[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حبيبي قبل ما عرفك حياتي مالها داعي = نكد ضيقه و حزن دايم و اعيش الهم بالأعوام
حياتي دون للغايه عليها يأسف الواعي = و يأسف كل من شافه تشابه حالة الأيتام
حبيبي كنت في عالم غريب ٍ يتعب الساعي = يشيّب راس من شافه يشيّب قاهر الأخصام
حبيبي قبل ما عرفك أعيش الوقت مرتاعي = أعيش بعالم الضيقه أعيش بدنيتي منضام
حبيبي أنت لي فرصه أحسّن به خفى اوضاعي = هلا يا مرحبا مليون هلا يا مبعد الأوهام
هلا يا باعث البهجه هلا يا مخفي اوجاعي = هلا يا مرجع البسمه هلا يا مجدد الأحلام
حبيبي جيتك جيه بها الأيام تنصاعي = غصب عنها تجي يمي غصب عنها تجي قدام
قبل عرفك ترى الدنيا تحاول دايم اخضاعي = بعد عرفك ترجتني رجا دايم معي بلزام
رجا نصه أسامحها و عنها أطوي شراعي = قدرت أقوى على الدنيا حبيبي جيتك أحلام
حبيبي أوعدك و الله ما دام الموت منصاعي = ما خون الحب يا غالي ما خونه يشهد العلام
بنيت الحب في قلبي و صرت لخافقي راعي = حكمت و طيّب ٍ حكمك عسى عمرك مدى الأيام[/poem]
رد مع اقتباس
المفضلات