[poem=font="Simplified Arabic,5,white,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
هات القلم مع ازرق الحبر يازيد=واللي نقوله يابن الاجواد سجله
دنياك هذي كل ابوها مواعيد=تمضي على مركاض الايام عجله
الخلق صيده والليالي بواريد=وكلن تقوده للمقادير رجله
احدٍ تجف من دون شربه مواريد=واحدٍ مواريده على شط دجله
واحدٍ فعوله تفتخربه اواليد=واحدٍ من فعوله تجافاه نجله
نفوسنا مانجلبه للمناقيد=يازيد من نقد المناعير خجله
ايماننا شرهات الايام له قيد=واقدامنا صفق المقادير حجله
الحنضله ماله مطاليع بالغيد=والورد ريحه مايشابه لفجله
ومن لانوى الجزلات من رضعة الديد=مامن صباحٍ ياكبر ينبلج له
من كفّ شره كف شرك بترديد=ومن مج لك من مية البير مج له
ومن لايعزك صدته كنها عيد=ومنهو يعزك يابن الاجواد بجله
والله..والله..والمحاليف تقييد=وحياة منهو كل خلقه تحج له
من لاخذا من درس الاجداد مايفيد=خيل الزمن يازيد ماتنسرج له[/poem]
رد مع اقتباس
المفضلات