.
.
.
.
.
.
يالربع والربعات
بالخيرات
قدر الله علي واجتمعت مع رهط (اقل من عشره) من الزقرت
وقلت لهم يالربع الشتا على الباب (مهو على الدريشه)
ويبالنا مخيم مثل هالناااس
قالوا تم تم تم تم تم (علقوا على البنص)
وقالوا انت المدير ياشنقل (انتفخ راسه)
وقلت تم تم تم تم
قلت يالله قطتكم......
وهي تنكب على الفلوس من كل حدبن وصوب
والله وانا ارسل واحد الزقرت للرياض وقلت هات لنا معك اغراض المخيم قال تم يامدير
( يازين الومره)
وحنا نرتسب الخيمه ( طبعا على حديد)مع الصبه (شغل عدل)
ونبني لنا مجلس وغرفه لحارس المخيم
وحنا نطق لك اكا الشبك دار مادار 30 متر
وركبنا دش المجد (( ايه هييين))
اخو العياااااال
نسيت الدتسه وضبطنا اكا الدتسه اللي ماعندك احلا منه
وكبوس على الشبك وعقد انوار (( صار عرس مهو مخيم))
وارسلت واحدن من العيال وجاب لنا العزبه من الدمام
جاب لوه دلالن بغداديات مهو معاميل الملاك غيداء
طبعا هالحتسي اشتغلنا بالمخيم من هلللة رمضاااان
وقبل كم يوم جبنا المااااطور والله يالربع شارينه 3000 ريال
ويوم جو العيال ينزلون الماااطور
وانا اقوم اروغ ماودي انزله معهم
مدير المخيم ويبوني انزل الماااطور
قلت ياشباب انتم نزلوه واشبكوا اللمبات
وانا ابروووح لقصرانا ((مخيمن لخويانا مهو بعيد عنا)
وانا اروح يمهم ويوم جيتهم وهم يلعبووون بلوووت((على طول وانا امسك سرى))
بس البلايالربع
يوم قعدت اتقهوى عندهم
كان مراتسيني واحدن اشهب
وانا ادري انه اشهب
وهو يلتفت علي (( اهب ياوجهه))
قال ماخلص مخيمكم
قلت بنفسن شينه لالالاتوه عقب العيد
ماخذيت شوي
الا ولع نور المخيم ((ياحبيبي يامخيمي))
وهو ينطق الاشهب بكالكلمه التي كان وقعها مؤثرا جدا علي
قااال : هاااااااااه اشتغل (( والله يالربع كلمتين بس))
انا سكتت
وخمس دقايق الا وهو طافي المخيم
واشوف الزقرت ولعوا انوار سياراتهم وقااام لهم صياح
وانا افوع وانصلق عليهم عاضن شليلي
وش العلم ياشباب
قالوااا الماطور خبط وطلع منه نار ((تونا مشغلينه))
وفيه كبسين احترقواااا
ول عليك يابوحسين
اعطبت ماطورنااااااااا
واخذنا الماطور للخفجي نبي نصلحه
قالو لنا اغسلوا يديكم بفلاااش ماله طب
وودينا للنعيريه.....
قال لنا واحد تبيعونه بــ300 ريال
لعنبوا حيك شارينه بـــــ3000 ريال......
المهم يالربع
اللي يخبر لنا ماااطور استخداام حشمه
يعلمن
مخيم بلا ماطاور كشنقل بلا هيلاهوب
رد مع اقتباس
مشرف مضيف الترحيب والتعارف
المشاركة الأصلية كتبت بواسطة تعاليل
باي
المفضلات