغيبوبه .. و ذهب طنخان الى اخر الملعب و هو واضع يده على فمه و اليد الثانيه على بطنه .. و جلس خلف المرمى و صار يطرش و جاه أبوطحطح و وضع كاس امام طنخان علشان يجمع التطريش و بعد ما انتهاء طنخان من التطريش سأل أبوطحطح عن سر هذا الكاس و ليش يجمع تطريش طنخان .. و رد عليه أبوطحطح بأنه قرء مقاله ان الصديق اذا شرب من تطريش صديقه سوف يستمران مدة طويلة في صداقتهما و ان أبوطحطح يريد ان يستمر صديق لطنخان اطول مدة ممكن ( الله ياخذك انت و صاحب هذه النظرية المقرفه )

وذهب الاثنان الى الشايب و طنخان يسحب أبوطحطح مع رجل الكرسي و بعد ما وصلا الى الشايب شكرهما الشايب على انقاذهما له و بالخصوص طنخان .. و قال الشايب لطنخان : ياخي قبلتك مثل وجهك .. و نظر طنخان الى الشايب بحقد و بعدين نزل راسه علشان الشايب كسر عينه .. و قرر الشايب انه يعيدهما الى حالتهم الطبيعيه بشرط ان يعقلون و يتركون منهم اللعب اخر الليل .. و وافق طنخان و أبوطحطح على هذا الطلب .. و بعد اعادتهما الى حالتهما الطبيعيه قال الشايب لهما : يا عيالي انا بوصيكم وصية و هي




















اذا مسكت معكم تلعبون كوره اخر الليل لاتلعبون وانتم حافين علشان ما تعورون انفسكم


واسمحواااا لي على الاطاله
واسمحوا لي على غيبتي

[سلطان زمان]

كل عام وانت بخير ياطنخان وان شاء الله ماتشوف غرابيل الا مني بس...

(اذا مسكت معكم تلعبون كوره اخر الليل لاتلعبون وانتم حافين علشان ما تعورون انفسكم)

اقول والله ياهي ماسكه معك صح...

( في الاخير قرر انه يحولهما الى كراسي و ينقلهم على مدرسة بنات منها يفتك من ازعاجهم و خبالهم و منها يوسعون صدورهما .).

عطني عنوان الساحر ابي العن والدي والديه ......

(قال طنخان : هين هذي سهله الا قل كيف نقضي حاجتنا و كيف نغتسل منها بعد ما نخلص ..)

يقول المثل ياطنخان .. اذا دشيت البحر طف الزقاره....


.. واخيرا يعطيك العافيه على ماسطرته اناملك .. صحيح يبيله جلاده بالقرايه ..وصحيح انقطع نفسي وانا اقرأ .. وانقطع تركيزي عدة مرات ما قدرت اجمع .. بس عاد وش نسوي هذا هو راع المعلقات..

[ابو غازي]

تكامشو بالمحكمه .. كش صلعه كـش صلجـه
تجلجلـت ولجلجـت وجلجـلـت باللجلـجـه



افييييييييييييييييييه ويش هالسرده يامعود

بالله انت من العام وانت تكتبه


تسلم ياطنخان

والحمد لله على عودتك سالماً غانم

وين المساويتس والسباااااح

[المطنوخ]

سلطان زمــــــان

.. واخيرا يعطيك العافيه على ماسطرته اناملك .. صحيح يبيله جلاده بالقرايه ..وصحيح انقطع نفسي وانا اقرأ .. وانقطع تركيزي عدة مرات ما قدرت اجمع .. بس عاد وش نسوي هذا هو راع المعلقات..

انت تشوف هالموضوع اللي ما يصلح الا لراعين التريلات من طولوه

ولو تفرشوه سفرة لعشاء عرس كفى وزيـــــــــادة
خخخخخخخخخخخخخخخخخخخخخخ

هالموضوع والله بغيت اخليه للعيد مار عجست لا اصبر قلت اجدعه قبل العيد وتقرونوه ويوم يجي العيد مايمديكم تروحون تصلون العيد الا وانتم مخلصينوه


لاعدمنا هالمرور الغالي

لاهنت يابعدي

[المطنوخ]

خااااااااالي أبوغازي

ياميت أهلين وسهلين<--يبي يذكرك بأيام ابوشكيم قدس الله سره واسعد بناته

افييييييييييييييييييه ويش هالسرده يامعود

بالله انت من العام وانت تكتبه

أخبر يوم كتبته وحسني مبارك توه مفطوم
وتوي خلصتوه

تسلم ياطنخان

والحمد لله على عودتك سالماً غانم

وين المساويتس والسباااااح

مع ابوثووووب شفوه واحشروه لا يبسط بهن ولا يوديهن يم خويك مادري وشو بسطه


نورت هالمصفح والله يابوغازي وشرفن

لاعدمنا هالزين والطله البهيه

وعيدك فؤاد وصبحي ونشمي

سلم لي على برجس

[الشبث]

