[align=center]السلام عليكم ورحمة الله وبركاته ،،
اخواني واخواتي اعضاء المضايف ،،
الله يعطيكم العافيه ،،
كلكم تعرفون قصه الشبث (( العشق ملعون الصلايب )) ،،
يوم راح هو وشنقل مسيرين على ربعن لهم ،،
الوكاد ،،
قبل عدة ايام كنت شابك بالماسنجر والا هذا الشبث قاعد يتحراني بس اشبك ،،
ياهلا وغلا سرقان باشا ،، سرقان ياسرقان <<< اكيد يبني افزع لوه
هلا شبيثان سم طال ،، عسى ماشر <<< مصدقن عمروه راعي فزعات
الا كل شر منين يجي الخير <<< والله من ردوه لي مبين عليه متضايق ،،
قلت ياشبيثان ابشر باللي يرضيك لو هو لبن العصفور الا تذوقوه ،، <<< واثق من نفسوه
قال مابي لبن عصفور انت ووجهك
<<< طاح وجهوه
قال ياسرقان معشوقتي غدت من يديني ،،
قلت منهي معشوقتك ترن ماعرفه ، <<< بي شفايه ابي اعرف اسمه
قاال انت فاضي تبي تعرف منهي ،، انا الحين ناخيك وانت تبي تعرف منهي هي ،، مالك شغل
بمحارمنا <<< بغيت اسكر الماسنجر على خشتوه ،، طايحن بي زف هالادمي
قلت اقول قلي السالفه واخلص علي وش انت عامل ،، << اندبلت تسبدي منوه ،،
قال تخبر عشيقتي اللي يوم انا وشنقل <<<< هني قاطعته قلت ايه ايه اخبر سالفتك مار اخلص
علي ،، <<< مبين علي مندبلتن تسبدي
قال تزوجت الراعي وتركتن اتخبط في امواج الصدمه ،، <<< يازين ما سوت بك
قلت والله سالفتك تبتسيمار ليه تركتك ،، <<< يعرف يواسي مرضى الحب
قال هاكاليوم طرت علي فكره من افكاري الشيطانيه ،، ابي اسوي لي شي محد فكر يسويه
قبلي ،، <<< الله يستر من افكارك ياشبيثان ،،
قلت وش سويت ،،
قال ابي اسوي له مفاجأه الفت انتباهه واخليه تحبن على طول ،، << وهنا قاطعتوه وقلت لوه
وشهي المفاجأه
قال اسمعن ولا تقاطعن لا الحين بابو جلمبو على هامتك ،،
<<< انت ليه ماتسكت وتخلي هالادمي يحتسي ،،
قال المهم ،،
يوم سويت اللي بخاطري وانا انهج يمه واقول له تعالي ابي اوريتس لتس حاجه ماصارت ولا استوت
واول ما شافت الحاجه اللي انا مسويه وهي تنصدم وهي تلمخن بقفا يده على وجهي وهن يطحن
الثنايا واربع ضروس وحجاجي الايمن ،،<<< احمد ربك ماكان معه ابو جلمبو
<<<< ميت من الضحك على شبيثان وهو بليا سنون
بس ماقلت لي هي ليه انصدمت ولمختك ،، <<< يازينه على تسبدي هاك اللمخه
قال لي تبي تعرف ليه ،،
قلت ايه ،،
قال شوف هالصوره وانت تعرف ليه ،،
وشو هذا ،،
عزالله انه مدزيتن بك ،،
شباب وشياب الفله تبون تعرفون وش مسوي ،،
انزلوا تحت ،،
بعد شوين ،،
ايه ايه بس بس عندكم ،،
تشوفون هالصوره ،،
شبيثان اللي على يسار تشوفونه غادين اشقر و عويناتوه زرق
طلع ناهبن غنم ابو عشيقتوه وموديهن يم حدا الفياض ،،
وكاتبن احبتس ،، ابيتس لي لحالي ،،
ولمختوه لانه عرفت انوه هو اللي سرق غنم ابوه يوم شافت الوسم اللي عليهن ،،
وراحت تزوجت الراعي عناد بوه ،،
وتوته توته خلصت الحتوته ،،
اسمحولي على الاطاله ،،
شبيثان اثاريك اشيدزر وعويناتك زرق ،، << اهب ياوجهك
ودمتم،،،،،،،،،،،،،[/align]
رد مع اقتباس
اجل ماتدري ان صور الحريم ممنوعه هااه 
[/align]
المشاركة الأصلية كتبت بواسطة الزقروطــي
وطرت علي السالفه 
المفضلات