اولا :- السلام عليكم ورحمة الله وبركاته ...
كل عام وانتم بخير وشهر مبارك علينا وعليكم
ثانياً :- هذه القصيدة مهداة إلى قبيلة شمر من الشاعر / نايف بن بندر العتيبي ،،،،، ولا اعلم هل القصيدة جديدة ام لا لكن وقعت في يدي قلت انشرها في المنتدى،،،،،
من لا يخاوي شمر الجود غلطان
من غير نقص في جميع القبايل
خويهم والله ما يـبـلـش بالاحزان
إلـيا نـخـاهـم يـصـبـح الهـم زايـل
خويهم يحظى بتقدير واحســــــان
مع حشمة وتقدير لـلفخر نـايـل
شـمر هـل الطولات لا قيل فرسان
وقت السيوف المرهفة والاصايل
شمر طنايا يوم زوغات الاذهان
عدوهم شاف الــنجوم القـوايــل
شمر اليا قلنا هل السيف شجعان
قالو نعم صادق اشيوخ الحمايل
شمر لهم تاريخ في ماض الازمان
فيه اطيب العربان بضرب مثايل
وبوقتنا الحاضر بهم بوش بلشان
وروا علوجه فالعراق الهوايل
شمر هل النوماس في وقت الاكوان
اللي يردون الملايل غـلايـل
الابة اللي ذكرهم للعرب بان
ياكم ثنو لا صيحن الحلايل
شمر مقر الجود للجود عنوان
لا يابعد حي العرب ياهل حايل
شمر سناعيس على الضد بركان
يشهد لهم فعل السنين الاوايل
بنو اشعار الجود في طي بنيان
لو زالت الضلعان ماهو بزايل
شمر لمن يشكي من الضيم مزبان
لا صارت الحيلات عنده قلايل
والله ليرجع بعد الاحزان فرحان
ينزاح حملة بعد ماكان مايل
قول على حق ودلايل وبرهان
يشهد له التاريخ والشك زايل
مهما كتبت بشمر الجود قيفان
ماني ملحق ذكر كل الخصايل
ماقلت غير الحق والحق سلطان
قلت ومعي حجة وكل الدلايل
وانا من الهيلا هل الطيب عتبان
زبن الدخيل وعوق مخطي وعايل
في ساعة فيها يتساون الاثنان
الموت ولا نكـتــسي بالـجمايل
الشاعر / نايف بن بندر بن محيا العتيبي
رد مع اقتباس
المفضلات