ساحات الوغى

**هاني العجل** · 23-10-2005 13:28

احبتي .. كم يطيب لي ان اهديكم هذا النص المتواضع املاً ان يحوز على شي من رضاكم

[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
بعثر القلب يفدى نظرتك بعثره = بعثره زي ماودك وحده شمال
فسر اللي تسوي كيف ماتفسره = سمه اللي تسمي حب ولا هبال
دامني من لمحتك دنيتي ممطره = ليه ماتحتفل فيك الضلوع المحال
صاحبك لاهو بشاعر ولاينثره = مار يكتب هواجيسٍ بصدره ثقال
لاتقولين وصفني .. بلا مصخره = كيف ابو صفك وانتي آيه من الجمال
كنك ليامشيتي فرت المبخره = بأزرق العود في ديوان شهم الرجال
طاح سوق الكحل ياخيبت المسكره = طاح سوق الخليجيه على البرتقال
كل هامور ماناظرك يا مفقره = شاهد الزين من لاناظرك ذا محال
راعي الطير شاف عيونك وطييره = عاف مجلاد قرناس الهوى بالجبال
برقعك .. برقعه .. لاوالله المقبره = وش يغطي لساحات الوغى والقتال
طالبك علميهم مشيت البختره = علمي للعذاري كيف مشي الغزال
لعن ابوالمسك والريحان مع عنبره = لانثرتي الجديل ولا على الراس شال
نانسي مع دلعها عندك مكشره = وزينب لياحضرتي ماتساوي ريال
ان لفيتي العذارى وجيهها مصفره = يصبح الميد ميدانك ولابه جدال
يمسي الوضع غير وتنتهي الفشخره = وكل وحده عليها كان ابضرب مثال
مثل شيبوب لا نادى على عنتره = وضع مزري يعيشه يوم ينخى تعال
اجمعي بي خفوقٍ حبك مبعثره = لمليني ترى ملت ظهور الرحال
واقبلي هالقصايد لوهي مكسره = واجبري قلب هاني يوم حده شمال[/poem]

وسلاتكم

وتقبلوا عذري

أخوكم/ هاني العجل

.

**سيدة القـــــلم** · 23-10-2005 14:18

ღ
ღ
ღ
تحياتي
عشـق القصـيد

:

:

**حاتمي** · 23-10-2005 15:01

فسر اللي تسوي كيـف ماتفسـره
سمه اللي تسمـي حـب ولا هبـال

******

طاح سوق الكحل ياخيبت المسكـره
طاح سوق الخليجيه على البرتقـال

******

الشاعر هاني

صح السانك ومشاء الله عليك صدقت حقيقه

وكفوا بما قلت .

×?°حاتمي >> هادي <<×?°

**بتول آل علي** · 23-10-2005 23:09

أخي الفاضل
هاني العجل

إن كانت هذه هي الهواجيس فقط ..!!!
فكيف به الشعر ..؟!!!

رااائعة
و ألف صح لسانك

أختك
الدهور

**الدغيشم الشمري** · 24-10-2005 01:31

لاتقولين وصفني .. بـلا مصخـره
..........................كيف ابو صفك وانتي آيه من الجمال
كنـك ليامشيتـي فـرت المبخـره
..........................بأزرق العود في ديوان شهم الرجال
طاح سوق الكحل ياخيبت المسكـره
..........................طاح سوق الخليجيه على البرتقـال

صح لسانك أخوي هاني,

وأشكرك على هذه الرائعه,

أعجبت بفنك وابجاعك الشعري,,

وارجو ان تسمح لي بحفظ هذه القصيدة في جهازي الخاص.

[blink]تقبل تحياتي,[/blink]

**فلاح العماش** · 24-10-2005 04:33

بعثر القلب يفـدى نظرتـك بعثـره
بعثره زي مـاودك وحـده شمـال
فسر اللي تسوي كيـف ماتفسـره
سمه اللي تسمي حـب ولا هبـال
دامني من لمحتك دنيتـي ممطـره
ليه ماتحتفل فيك الضلـوع المحـال
صاحبك لاهـو بشاعـر ولاينثـره
مار يكتب هواجيسٍ بصـدره ثقـال
لاتقولين وصفني .. بـلا مصخـره
كيف ابوصفك وانتي آيه من الجمال
كنـك ليا مشيتـي فـرت المبخـره
بأزرق العود في ديوان شهم الرجال

يا سلاااام يا هااني

السهل الممتنع

رااائع بكل ماتعنيه الكلمه من معنى

قصيده استوقفتني بيتاً بيتاً

قرأتها بتمعّن

مره

أثنان

وثلاااااثه

والى الآن وأنا أرتشف من رحيقها

دمت بهذا التانّق والرقي

يا هااااااني

واقبلي هالقصايد لوهـي مكسـره
واجبري قلب هاني يوم حده شمـال

بل هي جزله ورااائعه

ومجبوووره بقلوبنا

حتى وأن وجد بها كسور

( ان وجد )

**المهرة** · 24-10-2005 04:47

صح الله لسانك / وعذب هتانك

قصيدة تختال / روعة / وجمال
فيها من العذوبة / والشفافية
قصيدة/ يرفرف
فيها / ومعها / خلجات النفس
العليلة / كطائر يغرد بجناحية
في السماء
طرباً / وفرحاً

بهذا الشعر العذب
دمت بخير
اختك/ المهرة