القاء القبض على المدعو عبد العزيز 000 وهو في ذمه التحقيق !!!!

**الشبث** · 23-10-2005 07:27

عزوووووووووووووووووووووووووووز

والله مهو احسن لك تسوي بي

تن اعرف عنك امورن واجد

والله لفضحك

واذا تبيني اعطيك بعضهن قلي

علشان تتأكد

بس ياقرد عينك اذا تكلمت علي

وتقلد تحيتي

**تعاليل** · 23-10-2005 10:01

المشاركة الأصلية كتبت بواسطة الملاك غيداء

س7 - بيدك فرصه واحده لاعطاء باند مَن مِن هؤلاء تختار ولماذا؟
خليف الجهيلي - الزقروطي - تعاليل - مناكد - المجد - الشبث - الملاك غيداء - القطراوي

غيـــــــــوووده ...
والله من بديتي التحقيق مع المتهم المذكـــــــــــور ...
وانا متابعة لتس واصفق لتس

ومســــــــــــــــتانسه ... خصوصاً إن بي غل(ن) عليه

من يوم سالفه هاك الحزب .. اللي ما أدري وش جرى عليه

وانا اترجاوه ابيه بس يدخلن معاهم بالحزب ولا رضى ...
بس شوووووووووفي الله ما يضرب بعصا ...

جــــــــــــــــــــــاء اليوم اللي اتفرج عليه .. وهو خلف القضبان ..

بس غيووووده
ليه يا خيــــــتس .. حاشرتن اسمي فوووق
كنتي وش حليلتس .. وش قلبتس علينا .. :192r:
ولا تحقيقتس هذا ... يشمل الجمــــــــــــــــــــيع ..

تعاليل

**سيدة القـــــلم** · 23-10-2005 15:12

اذا بتشنقونــه ..علموني..

ابجــي اتشمــّت فيــه.. ..

ღ
ღ
ღ
تحياتي
عشـق القصـيد

**كحيلان** · 23-10-2005 19:07

ملاك الحرف والكلمة ...

دائما ً ابحث عن الجديد في مواضيعك لما لها من لمسه رائعه وتاتي بالفائده ...

هذا انتي في موضوعك هذا تقربين الاعضاء من بعض وتكشفي لهم بعض من جوانبهم

حتى تتم المعرفة

كشفتي لنا شخصية الاخ الفاضل عبدالعزيز وكم يشرفني ان اتعرف على هذي الشخصيه الرائعه

واختصرتي الوقت علينا في مثل هذي المواضيع لمعرفتنا ببعض

هذا الكلام بنسبه للاعضاء الجدد

فعلا ً لا املك الا ان اقول ...

اللهم حرم هذي الانامل وصاحبتها عن النار لانها تاتي دائما ً بالمفيد ... اللهم امين

احببت المرور والشكر لك وللاخ الفاضل عبدالعزيز

تقبلوا فائق احترامي وتقديري لكما

دمتم بخير

**عبدالعزيز** · 24-10-2005 05:19

س1 - تواجدك من 29 -9 - 2001
** هل يشعرك بالرضا عن مستوى المضائف الآن ؟!!!
** ما الذي قدمته لها كعضو وأداري ؟
** هل تغيرت المضائف عن السابق للأفضل ام خلافه ؟!!

ايه تسيف مايرضينن مستواه؟ وفرق بين مضايف الامس واليوم من ناحية
جودة الطرح وتنوعه بكل مضايفه وهذا طبيعي بحكم زيادة الاعضاء
واما اللي قدمته للمضايف كعضو وإداري ماأظن اني اقدر ابرهنه لأن مالي بصمات تتضح لكم وتثبت هالشي.. يعني فش تح

س2 - أي المضائف تعطيه اللقب التالي

- مضيف ميت
- مضيف نشط ومتفاعل
- مضيف بحاجه للقشع فورااااا
- مضيف يفتقر للجديد بشده
- مضيف تغلب عليه التحزبات والشله وسيطره بعض الحروف

الميت فيد هموم ومشكلات والنشط الفلة واما اللي يبي قشع اهقا انه مضيف التهاني بالألفيات واغدي انه
يجر معه اقرأ والمحاولات الشعرية لأن الدتسة ممكن انه تغنينا عنه والاحتياجات وهذا بالذات
مااشوف ان له داعي لوجود منتدى متخصص ومعروف هو جابيتنا أعرفيه عاد هاذي
والمضيف اللي يفتقر للجديد اهقا انه التصاميم وابوالتحزبات حبيبي النبطي وتقل ان العام لاحدزه بهالايام الاخيرة

س3 - موضوع قرأته بالمضائف ولاقى استحسانك 00 وموضوع أخر لم يعجبك

مواضيع محمد العربي كله وماابي اخصص واحد منهن علشان مااظلم الثانيات
وموضوعه اللي طلب بوه اعفائه عن الاشراف بوقت سابق غث تسلاي من حدر تسبدي
وطلبات اعفاء المشرفين منهم نفسهم عموما تدبل قاعة التسبد

