(( استضافة عضو )) 3 !!!

**روح أبـــوهــــا** · 08-09-2005 18:53

[align=center]<<<تمووووت بالاستجوووووووووواب

عندي كم من سؤال طرى على باللي الحين

حكمتك في الحياة ؟؟؟؟
بمن تأثرت او من أثر فيك بالحياة ؟؟؟
مقلب أنت لاعب فيه على أحد وماهو أول مقلب ينلعب فيه عليك ؟؟؟

أول راتب لك من تعبك وش سويت فيه ؟؟؟
أول موقف محرج يصير لك مع بنت ؟؟؟
وش تسوي اول ماتقوم من النوم ((( مو تقول اغسل وجهي والا اصلي والا افطر او اروح الدووام او ... او ... بدون جواب دبلوماسي )))

هذا اللي على باللي حاليا
واذا فيه شي طرى على باللي برجع

تقبلوا تحيااتي
روح أبـــوهــــا[/align]

**عيون السروق** · 08-09-2005 23:00

[align=center]الله يعطيك العافيه اخوي المخاوي على استضافتك لعضو لو جبت من كل قيعان الارض كلمات ماوفيتوه

حقوه ،،

انا عضو جديد على هذي المضايف ،، بس قديم بمعرفتكم ،،

اخوي نافع بن طواله بس يهذري بكم ،، حتى مرات من المره وهو نيم عندي بالمخيم ،،

عاد انتم تخبرون نومي ( وانت متى شفتهم عشان يخبرون نومك )

نوم ذيب عين مسكره والثانيه بعد مسكره ،،

وهو يغدي لوه ضحك وهو نيم ،، وانا اقمز من فراشي واجيب الماء احسبوه شرق ،،

ويوم شفت انوه مابوه شين طلع يحلم وانا اقعد عاد اتسمع لكلاموه غدينن اسمعوه يقول اسم

اموه ،، ( ذبحتن الشفاية )

مار ماش ماجت يامهنا على ماتمنى ،، ويوم خذيت شوين اثاري الرجال يحتسي سالفتوه اللي

قايله لي امس العصر عنكم وعن المخيم اللي انتم تجمعتوا بوه ،،

الوكاد وانا ارجع لفراشي وانام ،،

ادري غثيتكم بس حبيت اتكلم من خلال هذا الموضوع عن حبي لاهل المضايف كلن باسموه ،،

واخص بالذكر اخوي الشبث لانه هو الضيف الحين ،،

اخوي الشبث الله يعطيك العافيه وفرصة سعيدة اني احاتسيك لو بكتابتي ،،

الاخوان كفوا ووفوا بالاسئله وماخلولي مجال للاسئله ،،

واتمنى اني ماثقلت عليكم ،،

ودمتم ،،،،،،،،،،،[/align]

**المخاوي** · 09-09-2005 00:23

[align=center]
شنقل
المسافر
خالد فراج الشمري
المطنوخ
كلي بكم إعجاب
الزقروطي-
روح أبـــوهــــا
عيون السروق

^
^

حياكم الله

والضيف ضيفكم وانتم المعازيب فلاتبخلون عليه بشي

عيون السروق

ياهلا بك وبابو هدلاء
وابو هدلاء كلوه بركه اللي جابك عندنا ونتشرف بمعرفتك
ومدام ان عندك مخيم ومسموحن بوه النوم هلا وغلا
وعسى بعد فيه حليب خلفات تعوضن على اللي انت قطعتن منوه يوم نوى متفاائل يرسله لي

[/align]

**احمد الهاجرى** · 09-09-2005 00:45

[align=center]

الف شكر للشيخ المخاوي على استضافه الفيلسوف شبيثان افندم

سوعال 1 ماهي امنيتك في الحياه؟

سوعال 2 تسم مره اخذت علقه ساخنه ؟( الله من ثقافه الصبي الهاجري بليه)

سوعال3 تسم عدد ايام السنه اذا طرحنا منها سبعه وثلاثه ارباع وزدنا عليها سبعه عشر وضربناها

في تسعه وقسمناها على واحد وعشرون ؟

هذا ولنا رجعه( راعي طويله)

تحياتي[/align]

**سلطان الشمري** · 09-09-2005 00:47

[align=center]طاااااااااااااط

الشبث هون تؤبش البي ما اطيبك ..

