[frame="9 80"]
عين الفكر
وين أنت يالعم العريب الحصاني=تشوف وش سوت بي عودج الايام
عساك في جنات عدن حساني=لعل يفدونك قطاطيع الارحام
ماعوضك ياعم قاصي وداني=يارمح ياللي تكسر سيوف الاخصام
جابهت غارات الزماني وعصاني=وتشوم عن هفوات الانذال للكرام
وطيت حتى الموت والعمر فاني=وإلا فلت السبحه تبي وقفة حشام
عضبان بالشدات دايم اخواني=حكام لا كبرت وأولاد حكام
ولا عاش من يحاول يسكت لساني=وما كل هم تعرفه روس الاقلام
اقرى الجنون وجنهم ماقراني=حزني يفطر صايم الجن الاصام
حدق بعين الفكر تجد مكاني=تشوف بعيون الفكر كل ضرغام
مرحوم يا,,,,,,, الفقيد الحصاني=انا اشهد انك عز من جاك منضام
عسى عيال عمي يفهمون المعاني=ولعل يصدق حلم من بيت الاحلام
وانا عريب الجد ماني هداني=تساقطوا قدام عيني الاقزام
عندي خبر ذاك الزمن قلباني=ولا احط راسي بروسهم روس الانعام
حتيش لو صار العدو بهلواني=انا على روس الاعداء مثل صدام
وبعض العقارب ماتزحزح كياني=نقراء على العقرب ولو راسها سام
حلفت ماشري بايع ماشراني=والله لا ابيعه في بخيسات الارقام
لابوه لابو من ترجاء الهداني=والله لا اهينه وادعسه تحت الاقدام
جرحتن والحظ مثلك اناني= اطيبلك دايم وتجرم بي اجرام
وش فيك ياجرح الزمان تحداني=ماتقبل اللمه على شرع الاسلام
وسلامتكم
"
"
الحزين <<خالد الزميلي>>[/frame]
رد مع اقتباس
المشاركة الأصلية كتبت بواسطة عبدالله الجعيثن
المفضلات