... هذه المتواضعه بين هاماتكم العضام
[poem=font="Simplified Arabic,4,white,bold,normal" bkcolor="transparent" bkimage="backgrounds/10.gif" border="double,medium,green" type=2 line=1 align=center use=sp num="0,black"]
عجزت اقاوم قسوته في تجافيه
واكتب من الدمعات لحظة غيابه
واااعزتيي للي جروحه تبكيه
وليله هموم ودمعتين وكآآآآآبه
الناس لو تدري وش اللي مخفيه
باحت جروح عايشه في غرابه
صعب حبيبي جرحي تقدر تداويه
ما عاد له في سوق طبك طبابه
الجرح ثاير والمواجع محانيه
وعلي تهالك وضاع منه شبابه
وش اللي انا فالحب وش عاد لي فيه
كان المشاعر تنقتل عند بابه
ياما رجيته وما نفعني ترجيه
وياما عشقته وامتلكني عذابه
يخطي واعذره واتحمل مساويه
والقى حياتي هامش في كتابه
انا من اول عاشقه ميت فيه
وروحي وروحه صايرين قرابه
واذا لفيته رحبت بي اراضيه
وانام في جفنه وصدره رحابه
واكتب من الابيات لحل طاريه
ويحلو ليلي واندمج في سحابه
واعيش عاشق مرهف في معانيه
واقبل نقاشه واتحمل عتابه
واذا تضايق جيت يمه اراضيه
واسامره مابين ضحك ودعابه
واليوم مره ذوقتني اياديه
وقلبي تقطع بين سنه ونابه
حرمت احبه دامني مااقدر اجيه
وحرمت اجيله وارتوي من سرابه
واااعزتي للي جروحه تبكيه
وضاعت حقوقه بين دعوى ونيابه[/poem]
علي الشهراني
رد مع اقتباس
المفضلات