الشبث عبدالله / ابي انشدك ليه ياقليل الفود انت بك صفةالقطاعه

ثاني نشده :

وش حكايةتقلدوا تحياتي ؟؟؟؟؟؟

بعدين انا قريت لك كم قصيده بأحد منتديات النت ليه ماتنشر بالمضايف؟؟؟

<<تحس انه تشذوب بس ماعليه جاوب وانت ساكت <<<حلوه ساكت

اخيرا

عبدالله يعلم الله اني اغليك ولي الفخر في ذلك

اخوك[/align]

**الشبث** · 09-09-2005 03:41

قبل ما ارد انا اطالب الاخ المخاوي انوه يزيد المده

علشان اعرف ارد على الجميع

وياليت تكون اسبوع

[align=center]تكفى يالمخاوي ترن مت من الردود ههههههههههههههههههههه

وبعد ودي ارد على كيفي

لاني هاليومين يالله اجلس على النت ساعه

السلام عليكم ورحمة الله وبركاته

احببنا السلام على اخونا الفاضل الشبث ونتمنى اننا نشوفه بأكثر

من مضيف ...والله يوفقك دنيا واخره

اخوك خالد

وعليك السلام اخوي خالد

وحياك الله

وجزاك عني الف خير

ان شاء الله يا اخوي خالد بكون في جميع المضايف

مع اني فيه بعضهن ما اعرف بوه شي

مثل المضايف الشعريه

تخبر ما اعرف بالقصيد

واخاف ارد على قصيده ويتولجوني بقصيدتن قشرى هههههه

الف شكر اخوي خالد على مرورك ولي الشرف اني عرفتك

وتقلد تحيتي[/align]

**المخاوي** · 09-09-2005 03:53

[align=center]
^
^
^

تطالب بتمديد المده على شان هالسؤالين

هذا ولياهالحين شنقل ماسعلك

تكفى يالمخاوي ترن مت من الردود ههههههههههههههههههههه
وبعد ودي ارد على كيفي

هذا بلى ابوك ياعقاب لو نخليك على كيفك نجلس شهر ماسكت

باقي على المده يومين و30 دقيقه فقط لاغير

[/align]

**الشبث** · 09-09-2005 03:58

[align=center]

كويسن 1) وشسالفة التوقيع؟

هالتوقيع من اختي الكريمه ريم شمر

كويسشن 2) ليه غيرت اسم احد افراد الاسره الحاكمه؟؟

بكيفي عجبني عبودي هههههههههههههه

وبعدين ماسنري ولا ماسجرك

كويسشن 3)ليه انكسر صبعك يوم مباراة الهلال؟وهل صحيح ان هالعبند كمخوك<<على ذمة شنقل وهو انقذك

نعم صحيح

بس شنقل مافكني

بالعكس فرك وخلاني ههههههههه

كويسشن 4)مادام انك هاب ريح بالسامري والعرضه ويقولون انك تنطنخ ليا رحت للعروس .... ليه ماتكتب اللي تحفظه من سامريات عند راعي الوقيد؟؟<<يبي يقبعه بي

لانهن كلهن مكتوبات

وفيه بعضهن مايسوى اني اكتبوه

كويسشن 5)بما ان صورتك عندي وش راح تسوي لو احطها بتوقيعي؟

عادي ماراح اسوي شي

بس انت وش تسوي لو احط كل اللي وريتني بماسنجرك هنا هههههه

لاني ذهين وادري انك خاين فلازم امسك عليك ممسك هههههههه

كويسشن 6)هل صحيح ان توقيعك مسويه شنقل على حسب كلامه؟

غير صحيح وانا قلت ان هالتوقيع هديه من اختي ريم شمر

وهالادمي تروه تسذووووب ههههههههههههههه

كويسشن 7)هل صحيح انك خلال شهر حضرت 19 عرس؟؟

غير صحح

كويسشن 8)تحبني؟؟

تعقب

كويسشن 9)بما انك عضو قدير بالفله ولك بصمه واضحه...ليش ماتحاول تنصح بعض الاعضاء الجدد خصوصا اذا كانت مواضيعهم لا ترقى للمستوى المطلوب...الا ترى انه يقع على عاتقك مسