[align=center]سنتن من السنين اجتمعوا شباب من المضايف وقرروا يخيمون بالبر
وهالشباب هم
شنقل ( ابو هيلاهوب اصفر )
الاصيل ( ابو ثوب )
المطنوخ ( ابو دماغ )
المحروووم ( ابو محمد علي كلاي )
الشبث ( البايه ) مالوه عيال
الوكاد اتفقوا انهم يخيمون بالبر ويبعدون عن صجت المدينه
ويوم نزلوا بمراحهم وبنو الخيمه وربطوا التيس ليمار الشمس غايبه
قال ابو ثوب انا الحين ابي ازين لكم جمريه
وقال المحروووم انا ابضبط الشاي اللي يدوخكم من زينوه
وقال شنقل ازهلوا القهوة عندي وانا ابو هندي ( وجهك وجه الهندي )
وقال المطنوخ انا ابي اغسل المواعين لكم
ليما الفاهي الشبث جالسن لحيلوه تقل طفل بريء
قالوا هاه يا شبيثان وانت وش تسوي ؟
قال انا ابس اسولف عليكم
قالوا مانبيك تسولف قم اذلف اجمع لنا حطب بدال منت جالسن هاللون
وهو يقوم قومتن وسط ( تقل ماودوه بالقومه )
قال شنقل ياويلك هالحين يجيك جني وياخذك يبي يخرعوه ( هو بليا منتهي )
وهو يجلس بمكانوه
قال الاصيل يا شنقل وشبلاك خلوه يقوم
حنا مافرحنا على الله انوه قام
خلوه لا تلاهدوه
يالله يالشبث انجز مامن شين
وهو يقوم ويقوم يدو حول الخيمه
قال الاصيل شبيثاااان
قال الشبث هاه ارجع خلاص
قال الاصيل وين خلاص انت من اليوةم وانت تديرنا تقل تطوف
امش ول وراك دور زي الناس
يالله انجز علينا ( قاله بقسوه ))
وهو يولي وراوه ليما خفق وراء حزم من الحزوم اللي حولهم ( خفقت عين جدي )
ويوم خذولهم شوين ليمار هذا هو جايهم يمشي خمسين الف
وعجاجتوه وراوه ليما تجشم المواعين
وهو يقوم يكمخوه المطنوخ بالدلال والمواعين
ويالله يخلصونوه من المطنوخ
قال شنقل انت وش تبيبوه حرام عليك
قال المطنوخ ياخي توني مغسلهن وخربهن
قال الاصيل وشبلاك يا شبيثان لك نهيت
قال ( وهو ينهت ولسانوه عند سروه ) شفت شي كبيييييييييييييييير
قال الاصيل بسم الله عليك وشو هالشي
قال ( وهو ينهت للحين ) مدري بس الظاهر انوه ذيب
قال شنقل لا يمكن اسد جاي مخصوص علشانك
قال الاصيل يابن الحلال لا تلاهدوه يمكن صويدز
قال شنقل يابن الحلال انت مصدقوه
هذا لو يشوفه الذيب ما ياكلوه تسان يتوطى بطنوه ويقول ليه انت ادمي وانا حيوان
وهو يقوم لوه جعير الشبث
قال المحروم ياعيال لا تعقدون الولد يمكن صويدز
وانتم ماجاكم الحطب الا هالحين خلوه باتسر ليامنا اصبحنا
الوكاد يوم تعشو وعينو من الله خير وكلوا جمرية ابو ثوب
فرشوا فرشهم علشان ينامون
ويوم انصف الليل وهو يصيح الشبث
ليمار شنقل بجنبوه وهو يرفسوه برجلوه
وهم يتقامزون من الفرش ويولعون النور
ليمار شنقل غايلن الشبث
قالوا ياولد انت وش تبي بهالمسكين
قال ياخي ماخلاني انام
وكل شوي خامني
وكل شوي صايرن بفراشي
وهالحين يقوم لوه صياح ابي افهم وش هاللي يصيحوه
قال الشبث فيه شي يمشي على رجلي
قال شنقل وشو ( يستهزي بالشبث )
قال الشبث مدري يمكن داب
قال شنقل ويمكن تريله
قال الشبث لا التريله كبيره
قال شنقل قل قسم بالله
قال الشبث قسم بالله رب العالمين
وهو يعجن خشتوه بهكا البقس اللي لهالحين وجعوه بالهامه
مالكم بالطويله رجعوا وكملوا النوم
ويوم جاء من باتسر وهم يتطشرون ( يتفرقون ) ويتمشون
ليما جت حزة الغداء ورجعوا عقبه يكملون التمشيه
ويوم جاء بالليل وهم يتواقعون بالفرش من التعب يبون ينامون
قال الشبث للمحروم تكفى نم عندي مابي شنقل
قال المحرووم ابشر ( رحوم )
ويوم جاء نص الليل وهو يصيح الولد ( ماصاح صياح الا من بلا )
وهم يتقامزون
وهم يقومون يتفلتون عليه المطنوخ وشنقل يبون يمدونوه
ويالله يفكونوه الاصيل والمحروم
قالوا وشبلاك هالمره
قال فيه شي يلحس رجلي
قال الاصيل وشو
قال المطنوخ يمكن ذيب يبي ياكلوه
قال شنقل لا يمكن ذيب شبعان ويبي يحلي بكرعان الشبث
( واحد يثبت والثاني يشوت ... انواع الاستهبال على هالمسيكين )
وهم ياخذون لهم ساعه يضحكون على الشبث وذيبوه
وقال لهم الاصيل ياشباب ترا بكرى نبي نرجع تقديرا لنفسية خوينا الشبث
ويالله يوافقون الشباب عقب معارضه على هالقرار
الوكاد يوم جاء الصبح وقبل يشيلون قشهم
لقو سلوقي نيم عند الخيمه
اثريه هو الذيب اللي مخرعن الشبث
والمسكين جاين يدور الدفا عند الخيمه ورثع بالشبث وخوياوه
زجيتك منهم مدري عنهم
وماتشوفون اني طولته كل يوم منزلن موضوع ههههههههههههه
وتقلدوا تحيتي[/align]
رد مع اقتباس
مهي راكبه عليك الشغله 
المفضلات