(( استضافة عضو )) 3 !!!

**مشــــعل** · 10-09-2005 04:51

[align=center]المخاوي يعطيك الف عافيه
على الاستضافات

الشبث والله ماعندي اسئله
لكن كلمة حق
للامانه انا يامني شفت اسمك حدر الموضوع
والله ادخلوه بدون تردد

يعطيك العافيه على هالمواضيع
وبانتظار المزيد انشالله
الله يوفقك والى الامام[/align]

**الشبث** · 10-09-2005 08:16

[align=center]

س سؤال 1 -- منهو عطاك لقب فيلسوف انت قلت لهم او هم عطوك اياه ولا واسطة ؟؟

هلا وغلا بالغالي الزقروطي

والله اللي عطاني هاللقب هو اخوي مفتاح14 سوم كان مشرف على الفله

واما سالفة الواسطه ( منين يا حسره هههههه )

وبالعكس هاللقب تروه غاثن والله

س سؤال 2 -- هل انت يالفيلسوف من تلاميذ ارسطو ام فلاطون ام جميع ماسبق ؟؟

لا ارسطو ولا فلاطون ولا جميع ما سبق

انا تلميذ الفله وبس هههههه

س سؤال 3 -- شنهو شهادتك ؟

دبلوم ادارة مواد من معهد الاداره العامه بالرياض

س سؤال 4 -- شرايك بالرقلة عادل امام وعطن جواب محدد ياابيض يااسود ؟

ممتاز

بس عندي عبدالناصر درويش احسن منه

س سؤال 5 -- لمــٌن تكتب موضوع بالفلة تكون افكارك وليدة اللحظه << خوش تعبير .. ولا تكون مفكر له ؟

انت عطني اي فكره او اي شخص وانا راح اكتب عنه موضوع

بس مدري يطلع زين ولا لا ههههه

س سؤال 6 -- اين انت من عمليات م / ح ؟

متابع لها هههههههه والله مدري وشهي ههههههه

س سؤال 7 -- اين انت من المضيف الاسلامي ؟؟ << رد بكل صراحه

والله مقصر

مو بس انا

كلنا مقصرين

وانا ودي اشكر اخوي الحنشل اللي مهتم بهالمضيف بشكل كبير

والله يعطيه العافيه

س سؤال 8 -- هذا اللي طلع معاي من اسئة وتقلد تحيتي ؟

على الرحب والسعه

واذا طرى لك شي جبوه

اتمنى اني ماازعجتك بأسئلتي يالشبث
ويمكن لي عودة اخرى
وبانتظار الرد

بالعكس اخوي الزقروطي ونستني ههههه

وهذا ردي وبانتظار رجوعك

وتحيتك تقلدته

وانت بعد

تقلد تحيتي[/align]

**الشبث** · 10-09-2005 08:32

[align=center]هلا باختي روح ابوها

حكمتك في الحياة ؟؟؟؟

عامل الناس بمثل ماتحب ان يعاملوك به

بمن تأثرت او من أثر فيك بالحياة ؟؟؟

الوالد الله يخليه لي

مقلب أنت لاعب فيه على أحد وماهو أول مقلب ينلعب فيه عليك ؟؟؟

المقالب اللي سويتها ياكثرهن

بس مره كنت طالع مع شباب للبر وكنا مخيمين

ويوم جاء بالليل لبست ملابس يخوفن وسويت فيهم مقلب يخرع ههههه

وبعضهم بغى يموت من الخوف ههههه

وفيه بعضهم غايبين عن الدوام وراحوا داومو هههههه

اما المقلب اللي كليته

مروني ناس من الشباب وقالوا نبي نروح نجلس عند الاستاد

( طبعا استاد الملك فهد ) ويوم وصلنا هنا نزلوني ومشو هههههه

ورجعت للبيت مشي ( البيت 12 كيلو )

بس رديته لهم هههه

أول راتب لك من تعبك وش سويت فيه ؟؟؟

للحين ماستلمت راتب من تعبي هههههه

أول موقف محرج يصير لك مع بنت ؟؟؟

مالي اي علاقه بالبنات

بس مره كنت رايح زياره لعمامي برفحاء

وكنت واقف عند الباب وشفت عمتي جايه تمشي من بعيد

ورحت يمه امشي قلت يالله حيه منين وعلى وين

ههههههه

وماردت علي

قلت وش فيتس ليه ماتردين

وقمت احتسي واخربط وبالاخير طلعت مو عمتي هههههه

( وماكان مني الا ان لذت بالفرار ههههههههه )

