صور 4 شباب سعوديين يمتهنون اعمال النظافه !!! ماهو تعليقك؟؟

[مجد]

[align=center]شكرا لك ع الموضوع اللى مدري وشلون قايل!
----------------
تعليقي هو .. من يرضى بهذا العمل شيء راجع له ؟
هناك من يرأى هذا العمل شريف .. فليعمل به .
هناك من يراه عمل وضيع ولا يليق به .
المقايس هو الانسان نفسه ..ومدى تقبله بهذا العمل
يعنى قد يكون العمل شريف في نظرك وفي نظر المجتمع..
ولكن من وجهة نظري أنا ومن قناعاتي أنا لا يمكن أن أعمل به ؟!
لا يليق بي .
-----------------
ياخي الكريم:
الناس بالمجتمع طبقات .
مثلا:لو كل الناس بالمجتمع سادة وملوك .
ستكون مشكلة ؟!
فاِأنت لن تجد من يخدمك ؟
ولا من يكنس شارعك ؟
ولا من يخبز لك ويعد لك طعامك ؟
وووووألخ
لكن هذه سنة الكون
ان جعل الناس طبقات فهنهم الخادم ومنهم الأمير ومنهم العالم ومنهم الجاهل
ومنهم الشريف منهم الوضيع وهكذا.
فالخادم سخره الله لخدمه الامير
وهكذا تسير الحياة .. وهكذا هي حلاوتها بصراعاتها وباختلافتها .


هذا رايي أنا .. وجهة نظري أنا ..
اقتنعت ام لاااااااااااااااااا؟!

---------------
خاص للملاك الغيداء :

وما عيب الرسول عليه الصلاه والسلام وهو من اشراف قريش انه راعي غنم

هلا بك اختي..اسمحيلي بالمداخلة .
استشهادك في غبر محله
هناك فرق كبير بين رعي الغنم
وبين عامل نظافة؟! يزيل اقذار الناس ووساختهم ؟!


مع الف تحية
اختكم المجد[/align]

[أطلال]

[align=center]"لا تحقرونا فنحن نعمل عملا شريفا نخدم به المجتمع ونؤدي واجب الوطنية وهو المساهمة في خدمة الوطن قدر الاستطاعة والإمكانات"

.
.

صدقوا والله ..

الموضوع في محله ..

ومن ثم فهم قد يبدون في نظري أعقل ممن يشرب ويأكل حتى يشبع ليرمي قمامته في الشارع ..

ويقول أنا وطني ..

الوطنيه تبدأ من صغائر الأمور قبل كبائرها ..

علم نفسك وطفلك الا يرمي مابيده في الأرض .. فقط لأن هناك من ينظف خلفه .. وعندها ستكون غرست في نفسه فسيله من فسائل الوطنيه ..

ولو كان ماورد صحيح .. وأنهم لم يجدوا الا هذا العمل .. ورضوا به ..

أقول أنهم رجال ..

وبعين الوطن أكبر ممن يزبد ويرعد فقط لأنه تخرج ولم يجد المكتب الذي يحلم به ..

.
.

الحزين .. سلمت أخوي ..

والله يصلح شبابنا ويبعد عنهم فتن هالعصر والا الشغل ماعاب أحد ..

.
.

الف شكر .. وتحيه للجميع ..

.
.

أطــــــلال[/align]

[سيدة القـــــلم]

كيــــف عرفت انهم سعوديين..؟!!!

ربما صوره بنغاليين... مايدريكــ ....؟!!


