الحقيقه الكامله لتوقف المضايف ونهاية ...كارلوس الارهابي

[الجازي]

مقيولة يامطنوخوه

الكلام الليّن يغدي بالحق البيّن

عز الله ان حتسي هالاولين مايخرّش الميّة

هذا أنا الحين الحق معي واضح وضوح الشمس بس لأني ماعرفت أنسق حتسيي قدرت تخليهم يصدقونك

لكن هين وعند الله تجتمع الخصوم >>>> تسني صدقت

عموما راس المال والراس الكبيرة في المضايف والمسؤول الأول والأخير عليها أبو سلطان عارف ان الحق معي بدليل انه بيحط نصب تذكاري لكارلوس اكس بي أول شيء وبيحط نصبك انت عقبه عشان مايزعلك

ترى ابو سلطان يراعي مشاعر الهكرز

[المطنوخ]

ياناس حرام اللي تسوونه معاي

ليه يعني حاسديني اكون انا وحبيبي سرحان (صورة قلب حب وبوسطه سهم ومولع راسوه)
مستأثرين بالنجاح واننا فكينا مضايفنا من ملعون الصلايب كارلوس قريح

يعني بدال كلمة الشكر والثناء الطيب مار تجحدونا

مار صدق بيل كوسبي يوم يقول...
افعل خيرا شرا تلقى

والحمدالله هذا ابوفيصل قال ان جوالوه مسكر وهذا ابوسلطان شاف محزم عزوز اللي وارثوه من عمر المختار

وعندكم عزوز وينوه؟؟

وليه مارد؟؟

يعني الرجال استخزى وقمط وجهوه وبلع العافيه يوم شاف طمعوه ارتد عليه

مار يالريم شوفي اقسم بالله ان شفت فنزويلي يوطوط رويسوه بهذا ترى ابي الحقك كارلوسوه<<يعني مثل سعودوه

مار تدرون شلون مابي شي منكم بس يبقى الاهم ان المضايف رجعت

واني راح اذود بالغالي والنفيس في سبيل الدفاع هذه المضايف

كل الشكر لمن اولوني ثقتهم وباركوا لي مجهودي وسرحان

ولا انتي ربي حسيبك

الريم ..... اكرهك

[المطنوخ]

اشكر كل من حول لي الفلوس لحسابي التجاري

واشكر كل من قدم ولاءه لي

واشكر كلكم<<<جديده هذي

وانا بنتظار النصب التذكاري مادام الجماهير عازوه كده



الريم<<<موتي حرته

[احـمد الـطـرقي]

[align=center]
والله ياخي اما سالفتك اللي قلت


بصراحه تدل انه لسى الدنيا بخير ياحبيبي



ايا يامال الموذي ياكارلوس ......


ويامال العافيه يافارسنا المغوار



مطنوخوه ..ياخي ليه هم منقهرين من فروسيتك ..؟؟

ممكن تجاوب سعاده حدرتك ...؟


تقبل تحياتي [/align]

[المطنوخ]

هذي ضريبة الشهره يالطرقي احمد

شفت يعني اذا كان ملك كريم مريض

وجوه اطباء ماقدروا يشفونه من بعد الله

وفجأه يجي اعرابي بسيط ويقدر الله ان يكون على يديه شفاء الملك

ويصحى الملك ويعجب فيه ويخليه اقرب الاشخاص عنده

شيصير بالوزراء والحاشيه؟؟؟

اترك لك الجواب

عاد هالاخوان الله يسامحهم بدال كلمة شكرا وصدقني انها تكفيني

القى منهم الاستهجان كأنهم يقولون ليه ماخليت كارلوس قريح ياخذ راحته


آآآخ يا احمد قلبت مواجعي واقلقت مضجعي وحتى سرحان حبي الاول والاخير تغير علي وما قام يعشقني مثل اول ايام كنا بالعشيش يوم يرسل لي بلوتوث بصورة بقرتهم يعني ينذخ ان عندهم بقره وانا اقبله بحسن نيه اثريه طلع فيروس هالملعون<---مادري وشلون شطحت بسالفتي ههههههههههههههه