وش تسوي اول ماتقوم من النوم ((( مو تقول اغسل وجهي والا اصلي والا افطر او اروح الدووام او ... او ... بدون جواب دبلوماسي )))

اول شي انا ما اعرف الدبلوماسيه ابد هههههه

اول ما اقوم وبعد كل هاللي قلتيه

لازم اجلس لحالي تقريبا نص ساعه لين اضحك ههههههه

وبعده اختلط بالناس هههههههه

هذا اللي على باللي حاليا
واذا فيه شي طرى على باللي برجع

شاكر مرورتس اختي الكريمه

وتقلدي تحيتي[/align]

**الشبث** · 10-09-2005 08:37

[align=center]

الله يعطيك العافيه اخوي المخاوي على استضافتك لعضو لو جبت من كل قيعان الارض كلمات ماوفيتوه

حقوه ،،

انا عضو جديد على هذي المضايف ،، بس قديم بمعرفتكم ،،

اخوي نافع بن طواله بس يهذري بكم ،، حتى مرات من المره وهو نيم عندي بالمخيم ،،

عاد انتم تخبرون نومي ( وانت متى شفتهم عشان يخبرون نومك )

نوم ذيب عين مسكره والثانيه بعد مسكره ،،

وهو يغدي لوه ضحك وهو نيم ،، وانا اقمز من فراشي واجيب الماء احسبوه شرق ،،

ويوم شفت انوه مابوه شين طلع يحلم وانا اقعد عاد اتسمع لكلاموه غدينن اسمعوه يقول اسم

اموه ،، ( ذبحتن الشفاية )

مار ماش ماجت يامهنا على ماتمنى ،، ويوم خذيت شوين اثاري الرجال يحتسي سالفتوه اللي

قايله لي امس العصر عنكم وعن المخيم اللي انتم تجمعتوا بوه ،،

الوكاد وانا ارجع لفراشي وانام ،،

ادري غثيتكم بس حبيت اتكلم من خلال هذا الموضوع عن حبي لاهل المضايف كلن باسموه ،،

واخص بالذكر اخوي الشبث لانه هو الضيف الحين ،،

اخوي الشبث الله يعطيك العافيه وفرصة سعيدة اني احاتسيك لو بكتابتي ،،

الاخوان كفوا ووفوا بالاسئله وماخلولي مجال للاسئله ،،

واتمنى اني ماثقلت عليكم ،،

ودمتم ،،،،،،،،،،،

هلا وغلا باخوي عيون السروق

وحياك الله انت واخوي نافع ( ابو هدلا )

وكلامك هذا تاج على راسي

وانا لي الشرف اني قابلت الاخوان بالمخيم

ومن ضمنهم اخوي نافع

واتمنى اقابلك بالمخيم الجاي ان شاء الله

وشاكر مرورك الطيب

وتقلد تحيتي[/align]

**الشبث** · 10-09-2005 08:43

[align=center]هلا باخوي احمد الهاجري

( ياخي انتم يالهواجر اموت فيكم ههههههه

سوعال 1 ماهي امنيتك في الحياه؟

اني اموت ومحد زعلان علي

سوعال 2 تسم مره اخذت علقه ساخنه ؟

قبل السوعال ولا بعده هههههههه

عد واغلط هههههه

سوعال3 تسم عدد ايام السنه اذا طرحنا منها سبعه وثلاثه ارباع وزدنا عليها سبعه عشر وضربناها

في تسعه وقسمناها على واحد وعشرون ؟

تراني ذكري ماني على خبرك هههههه

يبقى طعش يوم ههههه

هاه صح ولا لا

هذا ولنا رجعه( راعي طويله)

حياك الله

وتقلد تحيتي[/align]

**الشبث** · 10-09-2005 08:53

[align=center]نبراسوووه جاء

ياقردي هههههه

الشبث عبدالله / ابي انشدك ليه ياقليل الفود انت بك صفةالقطاعه

عزالله بي هالصفه

بس والله وانا اخوك غصبن علي مهي بكيفي

وكل انسان لوه مشاغل

وانا والله كثير اللي يتشرهون علي ( من كثر خوياي ههههه )

