[align=center]الاكارم في مضايف الكرم ..
تقبلوا هذه المتواضعه ..
مع الشكر سلفا لكل المارين ..[/align]
[poem=font="Simplified Arabic,5,white,normal,normal" bkcolor="transparent" bkimage="" border="double,4,darkred" type=1 line=0 align=center use=ex num="0,black"]
وش فيك ياحزنٍ سكن داخل الروح = تطـري رحـيلك عن مـدارات روحي ؟؟
قربك معودني على صادق البوح = ولو غبت .. مايقوى على الصمت بوحي
أبيـك لــو قربك معانـاة وجروح = أصلاً أنا - منهي - بليّــا جروحـي ؟؟
بعض الفـرح يمـرك أحيان ويروح = بس الحزن لأستوطنك .. مايروحي
تبقى رفيق الجرح والدمع والنوح = يا أصدق اللي عاش دمعـي ونوحي
انت الرفيق اليا غدا الصوت مبحوح =لاشح بالدنيا الرفيــق السموحي
خل الفرح يكثر غيابه .. ومسموح= بس انت - تكفى - خلك بجنب روحي
لو كان قربـك كله آلام وجــروح = لي المـهابه من مـهابة جـروحي !![/poem]
[align=center]ودمت بخير ..
.
.
أطــــلال..[/align]
رد مع اقتباس
المفضلات