مالنا نصيب بالعشا

**الأصيل** · 18-10-2005 11:19

السلام عليكم

*********

بالخير يالصايمين

بالخير يالصايمات

********************

يالربع مضايفكم به بلا ...

يعني مهو معقووول القراده اللي ساكنه بالمضايف

وامتد نفوذها إلى خارج المضايف !!!!!

سيرت على مضيف الاقتراحات والشكاوي

كتبت موضوع ... طلع لي أبوخليف .. (يابعد خشمي هكا الخشم )

كتبت موضوع آخر ... طلع لي المشرف العام

صعدت فوق ..

وشاركت بمسابقة المطبخ

ونخسر خساره مابعدها خساره

قلت أبي أجرب بالمحاوره

وهم يجون المحترفين ... وقظّبوني الباب

وصار لي حروة الشهر ماشاركت ببيت واحد

قلت مالي ألا الأدب العربي

وما يحتاج أشرح

للحين جنوبي يوجعني

وين أرووووووووووووووووووووح

*******************

آخر أخبار القراده ..

البارح .. اتصل بي رفيدزن لي .. قال : العشا ( عندوه تمايم لولدوه )

قلت : الله يقويك

قال : ترا نقلط الساعه عشر .

عقبوه بعشر دقايق .. اتصل بي واحد من الربع

قال : عندنا عشا بالمخيم .. ضروووووري تجي

قلت .. اسمح لي معزوووووووم

المهم

تروشت ..

قالو أهلي ... هم أعلنو العيد ؟؟؟!!!!

( خبركم مانتروش ألا بالعيدين )

مالكم بالطويله

دقيت الشبح ( الكامري ) سلف

دخلت من عند مصور العنزي ... وأول دخله يمين

البيت قبل الأخير على اليسار

قريبين من بيت المطنوخ

دخلت .. سلمت .. جلست .. تقهويت

شوي وهم يقلطون عشاهم

تو ... سمينا

وهو يدق جوالي ..

ليوالله واحد من الغالين بالحيييل

قال يافلان ... عندي عشا .. وأبيك تجي

قلت طيب ... عشر دقايق ونا عندك

لهذا ... قلت يابو ثوب .. لاتكثر بالعشا

قمت آكل من العويشات

وانا أكف يدي

يوم قامو الشيبان .. قمت ...

وركض على المغسله

قلت .. كرمكم الله

قالو .. اصبر يابو ثوب تطيب تطيب ...

قلت : مستعجل

قالو .. البخور جاي بالطريدز

جلست حول ثلث سااااعه ولا جا البخور

المهم ... هنااااك وهم يجيبون الدخون

تطيبنا .. ونا لك أقوم

وكانت النكبه الأولى

مالقيت نعولي ( ونتم بكرامه )

دورت يمين يسار ..

راعي البيت انحرج ..

قال : عزمناك وضاعن نعولك

قلت : فدوتن لك ..

وهو يجيب مركوبوه ويعطيني إياو

قال خوذوه لك ..

وأنا لك آخذوه لأني لازم أروح على اللي عازمن

بهالحتسي صار لي فوق النص ساعه من اتصالوه!!!

وصلت لمعازيبي الجدد

سلام عليكم السلام

يالله حيوه الله يحييك

وهم لك يستلموني بالفناجيل

شوي ..

وهو يقوم هكا الرجال .. قال : كرمكم الله !!!!

أنا أخو العيااااااااال

دريت إنهم تعشو .......

لا وا حلولات ياتمايم هكا الرجال !!

مالقيت دزدامي ألا صحن سمبوسه وكنافه ولقيمات

قلت : العوض ولا القطيعه

وأنا أحط يدي بالصحن يما انحمرت من كثر الحلا

صارت الساعه 11 ونص

ونا أستاذن وأقوم

وبوجهي للسووووق

لقيت سوق الموعد فاتح

نزلت بسررررعه

وشريت لي نعل ( الله يكرمكم )

وبسررررعه إلى أبو التمايم

رجعت لوه نعولوه

ومما زاد من الحسره والمراره

إني مريت من عند بيت المطنوخ

ولقيت سياره (( كنتاكي )) وادزفه عند الباب

المذهوب طالب سطل كنتاكي

ولا قال خل أعزم أبوثوب على كنتاكي

والمثل يقول : سطل كنتاكي هنيه تكفي ميه

رجعت للبيت ونا جوعاااان

دخلت

لقيت ولدي بيدوه صمونة جبن

قلت ... إلحق حبن

وهو يجي الوغيد

الصراحه أنا أبي الصمونه

يوم جا وهي يرمي صمونتوه بزعموه علشان مايوصخ ثوبي

( لأن الثوب عندنا لوه مكانه تسبيييييره )

وصل عندي ... قال ...حبن يبه !!!

