[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياتل قلبي تل عوص المطايا=يادرهمت ياحمود وسط الشعيبي
تسمع صرير مخوتمات الحنايا=تسمع لهن باقصى ضميري حطيبي
ايا وجودي وجد شيخ السرايا=زعيم قوم وكل فعله مصيبي
يامر وينهي ولا يرد العطايا=عزيز قوم ووسط ربعه مهيبي
من عقبها صاحو عليه "الطنايا"=من فوق حرد الخيل شقر السبيبي
عقب القصور مشيدات الزوايا=اصبح سفيهٍ بالخلا مايجيبي
عزي لحاله كان ينفع عزايا=عقب المعزه صار جرحه عطيبي
هذاك حاله مثل حاله معايا=نوحي مثل نوحه ومثله صويبي
هيض قنيب الذيب لجة عوايا=وان قام يقنب كل ذيبٍ لذيبي
بلاي والله حبهم هو بلايا=وش نوح..معنا يالغضي ماتطيبي
ترى العمر لو طال عقبه عرايا=وعقب الشباب يجيك عجزٍ وشيبي
مني لكم ازكى سلام وتحايا=يامتلفين الروح وانتم طبيبي
هذي علومي وش بقى لك نوايا=رد الخبر وافعل على ماتبي بي[/poem]
رد مع اقتباس
المفضلات