[align=center]السلام عليكم ورحمة الله وبركاته
اول شي ابي ابارك لكم جميع بمناسبة هالشهر الكريم
وجعلنا الله من من قامه ايماننا واحتسابا
الشي الثاني
بغيت اقول لكم خوذوا حقيقة سفري لدبي مني ولا تصدقون احد ثاني
ومن الى
في يوم السفر قمت وجهزت الشنطه وجمعت الاغراض علشان
اذلف للمطار والطياره تبي تنقلع الساعه 8 ونص بعد العشاء
المهم بعض خوياي قاموا يهايطون وتسننا ميتين عليك قالوا عاد لازم
نمشي معك للمطار ونودعك قلت بكيفكم انا لاني خسرانن شين
المهم وحنا نمشي للمطار
وهالعيال اللي معي ماتعرفون منهم الا شنقل
ويوم وصلنا المطار وحنا نقوم نلعب بالسلالم المتحركه
ونتزحلق بالسيب
ويوم جت ساعة الصفر وبغيت ارتسب الطايره
وانا التفت وري
ليمار شنقل يراعيلي تقل عوينات طلي
وانا اركض يموه وهو يركض يمي
والكل منا يخم خويه ولنا صياح
ومن كثر الحماس وحنا نتخانق بالمطار
وكل واحد يتجود بشوشة خويوه
وهي تجتمع علينا هالناس تبي تفرقنا
ويقومون يجروننا يبون يخلصوننا من بعض
بس ماش كل واحد مجودن شوشة خويه
ويالله خلصونا يوم جت قوات الطواري والدفاع المدني
طبعا الدفاع المدني يجرون رجليني
والطواري يجرون رجلين شنقل ليما فكونا
وعقب ما مشيت وانا اوصل هناك الساعه 10 ونص
ويوم طبيت مطار دبي وانا اقوم اتلفت واراعي لهالعالم
وياربي ادور الاماراتي يمار مافيه ابد ابد
ويالله عقب فتره وانا اشوف هكا الاماراتي يمشي
قلت يالطيب
قال مرحبااااااااااااا السااااااااااااااااااااااع
قلت الساع جابتوه امك
قال شرايد
قلت مبروك فوز فريق العين
قال الله يبارك فيك
قلت بس هين والله ييكم الاتي مايعرف المزح
مالكم بالطويله خلصت من المطار وغربلتوه
ورتسبت تكسي قلت صديق دور اقرب فندق بسااااااااااااااع
وماكذب خبر ابو هنود خلال دقايق ليمار عيوني يتلاوذن بالفندق
استأجرت وخلصت وعينت من الله خير
قلت عاد هالحين ابي ادق على الشباب واعلمهم اني تمام
ويوم جيت ابي ادق ليمار الجوال مايدق
ليش يالحبيب
قال ايش مكالمه محضوره
طيب يا اتصلاتنا العزيزه ليه محضور
مدام ان الولد الوسيم اللي اسمه شبيثان مسدد وحاطن خدمة التجوال
يعني مزبطن اموري كله
بس والله انتم يهالاتصالات ماتعدلون ابد مثل ذنب الرجال
المهم
يوم تباطوني العيال وهم يدقون علي
والهم كان شنقولي
بس الله يهداوه مانسي خنقتنا
اول مارديت عليه قال يا حمار ليه تمسك شوشتي
قلت شنقل ابشرك وصلت وحجزت بالفندق
قال حمد لله على السلامه ( حبيب ينسى بساااااااااع )
قال اسمعن ترن نزلت موضوع بالدكه قلت وداعا يالشبث
قلت شلون
قال هلون
قلت وشوله
قال بس كذا ابي اعلم عليك
قلت مالت عليك
قال بالله رح وشف اسلوبي وبدق عليك ابي اسمع رايك باسلوبي
قلت زين
المهم قمت اتخم وافر ومن شارع لشارع ويالله القالي نت
المهم يوم شفت الموضوع ليمار يقطع القلب تقل عزاء
والموت الحمر مهو الموضع وبس
الموت والله الردود اللي قهرتن
المهم رجعت للفندق واجلس بالغرفه اسولف على روحي
قلت بالله هم هالحين كذا اجل شلون لو اني ميت
( قام يتفاول على روحوه الظاهر متحري العكصه )
المهم وهو يدق علي شنقل ومن زود المر اللي بتسبدي وانا اسكروه
بوجهوه
