[align=center]
من روائع الشاعر احمد الجريفاني
[poem=font="Simplified Arabic,6,coral,normal,italic" bkcolor="transparent" bkimage="" border="double,5,gray" type=0 line=1 align=center use=ex num="0,black"]
مالي على حبٍ رميتـه حسوفـه =
لا رخصت اثمان الهوى قل شاريه
النفس عن حب المذلـه عزوفـه =
اموت عطشانٍ ولا آرد غداريـه
الكذب عند اللـي كثـارٍ حلوفـه =
كلٍ تدلك عـن طباعـه مواريـه
الخط عنوانه مـن أول حروفـه =
تعرف مضمونه ولو مانت قاريـه
من يهتدي بسهيل صعبٍ نكوفـه =
ما ضاع غير اللي خفنه مساريه
اللي يبي فرقاك وش لك بشوفـه =
واللي ترك طرياك مالك وطاريـه
من عاشر الطيب يشوف معروفه =
لا جاء ظلام الليل بانت قماريـه
ومن عاشر الخايب تجيه الحسوفه =
الطير يعرف من طيـورٍ تباريـه
لا مال ساس البيت طاحت سقوفه =
والسيل ما تبنى البيوت بمجاريـه
وانا طباعـي بالحيـاة معروفـة =
من عز نفسه صرت اعزه وأداريه
اما الذي يرفع لحربـي سيوفـه =
ما يسلب افكاري بلمعة خزاريـه
احب مـن هرجـه بليـا كلوفـه =
وإن قال رايه في حدٍ ما يماريـه[/poem]
تحياتي .... أجـــــــا[/align]
رد مع اقتباس
المشاركة الأصلية كتبت بواسطة احـمد الـطـرقي
المفضلات