[الجازي]

^
^
^
اللي على راسه بطحا

أجل الحين مافيه أحد ضدك غيري والباقين كلهم معك وآخرتها تقول كلهم ضدي >>> اثري كثيرة وأنا مدري

هذا ان دل على شيء فهو يدل على إنك حاسن بالذنب وعارف ان الحق معي ومن خوفك من الفضيحة صرت تشوفني وش كثري

مطنوخوه ,,

لاتخاف ,, أبو سلطان يكسب أعداءه بمعروفه عليهم وعفوه عنهم

يعني هالمرة بيمشيها لك عشان تستحي ولا عاد تكررها مرة ثانية خصوصا انه ثبت له بما لايدع مجالا للشك انك ماعندك ماعند جدتي في خرابيط الهكرز

الريم ..... اكرهك

أحس انك قايلها بالمصري

[المطنوخ]

الريم (ايقونه واحد يقرص بلعانه وقاعد يتلفت تسنه مو مسوي شي <<امحق ايقونه)

طيب قولي لي ليه ماتبين تعترفين؟؟

كل هذا علشان النصب التذكاري اللي ابوسلطان قال ابي اسويه لك؟؟

يعني اذا كان النصب التذكاري تبينه ترى عادي اقول ان الريم هي اللي فكتنا

بس اهم شي الوحده الوطنيه<<<جمال عبدالناصر قال لي اكتب الجمله هذي وهذا هو بجنبي

يعني انا ماني عارف هالمؤيدين لي يعني حرام عليك تستخفين بعقولهم وانتي تكذبيني

يعني ادري انتس تبين تسوين زعزعه لكن صدقيني الدليل موجود عندي لما كنت اتصارع مع كارلوس قريح ودحرته بفضل الله
وقعدت شوي اشوف تتابعات الاحداث مما اضطرني الى عمل بحث شامل وطهرت المضايف من رجسه وطبعا الضيف هو حبيب العمر والزمان (ايقونة قيثاره ويعزفها طفل مصلوخ)...(سرحان)

وهذا الدليل...



وبصراحه ماكنت ناوي اوصل الى الدرجه هذي لكن قلت اصور الدليل
لعلمي مسبقا ان بعض الحساد راح يجون ويفندون كلامي


قد قامت عليك الحجه يالريم
والحين قومي اقطعي جدايلتس ابي انسجهن اوتار للعود

[الجازي]

وهذا الدليل...



وبصراحه ماكنت ناوي اوصل الى الدرجه هذي لكن قلت اصور الدليل
لعلمي مسبقا ان بعض الحساد راح يجون ويفندون كلامي


قد قامت عليك الحجه يالريم
والحين قومي اقطعي جدايلتس ابي انسجهن اوتار للعود

الحمد لله

ظهر الحق وزهق الباطل ان الباطل كان زهوقا

يا إنك جبت دليل ادانتك وانت ما تدري

شف وش طالع عندك في خانة المتواجدين ,,



عضو واحد وضيف واحد

العضو أنت طبعا بعد ماخربت المضايف والضيف هذا هو كارلوس بعد ما أرسلته عشان يشوف سالفة تقفيلتها

لو كان كارلوس هو الهكر كان شفته اسمه مع الأعضاء

وطبعا كارلوس ماهو عضو لكن يوم كفشك وحاس مريرك وأخذ منك تعهد قرر يطلق سراحك

وعلى نفسها جنت براقش يا براقش

معليش يالمطنوخ ماكان ودي انك تنكشف بهالأسلوب الغبي وانك انت تفضح نفسك لكن الشكوى لله كارلوس غالي علي

[شريف روما]

[align=center]^
^[/align]
[align=center][لوحة]صادوووووووووه[/لوحة]

[لوحة]المطنوخ لايكون انت اللي ذبحت جون قرنق
اشوفك كل شي قمت تنسبوه لنفسك
[/لوحة][/align]