س4 - علاقتك بالمضائف كأداري 000 وعضو ماذا تعني ؟

علاقة مشبوهة .......الاانتي لتس علاقة بمحققين وحدة الطوارئ؟
بكل الصفتين اسألو المضايف نفسه المتمثلة بابوسلطان لأني مدري وش سر هالتمسك بي وانا بالمقابل أقدر اخدمه باللي اقدر عليه لاني لقيت منه خلال هالاربع سنوات اللي مااقدر القاوه بالباقي من عمري كله وهي معرفة هالرجال اخاف
اني لو اجيب طبلوني بالمدح مااوفيهم حقهم <---جته البتسوة

س5 - المضيف الأسلامي يمر بمرحله ركوووووود هل من علاج فعال له ؟!!!
ايه تسيف ماله والحل اغلاقة نهائياً وحط بداله ارتباط لحدى المواقع الاسلامية مثل اسلام اون لاين وغيره ... هي الناس أحترمت
المشايخ باوقاتنا الاخيرة بالصوت على التلفزيونات علشان تحترمهم من ورا شاشة كمبيوتر؟؟

س6 -رأيك وبلا مجامله بكل من 000

- المشرف العام = اجودي بس لو الله يحبب بوه الوصل لامنه جاء لحايل تسان مابوه بلا
- نائب المشرف العام = خبيل.ن يجمع الطوابق ويفردزهن ... ابوفيصل هذا عديل الروح
- ا بن جشعم = هو فيه أحلا من دا في الناس؟
- شنقل = محترم وخلوق ومهذب
- الأصمعي = لو الله خالقن بنت والله لاروح اخطبه لي
- الشبث = منطلدز هذا وكل مايلوح لي اقول حلولات ياللي يحطه قدامي بسهله وانا بالموتر
- ابو ثوب !!!= والف نعم والله بس ان الناس يقولون انه يزقر لاحتسى هالافغاني
- ريم شمر = اخت رجال واجودية ولو انه تضن بي السوء دايم
- المخاوي = قطع 10 حبييييييب ومحترم
-الريم = والف نعم بهالخبلة
- راعي الوقيد = ونعم بابوطواري
- المطنوخ = خوش ولد واطيب من نفسه مامر علي
- ايمان قويدر = هاذي اغليه من غلا لبنان وجيرانه خوالي أهل الحمية والكرم يوم الزحاما
- محمد العربي = مثل مازولا حبيب القلب الله يمسيه بالخير

س7 - بيدك فرصه واحده لاعطاء باند مَن مِن هؤلاء تختار ولماذا؟
خليف الجهيلي - الزقروطي - تعاليل - مناكد - المجد - الشبث - الملاك غيداء - القطراوي

انتي لهالملاهد

س8- من هو ابو خليف كما يراه عبد العزيز ؟!!

رجالٍ خفيف نفس وبوقت الحاجة ماياقف احد مثله قليل البخت

س9 - بشكل سريع ثلاث كلمات 00 فقط 00 للتعليق على هذا البيت
يضـحـك أحجـاجـه لا لـفـوه .. المسايـيـر....................................لـه دلــة(ن) دايــم عـلـى واهــج الـنـار

اشهد بالله انه بقايله اكثر والله شهيد

س10- عبد العزبز أقرا 00 وأعطنا تعليق على 00

** مانا قايلن لك يابوزمان
كروش وقروش بنات هالخليج.........

شي معروف ومايختلف عليه اثنين صابرين

** الإسم/ أبوصياح
العمر/ 23
العمل/ لايوجد
المؤهلات العلمية/ تفشل..........موج البحر يعرفه

لقب الشهرة سابقاً بأيام العربجة وقبل الانترنت
والعمل يوجد ولا يوجد
والمؤهلات كانت ثانوية هكا الايام

** مساكن الله بالخير (يارجال)............

أحد ينكر؟

** وإذا قالو أن الزواج لازم يصير بلبنان .......

وانا صادز وماهو تقل عمال الا تقل صبابات قهوة تغدن

** درداح ... خلك معي بعد حي لاوالله اتلولس بلهاتك .....

جيدكم علي انتم ووجيهكم؟ روحو خلصو نفسكم من امريكا اول وبعدين تعالو لي

** ولو ياجدي انت مانستغني عن حنكتك .......

تخبرين الروماتيزم من الكبر يحتاج لهالشي وكلامي هذا عموما بهكا الايام والا هالحين لاوالله مااخذه معي لورسة سمكرة ماهو عاد غزو

س9 - رايي انكم ياحقين الفصيح مسوين زحمة بشارع.ن الياهالحين مازفلت ولابوه احد بعد انتم وقشيشكم بوه هاللي مايجيب بالمقايض طبق بيض ,, مانتم متسنعين لان الفصيح -متمثل بالمنتديات المتخصصة- ماهو والسنع ولايف ماقصتك مع مضيف الأدب العربي ؟

قال صفو صفين قال حنا اثنين هم ثلاثة او اربعه اللي مقومين هالمضيف ... ياخي يوسعون لنا بهالواجهة وعندهم الارشيف يسوون بوه اللي يبون

س11 - من خلال تتبعي لمواضيعك القديمه لاحظت عدوانيتك ورأيك المجحف للمرأه بشكل عام
ونظرتك السلبيه للفتاه للسعوديه بشكل خاص لماذا ؟!!!