ღ
ღ
ღ
تحياتي
عشـق القصـيد

[الحزين]

انا ماني مصدق انهم سعوديين

ولكن خطــه من مكتب العمل والعمال لتشجيع لهذي الوظيـــفه

[ابو غازي]

مادام تدري انه عمل شريف . . ولا ضير من الإمتهان به
فماذا تريدنا ان نعلّق به؟

نعم اخونا / الحزين فك الله حزنك بخير
هؤلا الشباب والكثير مثلهم يكدحون ويدورون لقمة العيش وين ماكانت
ولاعيب في ذلك العيب بما يمس الدين والشرف
لعلمك وعلم اخواني واخواتي
كنت في أحد الأيام ذاهب للمستشفى المركزي بالدمام أوقفت سيارتي بالمواقف وكان هناك عمال نظافة وقلت لأحدهم رفيق اغسل السيارة ونظفها زين
قال أبشــــــــــر ولعلمك أنا ماني رفيق أنا أخ لك موطن سعودي كنت مقفي عنه ووجهت وجهي له وقلت أنا أســــــــــــــــف ياأخ والله لم أقصد الإهانه لك ولا لغيرك ولاكن حنا متعودين على الأجانب هم من يمتهن هذه المهنه
وقال والله ياخوك ماحدني لها إلا الدوره للقمة العيش الشريفه وخفت أن أنخرط بالطرق المخيفه والرديئه المخدرات وقبلت أن أمتهن هذه المهنه الشريفه وابشرك الحال مستوره وانا لعلمك أحمل الشهادة الثانويه أنا وخوياي هذولا
شكراً

[راعي الطيب]

اخوي الحزين
الف شكر لك على جلب هالموضوع للنقاش
ولكن كلنا نعلم ونحن بدوله منعم الله عليها بالامن ولله الحمد
انه فيه شيبان عندنا الله يطول باعمارهم يقومون من الصبح والولد
اللي ينام للظهر يقومون يعلقون عليه خاصه اذا كانت الحال ضعيفه شوي
وتلقا هالشايب يزن على راس ولدوه ليش تنام اليا الظهر؟
وليش ما تذلف عن وجهي تدور لك على شغل بدال هالقعده؟
ومن هالكلام اللي يجرح وتلقا الولد يطلع من البيت وهو ما معوه الا
الشهاده المتوسطه او الابتدائيه او الثانويه بمعدل ماهو هاك اللي
وين تبي احد يقول لوه تعال وهو ما معوه شهاده جامعيه؟
وين تبي احد يلفيه ويشغللوه وهو ما معوه شهادة كمبيوتر؟
وين تبي احد يشغلوه وهو ما معوه لغه او شهادة خبره؟
كل هلااسئله تدور براس الولد ومن جهه ثانيه يدور براسوه
انه اذا رجع للبيت يبي يلقا الوالد ويلقا كلاموه اللي يقطع القلب
اما انه يذكروه بالدين او بالعيشه المره؟؟؟؟؟؟؟؟؟؟
ولك مثل هالحاله وووووووواجد
حتى ان بعض الشباب والله العظيم انهم حتى محطات البنزين ما لقوا به شغل هذا وانا ما ذكرت لك انهم حتى البناشر اكرمكم الله مالقو به شغل
تدري عاد اني مالوم هاللي انت حاط صورهم لاني شفت الامر منهم
وشفت ناس ان تغدوا مالقوا عشاء وان تعشوا ما افطروا
حتى والله وانت ما حلفتن اليا شافوا السواق يقولون شف هو وش راتسب وشف حنا وش راتسبين تقول لوه سواق يعني السياره ماهي لوه
يقول وحنا لقينا سواقه وقلنا لا
وفيه ناس حتى لو معوه خير ومعوه اللي يمشي حالوه بس ما يقدر
يقعد بالبيت لو ما معوه شهاده وبعضهم بتفكيره انه يفتح ورشه
واليا سالتوه ليش ورشه طيب اي مشروع ثاني يقولك شوف فلان وشوف فلان يدخلون اكثر من راتب المدير او الضابط
وانا قعده لا شغل ولا عمل ما غير اكل ونوم ولبس هدوم
والله انهم على حق اليا قال لك وانا اليا متى وانا امد يدي للشايب او اليا متى والشايب يصرف علي كلمته هذي بس تقطع قلبك وودك عندك شركه
له اول ماله تالي وتشغل العاطلين كلهم بس عندك
اخوي الحزين ساعات ان الواحد ينحد على اشياء ما فكر به
بس محدود
اعذرن على الاطاله وعلى هالكلام ولك مني احلا تحيه
تسلم ولا هنت يالغالي