قلت ...

قراااااااااااااااااااااااده

عقبه ... تحظنت المخده وحطيت راسي

وللحيني جوعاااااااان

أختم بمقولة نيوتن : عصفور باليد خير من ثمنطعش على الشجره

مع تحيات

أبوثوب

**المطنوخ** · 18-10-2005 12:50

هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه

حسبي الله على جد عدو ابليسك

اقسم بالله اني يالله اغمت ضحكتي مابي يقولون منهو اللي لوه هالمزاج يضحك بهالقوايل

والله ياظلوعي يوجعنن افييييييييييييه ههههههههههههههههههههههههههههههههههه

ابوثـــــــــــــــــــوب والله يا انك ثروة قراده

الا واشيب وهني البهايم ماميزن درب السنع من العواجه

والله من زين الموضوع انه ماقعد معاي 5 دقايق مادري من قصروه ولا من زينوه لكن انا اقل التاليه

حسبي الله عليك تسان محد يجيب العيد فيني الا انت

ماش ما اقدر اخلي موضوعك كود اجطل منه....

لننصلق حدر...

يالربع مضايفكم به بلا ...
يعني مهو معقووول القراده اللي ساكنه بالمضايف
وامتد نفوذها إلى خارج المضايف !!!!!
سيرت على مضيف الاقتراحات والشكاوي
كتبت موضوع ... طلع لي أبوخليف .. (يابعد خشمي هكا الخشم )
كتبت موضوع آخر ... طلع لي المشرف العام
صعدت فوق ..
وشاركت بمسابقة المطبخ
ونخسر خساره مابعدها خساره
قلت أبي أجرب بالمحاوره
وهم يجون المحترفين ... وقظّبوني الباب
وصار لي حروة الشهر ماشاركت ببيت واحد
قلت مالي ألا الأدب العربي
وما يحتاج أشرح
للحين جنوبي يوجعني

واللــــــــه من شفت هالمقدمه قلت اللــــــــــــه يســـــتر خربها ابوثويبان

بس على قولتهم اذا عرف السبب بطل العجب

هالحين تقابل فرة ابوخليف هاللي وجهه تقل بوابــــة كنيسه من كبره وتبي ترجي توفيدز؟؟

تروشت ..

قالو أهلي ... هم أعلنو العيد ؟؟؟!!!!

( خبركم مانتروش ألا بالعيدين )

لا تنسى خويك (يـا محاتسيك

) ليا بغيت تسبح بالعيد تعرف كل مشروك مبروك وانا وياك نبي نتشارك بحمام واحد انت تصد وراك وانا اصد وراي اللي يبي شامبو يسلم الثاني تسليم يد من غير لا يلتفت

دقيت الشبح ( الكامري ) سلف

اغليتها من عقب ما اشتريت اختها

دخلت من عند مصور العنزي ... وأول دخله يمين

البيت قبل الأخير على اليسار

قريبين من بيت المطنوخ

منهو كم ماهو بيت الظلمـــــــــــاوي؟؟

لهذا ... قلت يابو ثوب .. لاتكثر بالعشا

ايــــا المشفوح
تسني اكبر همك تمالح راعين المخيم؟؟

اقول ماهي علينا

الله من الطمع
خابر ان المخيمات عشاهم ادسم من البيوت لانهم ذابحهم الجوع بالبران

قلت ياولد خل ادسم عدل بالبر

آآآآه مار شوف ربك وشسوى بك يوم انك تحورف بيتنا ولا قلت ابي ادق على طنخان

وهم لك يستلموني بالفناجيل

شوي ..

وهو يقوم هكا الرجال .. قال : كرمكم الله !!!!

أنا أخو العيااااااااال

دريت إنهم تعشو .......

اوخذ ياماخوذ

دلّو يحقنونك يالقهوة يبون يسدون معدتك

ههههههههههههههههههههههههه

حلو وجهك وانت تنشنش ريحة العشاء قلت اكيد انك وصلت بالتايم هههههههههه

وبسررررعه إلى أبو التمايم

ثاني مره تحروف بيتنا ولا عرجت علينا<<جازت لي عرجت

ومما زاد من الحسره والمراره

إني مريت من عند بيت المطنوخ

ولقيت سياره (( كنتاكي )) وادزفه عند الباب

المذهوب طالب سطل كنتاكي

! ! ! ! ! ! ! !