ياحماااااااااااااااااااار ( من غلاك ليش تغيب )





طنوووختي

سمعت ان هالجماهير الغفيره من كثر ماتحبك قامت تحذف عليك بيض فاسد وطماط خايس


ومن الحب ما قتل






بس ياخي تسان قايلن لنا انوه طوااااااااااايل من الاول علشان نفصل الاتصال









بالله سلملي على المطحطح






وتقلد تحيتي

[شريف روما]

هههههههههههههههههههههههههههه
ههههههههههههههههههههههههههههههههههه

يخرررررررررررررررررررررررررررررررررررررر رررررب بيتك زييييييييييييييييييين

وعليكم السلام ورحمة الله وبركاته << تو الناس

ياهلا والله بطنخان
تقبل الله طاعتك
وعمرة مقبوووووولة


عزالله خوش سالفة بس لو تخليه على حلقات

محيسن الجمعان << ضحكت على هالسالفة ضحك هههههههههه
من طول القصة وحلاته مدري شنو اقتبس وشنو اخلي
مااقول غير الله يعطيك العافية

وثق تماما بأنني بانتظاااااار جديدك دائما وابدا
دمت ودام ظلك فلننعم بالسلام

[ابو ســـــيف]

فصكها في عينـه .. خـلاّ بطونـه مبعجـه!!
راحو إلى القاضي ( أبوغازي ) يحل العجعجه

فشوشـرو ووشوشـو وشنشنـو بالمشحجـه
قال ( أبوغازي ) تر هذي قضيه صعبجـه !!!

كسر كسر يابخت الابيات اللي تكسرهــا


ههههههههههههههههههههههههه





لعن ابو بليسك هذا ماهو تكسير......... هذا تفتيت...!!

طحنتهن طحن الله يجزاك خير .. !!







وياشيخ وش هالرواقه ..!؟



ولا انتم معيدين ..!؟






بكرا بحايل معيدين معيدين الله لايعوق بشر !!

شيباننا يتفلتون ... عجزو يصبرون 12 ساعه عن القهوه





كلن ينبه بعيدووه من اللحين









وان بغيت الصدز اوجعن راسي وانا اقرأ . . .


بس ثمرة موضوعك هالقصيده


اتنبئ لك بمستقبل شاعر من الدرجه الاولى ..

لا واذا استمريت على هالحال...
تبي طيح سوق الشاعر الكبير شبيثان.. <<<< الترفيع ببلاش !!










الا اقوووول ... وش اخبار قرقيعان عندكم !!؟


ياحبي لكم ياهل الكويت






عاد لا تنسانا...


خلك اطيب من الزقروطي ... وازعج لنا قرقيعانيات





وكل عام وانت بخير <<<< مستعجل عليه هاه

[المطنوخ]

قرة عيني وحبيبي ..... الشبث

ياحماااااااااااااااااااار ( من غلاك ليش تغيب )

يالتسلب والله اني اشتقت لك

طنوووختي

(وجه مستحي وحاط طرف صبعه بأفمه)

سمعت ان هالجماهير الغفيره من كثر ماتحبك قامت تحذف عليك بيض فاسد وطماط خايس

تدري ليش يحذفون الطماط الخايس؟
لانه بمجرد مايلمسني يصير احلا من الحلا<--ماعاقت

ومن الحب ما قتل

اي تسيف

بس ياخي تسان قايلن لنا انوه طوااااااااااايل من الاول علشان نفصل الاتصال

انت لو تشوفن وشلون دربيتوه تقل مدربي لي سلندر غاز على درج(وشرايك بالتشبيه)

بالله سلملي على المطحطح

ميتن من اول الدنيا


شبثي
فستقة قلبي
دندونشت تسلاي
فراولة ركبي


احبك واحب مرورك اللي احلى من الزقارة عقب الفطور

[المطنوخ]

الزأروطي

ياهلا والله بطنخان
تقبل الله طاعتك
وعمرة مقبوووووولة

منا ومنك صالح الاعمال
والله يجزاك خير

عزالله خوش سالفة بس لو تخليه على حلقات

وان قصرت منه حرف واحد لا تبطون عظم انزل الجزء الثاني الا بعد 10 سنين كحد ادنى

محيسن الجمعان << ضحكت على هالسالفة ضحك هههههههههه
من طول القصة وحلاته مدري شنو اقتبس وشنو اخلي
مااقول غير الله يعطيك العافية

الله يعافيك يالطربه
والجزء اللي ذكرته كانت قمة التحشيش يعني خذ وخل
مار زين اللي جت على هاللون

وثق تماما بأنني بانتظاااااار جديدك دائما وابدا
دمت ودام ظلك فلننعم بالسلام

فليباركك الرب ايها الصديق البار
ولكن الحب والود هو نصيب عينينك دائما

ياملا الثانكيو اللي يصبخك يمين ويسار