[هموم داعيه]

بسم الله الرحمن الرحيم


• الناجح في الحياة هو من يتقن فن السعي على ضوء العقل وعيا وإدراكا وإحساسا بالمسؤولية صادقا ، ويجيد لغة الصبر على مواجهة الصدمات وتحدي الضربات ، وبذلك يستطيع تجاوز العقبات وتحقيق الأمنيات .
• من يطلب نجاحا بغير صبر واجتهاد ، كان كمن يطلب من المصباح ضوءا بغير زيت ولا فتيلة
• من أراد تفوقا بغير كد وعناء ، كان كمن يوقّع على شيك بغير رصيد .
.
• الطبيعة البشرية ميالة إلى الكسل ، فمن عاند نفسه وضبطها وتغلب عليها كان النجاح حليفه .
• خير القول ما صدقه العمل .
• والناس همهم الحياة ولا أرى *** طول الحياة يزيد غير خبال
وإذا افتقرت إلى الذخائر لم تجد *** ذكرا يكون كصالح الأعمال
• إن الأيدي خلقت لتعمل ، فإن لم تجد في الطاعة عملا ، التمست في المعصية أعمالا ، فأشغلها في الطاعة قبل أن تشغلك بالمعصية .
• بالعمل تسود الشعوب ، وتنهض الأمم ، وتنجح الأفراد . والعمل هو شرف وواجب وحياة وكرامة وسعادة ولذة وخير وسيادة ، ورمز الخير والبركة . والشعوب التي تستمرئ الكسل وتؤثر الراحة ، خليق بها أن تتوارى وراء حجب الظلام والفشل والذل والاندثار .
• العمل في كل الحالات ضروري لرفع كرامة الإنسان ، ولإنماء شخصيته ، ولضمان مستقبله ولتقدم البلاد وازدهارها .
• قال صلى الله عليه وسلم (( ما أكل ابن آدم طعاما قط خيرا من أن يعمل بيده ))
• أفضل الأعمال الكسب من الحلال .
• قال صلى الله عليه وسلم (( لأن يحمل أحدكم حبله على كتفه فيحتطب ، خير له من أن يسأل الناس حاجة أعطوه أم منعوه )) .
• الفلاح على قدميه عاملا ، أرفع من الكسول على حصانه خاملا .

وأنه من سنن الأنبياء والشرفاء ، فما من نبي إلا ورعى الغنم، وكان النبي-صلى الله عليه وسلم- رزقه تحت رمحه ، وكان داودُ حدادًا ،
وكان نوحٌ نجارًا ،
، فقد سئل الرسول -صلى الله عليه وسلم-: أيّ الكسب أطيب ، فقال : "عمل الرجل بيده وكل بيع مبرور" [رواه البزار وصححه الحاكم] .

بارك الله فيك على الطرح الرااائع يابو غاااازى

[الحزين]

يا رجال

حنا اغنى دوله على وجــه الأرض

وغير كذى شوفوا الهنود وش ماسكين اللي مدير شركه ولا غيره وغيره

وعندكم مركز سماح سنتر منهوا ومديره اللبناني لا ومسيحي بعد وغير كذا شوفوا ستي بلازى بنفس مركز سماح سنتر مديره هندي ونائبه هندي والمدير اسمه عبيد للمعلوميه
واللبناني اسمه جهاد والسعوديين هناك كانهم هنود عندهم يتامرون عليهم بالله ما تبونا ننقهر ليش يا ودلتنا كذا ليييييييييييييييييش

[هموم داعيه]

الحزن هل هذا حديث اذا سالك احد بالله فل يجب وين محصله وين المصدر يالحبيب

[الحزين]

انا المصدر والاثبات تشوفونه بعيونكم

كل محلات سماح سنتر مدرائها اجانب حتى الهنود صاروا مدراء على شبابنا بالسعوديه

واللي ماهو مصدق يروح لمركز سماح سنتر ولأي مركز تجاري ويتأكد