تحتاج لاكثر من قرآئه ووقفه
[poem=font="Simplified Arabic,5,indigo,bold,normal" bkcolor="transparent" bkimage="backgrounds/16.gif" border="none,medium,gray" type=2 line=1 align=center use=ex num="0,black"]
الموت هيّن والبلى وش روى الموت = عند الحساب يهون سهم المنايا
باكر نموت وتصبح قبورنا بيوت = وعقب القصور بضيقات الزوايا
في جوف الارض وكل من حولك سكوت = وتعاقبن بالقبر عوج الحنايا
يارب يامنجي نبيك من الحوت = سترك وعفوك يوم كشف الخفايا
باكر ليا جينا على داعي الصوت = شيبان واطفال وشباب وصبايا
ندعى وحنا بين باكي ومبهوت = ورحنا لها ننقاد مثل السبايا
يارب تهديني قبل لحظه الفوت = وتغفر ذنوبي ياكريم العطايا
اشكيك هم داخل الصدر مكبوت = وايامي اللي بالخطايا ملايا
ان لاذبك من كان طايع ومبخوت = في من يلوذ المرتكب للخطايا..؟؟
يارب ياقادر على كل طاغوت = لاياقف اللي وحدوبك خزايا
رحماك لامنا صحينا من الموت = واليا وقفنا عند بابك عرايا [/poem]
للررائع متعب التركي بعد الهدايه نسال الله الهدايه
رد مع اقتباس
المفضلات