يمكن لاني مسلط الزنون على السلبيات وهذا اللي صادن عن الايجابيات وهذا اللي يفترض انه يصير ولا جاياتن تدورن اللي يمدحكن انتن بهالانترنت.. احمدو ربكم اننا معطينكم وجه من الاساس

س12- من أصحاب هذه الردود 00 والتعليقات ؟!!!

*قلبي
ينزف دماً إقحوانياً ممتزجاً .........

ابوسلطان ولهالحين

* صدز والله عاااااااااااد .. متىىىىىى.............

ابن جشعم

* حـــــقــــــــيــــــــقـــــة أخي (فلان) موضوع حساس.............

العدو اللدود ابن نبهان

* تسلم اخي (فلان) ...( أشي ول هنأ ب....................

سواق الشيوخ ابوغازي

*واشيب عيني يافلان
وين بناتهم اتكفل بهن أياخلف ابوي هن !!

معذب قلوب العذارى الغازي

س13 - ماذا يدور بخلد الفاضل عبد العزيز لحظه وقوع عينيه على هذه الحروف ؟

عسانن مااقصر بشين وان قصرت بصفق

س14 - عبد العزيز هذا هو آخر المطاف لنا مع شخصكم الكريم هل هناك شيء أغفلناه ؟

أيه عقب مااخذ البرائة وش تبين تعوضينن بوه؟؟ أنا رجالٍ عزوبي ومستقبلي الصاعد تضرر من هالاتهام
لاني غديت علتس بحلوق الناس عوضينن

جعل الله مايوليتس على احد قولي امين

**عبدالعزيز** · 24-10-2005 05:25

1.ماهي الصفة الي ترأى انها تؤثر على شخصيتك وتتمنى تتخلص منها ؟

المجاملة الزايدة

2. تقييمك لاِقسم أقــــرأ ؟

والله مااذكر اني دخلته غير مرتين او ثلاث علشان أقيّمه لك يالغالي

3.مارأيــك بنتشار داء العامية بالمنتــديات .؟

طبيعي جداً ولاتلوم العوام بشيئ لأنهم عوام! ماأتيحت لهم اي فرصة للتثقف بهالمجال وإمكانية الاستفادة منه وفق طبيعة الشخص نفسه

حياك ياآسف على الوفا وشاكر إطرائك يالغالي وحصل لي الشرف بمعرفتك من خلال هالنشبة

**عبدالعزيز** · 24-10-2005 05:30

شبيثان ماتعقب عن هالسالفة ؟

تعاليل
والله انتس تستاهلين الجلد مار يشفع لتس انتس تقل حمامة سلام بهالمضايف ولاتتوقعين بأي لحضة ان شخصي الكريم والموقر ممكن انه تأثر علي هالامور

سيدة القلم
لاااااااا هذاني بوه وانتي بالذات مدري ليه حاطك بخانة ابوغازي وابن نبهان ببالي .. يجيك يومك بس اصبري والله لاأبري قلم الرصاص هاللي انتي متسيدته الياما ياصل المساحة وتصيرين سيدة المساحة

**سيدة القـــــلم** · 24-10-2005 06:18

المشاركة الأصلية كتبت بواسطة عبدالعزيز

سيدة القلم
لاااااااا هذاني بوه وانتي بالذات مدري ليه حاطك بخانة ابوغازي وابن نبهان ببالي .. يجيك يومك بس اصبري والله لاأبري قلم الرصاص هاللي انتي متسيدته الياما ياصل المساحة وتصيرين سيدة المساحة

يــاعزيلي مــنـوووه...

اذا عينكـ على القلـم خذوه .. حلالــ عليــك.. بس ياحيي فكني شركـ ..

انت راعي سوابق وتهــم وشغلات بطالــه .. ونا اجوديه وباري الساس..

عبدالعزيز ياحيي

ياحيي وضــّح لهجتكـ شووي.. ولله افهم حايلي انا وعارفه الهجه الحايليه ووارثتها وراثه.. بس انتم هنــا لهجتكم غييير عسره بالمره .. .. ونص كلامكـ وجاباتكـ على غيدا ء مافهمتها..

ღ
ღ
ღ
تحياتي
عشـق القصـيد

**عبدالعزيز** · 24-10-2005 07:10

الله واكبر يعني بزعمتس حتسيتس هذا حايلي؟

أصلا حتسي الحايليات نفسهن اليوم صار مخلّط بين لهجة ابائهن وبين لهجة انودنيسيا وهن بحايل وتبين تعرفينه انتي يالبعيدة عنه؟

طيب تم وخليك عند كلمتك ابي اطلب اسمي عبدالعزيز القلم واطلبي شيله هالحين من اسمك ولا اقول لك بدليه بنبوية