[align=center]تمخّش جلد شِعْري .. بالشعور .. اللي مفــاده : ناب
ـــ وحضرني طيفٍ لجدي .. تنحنحني غلاه .. وقال :
يغمّض : من فتح ربي عليه : أنّ العيون : كتاب
ـــ يفتّح لونه الحالك .. سؤالك عنه .. " كيف الحال " ؟
شََرق ملح الجواب اللي لفظني .. بدمعتين .. وذاب
ـــ وترقرق جدي فـ شوفي القزاز .. آلين .. فاض زلال
على خبرك ياجدي : ماكبر فيني .. سوى الأحباب
ـــ على خبرك : أشدّ احباب .. من شدّوا : وقلبي حبال
على خبرك : طفل .. يلطف .. لجل تلعب به الألعاب
ـــ على خبر السما الطرمى : يعدّ " البدر " : نصف ريال
إذا شال الزعل .. يومين .. أجل وارد .. يشيب غراب
ـــ وإذا دار الضنَك : دلّة .. خيــــاله : هزّة الفنجال
يكدّ الشَعر الاجعد .. للعناد .. بفكره المنساب :
ـــ خجل شفاف .. في جيد البنات .. إن قلت له : سلـ/سال
وقبل يومين ياجدي .. لقيت الطفل ذا : قد شاب
ـــ لقيته من شرود الذنب .. جا يستسمــــح التمثال
قبل يومين ياجدي .. لقى مظروف تحت الباب
ـــ قريته له .. بصوت ابكم .. ونبراتي : نـــــدم شوّال
ياربي ويش كان اسمه ؟ وقمت آقلب الألقاب :
ـــ نفَل .. صلى النفِل .. قايم .. ورتّل .. سورة الأنفــال ؟
ياربي اسمه .. مثل قول : " النتايج تلحق الاسباب "
ـــ إذا قلنا هو الـ " المبروك " .. أجل غيره : هو الـ " عقبال "
ياربي .. أول اسمه هو : على فرض الغيوم : اسراب
ـــ ياربي .. واسمه الثاني : نذر نفسه .. دمى .. وقتـــال
من اللي علّمه يرقى ؟ هو اللي .. علّم المرقاب
ـــ يطير الأسم .. لاصارت .. جناح المرجلة بـه : " آل "
دنى : " قوسين " حتى انّي .. تدلت من عذوقي : " قاب "
ـــ رفعني .. ثم ناشدني : " وش اسمك ؟ " قلت : اكيد عقال
وخلاّني .. مثل ذاك .. العقيم اللي حلم بانجاب
ـــ وهزّه كفّ .. في نفضة : " تنق اسمين .. جاك .. عيــال "
رحم ربي .. رحِم من جابته / جابه .. من الأصلاب
ـــ جعل مامرّتـــه ضيقه .. كثر مامـــرّني : زلزال
وإذا شفته ياجدي .. يوم .. يخرف هالسحاب أرطاب
ـــ أبيك تدرّسه مثلي : ترى " تكفـــى " .. تهزّ جبال
و ....
اشششششششششششش .. سأنام الآن
" شيء آخر "
شاعر / اسمه هكذا عجز الكثير ان يعرف من يكون الى الان [/align]
رد مع اقتباس
المفضلات