يبــــــه جعل الشعر للمــــوت لو مارثيتك

[بـنـت النـور]

[align=center]



رياح الاقدار


فارقتني يابوي والدمع أنهار


تسيل من قبرك وتوصل لبيتك



قل لي يابوي الحين من يحيي الدار


وشلون تسمع لو نويت وشكيتك



لو يوم أخطي كيف توصلك الاعذار


وشلون أصرخ لك بكلمة فديتك



رحلت عني آه ياشين الاسفار

خذني معك للموت والا خذيتك




مع غيبتك ماعاد ابي أعرف اخبار

من له أببكي بعد انا مابكيتك



أرض الفرح ماعاد تنبت بالامطار

والروح لو تعطى بروحي عطيتك




ماخذت من بنتك سوى الحزن تذكار

وهي خذت حبك وطيبك وصيتك



ماعاد تنفعني مع الليل الانوار

يانوم لاتقرب لعيني نسيتك




يابوي خذت فعالم الموت مشوار

لولا غضب ربي على الموت جيتك



أذكر صدى آهاتك تهز الاسوار

واذكر ضلوعي تنصهر لارجيتك




واذكر سرير ابيض عليه الألم جار

دورت عن حزني يابوي ولقيتك



يااغلى بشر راحت به رياح الاقدار

يالله عسى الجنه قرارك وبيتك




همي على فرقاك منثور باشعار

جعل الشعر للموت لو مارثيتك




اعجبتني جدا فنقلتها لكم



[/align]

[سيدة القـــــلم]

[align=center]قصيـــده جمليـــه جداً ومـــحزنه...

نقلــ موفـــق باركـ الله فيكــ

والله يعطيكـ العافيــه

ღ
ღ
ღ
تحياتي
عشـق القصـيد[/align]

[شام]

[align=center]الأخت بنت النور :
حزينة الكلمات والعبارات تترجم لوعة الأسى والحزن للفراق ...
دمتِ بكل الود أختي العزيزة ... ومشكورة [/align]

[سلطان الشمري]

[align=center]بنت النور


رائعه جدا جدا جدا ..ليتك اتيتي باسم الشاعر




احترامي لذوقك/المؤلم[/align]

[بـنـت النـور]

[align=center]عشـق القصـيد

اشكر متابعتك الجميله
الله يسلمك[/align]

[بـنـت النـور]

ايمان قويدر اشكر متابعتك الجميله
الله يعافيك

[بـنـت النـور]

نبراااس سلمت لمرورك

[شموخ]

يااغلى بشر راحت به رياح الاقدار

يالله عسى الجنه قرارك وبيتك

آمين آمين الله يرحم موتانا وموتى المسلمين ..

ياأختي انتي وش بلاك على هالقصائد الحزينه تجددين الجروح

تحياتي
شموخ

[بـنـت النـور]

[align=center]آمين آمين الله يرحم موتانا وموتى المسلمين

اللهم امين

مشكوره يالغاليه واعذريني على تجديد الجروح[/align]

[المهرة]

[align=center]مع غيبتك ماعاد ابي أعرف اخبار

من له أببكي بعد انا مابكيتك



أرض الفرح ماعاد تنبت بالامطار

والروح لو تعطى بروحي عطيتك




ماخذت من بنتك سوى الحزن تذكار

وهي خذت حبك وطيبك وصيتك


آآآآه / متى مر يوم لم اذكره
ومتى غاب ليكون حاضر في داخلي
لامستي جرح كبير صعب / ان يطببه الزمن
اسأل الله ان يرحمه ويرحم موتى المسلمين
تسلمين ياغلاهم على هالقصيدة


دمتِ بخير
اختك/ المهرة[/align]