الله يزيدهم

وش حكايةتقلدوا تحياتي ؟؟؟؟؟؟

سوعال منتاز

اول ماشتركت هنا كنت اكتب تقلدوا تحياتي

وقريت موضوع هنا كاتبته احد الاخوات ( اعتقد اختي ريم شمر )

يقول ان تحياتي هذي ماتجوز

وخليته تحيتي

وانا يوم اكتبه كنت ادور الستر ههههههه كنت ابي الفت الانتباه

( تخبر العضو الجديد ماينعطى وجه حيل بالبدايه )

وعقبه قمت اكتب مواضيع والشخصيات من المضايف

وكله علشان اخلي الناس تتابع اللي اكتبه

يعني السالفه كله ابيكم تعطوني وجه هههههههه

بعدين انا قريت لك كم قصيده بأحد منتديات النت ليه ماتنشر بالمضايف؟؟؟

والله اني اتمنى اكون شاعر بس عجزت ههههههه

اصلا الشعر بوادي وانا بوادي

كل ما اكتب بيت امووووووت من الضحك هههههه

ما اتخيل اني اكتب قصيده هههههههه

عبدالله يعلم الله اني اغليك ولي الفخر في ذلك

انا اللي لي الفخر

ويعلم الله انك لك قدر بصدري

وشاكر مرورك الجميل يا احمد جميل هههههههه

وتقلد تحيتي[/align]

**الشبث** · 10-09-2005 08:57

[align=center]

تطالب بتمديد المده على شان هالسؤالين

هذا ولياهالحين شنقل ماسعلك

اقتباس:
تكفى يالمخاوي ترن مت من الردود ههههههههههههههههههههه
وبعد ودي ارد على كيفي

هذا بلى ابوك ياعقاب لو نخليك على كيفك نجلس شهر ماسكت

باقي على المده يومين و30 دقيقه فقط لاغير

المخاوي

ياخي مدد الوقت تكفى

ياخي شنقل للحين ما جاء هو وابو ثوب

لااااااااا

والمطنوخ يبي يرجع يعني كليت هواء

وفيه ناس واجد ماجت للحين

يعني بالله مدد الوقت

ياخي والله لو اني اخطب منك تسان مبطي موافق

بساااااع

ارحم حاااااااااااااااااااااااالي

وتقلد تحيتي[/align]

**الشبث** · 10-09-2005 08:59

[align=center]

أنا أوعدك وعد إني أجيك
خلال الــ 30 يوم القادمة
لكن لاتعلم أحد

وبتنصدم إذا شفتني

الله يبشرك بالخير

والله بتنور الرياض

وخلاص ماني معلم احد ابد

وتقلد تحيتي[/align]

**الشبث** · 10-09-2005 09:02

[align=center]

الشبث والله ماعندي اسئله
لكن كلمة حق
للامانه انا يامني شفت اسمك حدر الموضوع
والله ادخلوه بدون تردد

يعطيك العافيه على هالمواضيع
وبانتظار المزيد انشالله
الله يوفقك والى الامام

هلا بأخوي الغالي مشعل

وتسلم على هالكلام اللي بيبقى تاج على راسي

ولي الشرف انك تقراء مواضيعي

واتمنى اني اكتب اللي فيه فايده

واللي يستحق انكم تقرونه

وكلامك هذا بيخليني اتحمس اكثر للمواضيع الجايه

وفيه كذا موضوع كن بنزلهم هاليومين بس برجع اراجعهم ههههههه

وتسلم يالغالي على مرورك

وتقلد تحيتي[/align]

**أريام** · 10-09-2005 10:58

[align=center]الله يعطيك العافيه اخوي المخاوي على استضافتك الفيلسوف: ا لشبث

عندي اسئله لوسمحت اخوي عبدالله (والله ارحم من الشبث)هههه

دبلوم ادارة مواد من معهد الاداره العامه بالرياض

س 1: أشرحلي عن ذا التخصص اذا مافيها ازعاج .لاني احب اعرف الشى الكثير عن التخصصات؟

س 2: الشبث هو نفس العنكبوت. لاني والله معمري شفته الافى توقيعك ؟

س 3: يوم انك مدور وظيفه ليه ؟

اتمنى المدة مخلصت لكي تجاوب على اسئلتي

واخيرا ادعو الله انه يوفقك فى الدنيا والاخرة [/align]