( حليمه بولند وأيمان بنّوره بالنعيريه ) .....!!
أحبّتي هنا جميعاً
صباحكم سكّر
متواضعه
اتت هكذا ربما كانت لها مناسبه
وربما .../
( أعذب الشعر أكذبه )
صباح الخير من (حيّ الشفا*) لين النعيريه ../
..... تحيّة حب مدري ودّ مدري شوق يانوره ....!!
تحيّه تغيض وتقهر ساره وحصّه وبدريه ../
..... مع اهل بقيق وأهل المجمعه مع راس تنوره ...!!
تحية شاعر حروفه تجي ذربه وعصريه ../
..... كتب فيك القصايد والغلا من صادق شعوره
يانوره كلمةٍ ماتنكتب ماهيب مقريّه ../
..... وأذا أنتي ماتعذرتي يابنت الناس معذوره ...!!
صحيح أنّي زعلت شوي وأخلاقي تجاريه ../
..... وبس حقّك على قلبٍ تمادى شوي عن طوره ...!!
أنا يمكن تخيّلتك كذا طرقا ومبريه ../
..... ورسمتك مترفه جداً وجذابه وغندوره ...!!
وتخيّلت الملامح مثل مابيها أنتحاريه ../
..... وتخيّلتك (حليمه) أو هذيك (أيمان بنّوره) ...!!
يكفّي صوتك الناعم يابنت الناس ماريّه ../
..... ويكفي لاضحكتيلي ضحكة بنت مغروره ...!!
جيتي معجبه بشعري وكنتي جدّ حضاريه ../
..... وانا ماهمّني شكلك ولا اهتميت للصوره ...!!
وحنّا ناس نغوي ناس وحنّا ناس فقريّه ../
..... مشاعرنا وخواطرنا يابنت الناس مكسوره ...!!
والله لايجيب البعد وموضوعه وطاريّه ../
..... تعالي غرّدي بقلبي على غصنيه عصفوره
وشكراً للجروح اللي تمرّ القلب عبريّه ../
..... وانتي يكبر جروح الخفوق اليوم مشكوره ...!!
.
.
.
شكراً لقلوبكم ,
*
حيّ الشفا ( حي عبدالله فؤاد سابقاً )
الدمام
رد مع اقتباس
المفضلات