لا أمدح عاشق ولا ألحقه لوم!
[align=center]أبيات كتبتها مجاراة لأخي وصديقي الذيب والذي كان يكتم موهبته حتى تفاجئت بالأمس بأبياته الرائعة!
فهل تحضى أول قصيدة أنشرها هنا بالقبول من شعراء المضايف ومتذوقي الشعر فيها؟[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القلب فز ونز تقول مزهوم=زهمه اسمٍ واجذبه في سطوعه
في دوحة الأشعار لمحته اليوم=في عالي الأغصان تطرب سجوعه
ماني مصدق كن ماشوفه احلوم=الذيب فارس طال بالشعر بوعه
يرسم بيوتٍ كنه الدر منظوم=شعرٍ جزل مافيه لحنة ميوعة
يشكي أمور منها صار مأزوم=طايح بغبة بحر مايشاف قوعه
قلبه مصاب وصايبه سهم مسموم=في أوسط اللبة بمقرن ضلوعه
رماه قايد جملة خشوف وريوم=سهمه ما تاقاه محكم دروعه
ويا كثر قبله ما رمن ...... وقروم=وكم حاكمٍ أعلن لهنه خضوعه
ولا أنا في دربهن "ماش" منجوم=ونفسي للاماهن فلاهي جزوعه
في بحرهن ما أعرف الغوص والعوم=غشيم ما يفرق ذراعه وكوعه
عنهن كفاني كامل الزين محشوم=فرغت قلبي له ونفسي قنوعه
وختام لا أمدح عاشق ولا ألحقه لوم=كلن يعرف المخطية من سنوعه[/poem]
رد مع اقتباس
المشاركة الأصلية كتبت بواسطة صلفيق ابو قناة
المفضلات