مالكم بالطويله نمت متاخر وقمت من باتسر الصبح ورحت افتر من
هنا وهناك اخلص بعض الشغيلات
ولا رجعت للغرفه الا يوم قرب اذان العصر
وانا كنت منتهي من التعب
ويالله اتغدى وانام
ولا قمت الا الساعه 12 بالليل
والله واقوم واتضبط واتغسل
وانا انزل ادوج
ليمار مدري وين اولي
وصرت تقل بس من بوفيه لبوفيه
وصرت مدري شلون اقضي هالوقت
وكل شوين رايحن للغرفه وكاتبن لي كم كلمه بالمذكره اللي معي
ياعله تخفى
المهم صملت وقلت انا ليه ما اروح للنت البعيد ( اللي بوه عربي )
علشان ادخل النت واسولف مع العيال بالماسنجر واشوف المسابقه
والله وانا اذلف يموه
وانا اواجه الزقروطي وراعي الطيب الله يبارتس بهم (احلا طاروا بالعجه )
ههههه
مالكم بالطويله للمره العاشره
ورحت للفندق يوم جت الساعه حول الاربع
وقمت اتقلب تقل مقروص
لا اقدر انام ( وراي شغل ) ولا اقدر اجلس لحالي ول فيه احد يسولف معي
والجوال الكلب مايدق زي الخلق
المهم وانا اروح قلت ابي ادور اي مكان بوه اوادم يمشون
والله وانا اوقف تكسي
قال وين تبي قلت ابي الكرنيش
قال الكرنيش مافيه احد هالحين
قلت غريبه ( تسني افتهم ) طيب ودني اي سوق
قال سوق سكر الحين
قلت ودني اي مكان بوه ناس يمشون ويسولفون
ابي اشوف ناس يا صديق تكفى
قال وين روح مافيه معلوم
قلت الشرهه على اللي يرتسب معك
وانا احول واقوم امشي على رجليني ( لا على بطني هههه ضحكتوني )
والله وانا القالي سوق فاتح
قلت والله والحلا هجووووووم على المنزل
وادخلوه ولا طلعت الا عقب ساعه
تدرون عاد وش شريت
ماشريت الا ماء
حتى الهندي نقد علي هههه
والله وعقبه وانا اتوجه للغرفه ابي اتجهز واتضبط
وعقبه وانا اذلف اخلص اشغالن لي ويوم خلصت وانا اطلع ابي
اسوي الحجز ( انا حاجزن يوم الحد للرياض ) ويوم جيتهم قالوا
مالك لوا يالحبيب منت حاجز
قلت ليه يالحبيب والله العظيم اني حاجز
قال اقول منت حاجز وتسانك تبي تحجز الحين يالله احجز ترى فيه
رحله باتسر الاثنين وان فاتتك مافيه الا الجمعه
قلت والله انك مستحيل تجيب العلم الزين
وانا اوكل امري لله وانا احجز
ويوم رحت للفندق وانا اسوي تجديد واجلس يومن كامل امذرح
في ربوع دبي
ويوم جاء يوم الاثنين اللي هو امس
وانا اروح للمطار الساعه 5 المغرب والرحله الساعه 10 ونص
علشان مايحطون بدالي احد
بس والله انغثيت من حاجه بالمطار
تدرون وشهي
والله ماودي اقوله اخاف يزعلون
تدرون والله ماعلي منهم خلهم يزعلون
انا اللي بط تسبدي بعض الاخوات الله يهداهن
اللي اذا جن هنا يتغطن ولا تشوف الا عيونه تقل عيون بس
واذا طلعن برى الديره قطن الغطوه
واله العظيم يا جماعة الخير فيه وحده كانت كاشف عادي ههههه
ويوم حجزوا واخذوا البوردينق وهي تتغطى ههههه
الظاهر انه ما تتغطى الا علشان البوردينق
مو بس هذي
لا فيه غيره وغيره وغيره
ليه ماتغطن الا هنا
يعني هنا فيه حرام وبرى خذ راحتك غريبه
تدرون خلوني اسكت احسن لي هههههههه
وهذي ابرز الروحات والجيات
والباقي سااااااااااكت ههههههههه
وفيه سالفت وغيد اعلمكم به بعدين هه
وتقلدوا تحيتي[/align]
رد مع اقتباس
عجبتني مالت عليك هع هع...[/align]
ههههههههههه
مشرف مضيف الترحيب والتعارف
المفضلات