هدية لمشـــــــــــــرفنا العاام / ابو ســـــــلطان
:2:
:99:
:backbghea
:110:
اخوانياخواتي
الحقيقة اخونا الكبير مقاماً / ابو ســــــــــــــــــــــلطان
مشـــــــــــــرفنا العاام
جزاه الله عنا كل خير أنا دئماً أخجل من هذا الرجل يغمرنا بطيب قلبه وحســــــــــن خلقه
حنا نعصب ونتوتر ونزعل وهذا الإنسان يقابلنا بإبتسامة تقطر عســـــــــــــل ويمتص غضب
الواحد منا وياكثر مايدافع عنا وياكثر مايقدم لنا المفاجأت الساره بيض الله وجهه بكل خير
اخواني
حبيت إهدي هذه القصيدة اللتي جتني عبر الإيميل وجميع أبياتها تعبر عن مابقلبي للغالي
اخي وأخوكم ابو ســــــــــــــــــــلطان
الطيب والجمايل
******************
الطيب فرصه والجمايل توافيق
ومن لا توفق ماكتب له جماله
ومن لارقى للطيب روس الشواهيق
مازان له وقته على ما بداله
وما دام لفعول الجمايل عشاشيق
كسب الجمايل ما يجي بالسهاله
ولوأنّها تشرب مع فكّة الريق
كل خذا له كل ما أ صبح بياله
والطيب منوه للقلوب المشافيق
كل ٍ يتوق ومنوته رأس ماله
والمدح مايزهى على الرجل ويليق
الاّ لا صارت وافيات ٍ خصاله
يستاهله رجلٍ يفك المزانيق
اللي يقال ونعم لا جا مجاله
ومن ساقته نفسه وهو مابعد سيق
لأجل الجميل يزيّن الله فاله
والمرجله ماهي بتحتاج تنسيق
من بين قلب اللي عشقها وباله
ومن عادة الدنيا تخون المواثيق
تفترّ مكرتها سواة المحاله
ولو لا اللوازم ماعرفنا المخاليق
مانعرف الرجال لين انعناله
والكفؤ تظهر فزعته حزة الضيق
وينشاف في الشدة بعين العداله
نسل الرجال متعّبين الملاحيق
متوسط من بين عمه وخاله
واللي يطيق ولابغى قال ماأطيق
تحرم عليه المرجله والشكاله
والهيّنه تكبر على اللاش والهيق
له في الرخاء قاله وفي الضيق قاله
والطيب شاره والضماير صناديق
واللاش طيبه ما تعدى ظلاله
وانا اسبر قلوب الرجال المغاليق
والصامت اقطع غايته من مقاله
ومادام في الدنيا رجال ومطاليق
نصيتهم واللاش مالي وماله
رد مع اقتباس
مشرف مضيف الترحيب والتعارف
المفضلات