ياهل الركايب....

[مستور]

السلام عليكم ورحمة الله وبركاته

[poem=font="Simplified Arabic,4,black,bold,normal" bkcolor="transparent" bkimage="backgrounds/14.gif" border="ridge,8,white" type=0 line=0 align=center use=ex num="0,black"]
ياهل الركايب مادخل لـــــــــــغزي الظن=بنتٍ تروض من طبــــــــــــــاعه عسيره
كفٍ لها ياهولتــــــــــــــــــــي لو تمـــكن=تكبح جماح اللي طفـــــــــــــاقٍ مســيره [/poem]

تحيـــــــــــــــاتي للجميـــــــــــــــــع

[راعي الوقيد]

هلا والله بالعمدة وبجديـــــدهـ

وش رايــك بأدوات الصيــــد حنا نقـرّب لهن

اعني شبكة الطير !!

او تركة صيد الضب

وش إتجاهنا يالعزوة بس لا يكون سماااااااااااااوي

وسلاااااااااااام ...
..

[مستور]

هلا بخوي راعي الوقيد
واللغز ليس جديد ولكن جديد على المنتدى وسبق ان حله (الشايب2)
الصيد ومايتعلق فيه مالك لوى يالغالي
تقبل تحياتي

[مخاوي الذيب]

اخوي مستور مساء الخير

رمعة على الطاير

ممكن ( الصامولة والكفر)

وشكرا

[مستور]

مخاوي الذيب
صباح الخير
كف لها ياهولتي لو تمكن...تكبح جماح اللي طفاق مسيره
انتظر المرماع القادم
تحياتي

[الصيرمي]

مستور ومرررحبابك

وش رايك تكون اللوحه الارشاديه (( قف ))

رمعه صابت والا خابت

تحياتي

[مخاوي الذيب]

طيب يامستور

الحديدة اللي تمسك كفر السيكل يوم يكبس على الفرمله

تحياتي

[مخاوي الذيب]

اخوي مستور

هذي رمعة ثانية والظاهر اني قشعته

( ترصيصة الكفر)

توزن الكفر لاجات به رجه

تحياتي

[مستور]

اخوي الصيرمي
مرحبابك اكثر
اللوحات الارشاديه مالك لوى
تحياتي

[مستور]

مخاوي الذيب
ماشاء الله عليك خابر انك مانتب مخليه لما تذبحه
نعم ترصيصة الكفر صح لسانك يالغالي
تحياتي