اي والله انك صـــــــــادز كانت بوه سيـــارة كنتاكي

لكن والله ماهي لي

انا لو آكل كنتاكي بالرمضان اقعد لي يومين وانا لي فحيح من العطش

عاد اول ما سفط قال لي ............طالبين؟

وانا استدني الفاتورة واشوف اليا والله جيراننا وانا اخليه وامشي واروح لغبقـــه مضمونه

بس وشلون ماشفتن وانا عندوه برى؟؟

يـــــاحلولات

طيب ماقلت لوه عطن لو بس فخذ؟ولاجناح؟

رجعت للبيت ونا جوعاااان

دخلت

لقيت ولدي بيدوه صمونة جبن

قلت ... إلحق حبن

وهو يجي الوغيد

الصراحه أنا أبي الصمونه

يوم جا وهي يرمي صمونتوه بزعموه علشان مايوصخ ثوبي

( لأن الثوب عندنا لوه مكانه تسبيييييره )

وصل عندي ... قال ...حبن يبه !!!

ههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههههههههههههههههه

كم ماهو عثمان؟

مقاريد يهالوغدان
دايم ان افلسنا من شين وتواجد معاهم نقوم نتميلح عندهم

والله يابعضهم بوه ذهانه وانا ماداني هالنوعيه

حسبي الله على عدوك يابوعثمان
والله يادموعي قامن لهن صبيب لدرجة ان الهندي عبى سطلين من دموعي وقام يغسل السيارات منهن

ذبحن العطش من اطريت لي كنتاكي

اقول لا لا عاده تدزبل على مصور العنزي وما تمرني تراها بحق

وبعدين بدك شي من مكه؟
باتسر بحول الله ماشي وابي ادعي لك ان الله يرزقك بالثوب الصالح ويجعلك ما تضطر تغسله طول سنه

قضى الحتسي عند هذي القصعه----> .

**شريف روما** · 18-10-2005 16:41

^
^
الله يتقبل منك طاعتك وتكفى ادعي لنا بمكة

________________________________
نرجع لسالفة ابوثوب

هههههههههههههههههههههههههههههههههههههه
يابعد ثوبي ثوبك
عزالله انك انقردت بعد ما اصلخوك من ثوبك
من قرادة الى اكبر ..
ليه مامريت الصباحية وانا اعشيك سطلين كنتاكي مو سطل واحد

بعدين تعال شلون رحت العشى وثوبك عند المشرف العام !!
ويسلمووو على الموضوع الحلوو
وتقلد تحيت الشبث

**احمد الهاجرى** · 18-10-2005 18:25

يابعد خشتي ذيتس الخشه

توك تدري بالقراااااااااااده من يوم راح الثوب والقراده ماتعدت

الله يدفع البلا اقول ابوثوب خل المطنوخ يجيب لك من ماء زمزم يمتسن تروح القراده

او تاخذ اجازه وترجع بعدين

لا هالحين الكامري عندك

الله يستر عليها قل امين

بعدين ماتقولي المحرووووووووسه الي عندك في البيت ليه ماتسوي لك عشى

ولا خايف حبيبي ترا الحال من بعضوه

تقبل تحياتي

**المخاوي** · 18-10-2005 21:26

ههههههههههههههههه

حسبي الله على بليسك

حول هالموقف حصل لي اليوم

بس مادري انا اكتبوه مع ردي هذا والا لا

تصدقون يالربع كسر خاطري

هالوغيد اللي قط الصمونه على شان حبة ابوووه ولاحصلت

الا ياربي وانا داخلن عليك متربعٍ على مفطح ويبي يمكن العشاء اللي بالمخيم واكل الحلويات والسمبوسه لا والبخور بعد ماطوفوه

وعيونوه تلاقط على كنتاكي والمطنووخ

وبالاخير حرفه على البيت وصمونة الوغيد

>>> هي به جبن والا لبنه

وش هالشفاحه هذي

اول ابي اعزمك بس خلاص هونت

اثري هالثوب متبارك عليك كل هالوقت

بوه مثل حساوي يقوووووول .......

اللي مايشبع لقم ..... مايشبع تلحوس

ماعينت الثوب وين دياروه

**ابو غازي** · 18-10-2005 21:51

اشوى

انا قلت لايكون ضاعن بعد نعول المعزب الأول عند معزبك اللي جوعك

هههههههههههههههههههههههههههههههههههههههه ه

خالي انت ويش مصيبتك كل يوم جايب ن العيد

**احـمد الـطـرقي** · 19-10-2005 01:44

الا صيل

ثق تمام الثقه

ان الفرزدق عانى

وان المتنبي عانى

وشكسبير بعد

وسعد جمعه عانى

وحنا مانبي الا انك تبقى معانا

كان الله بعون العمالقه امثالك

وتقلد تحيه الشبث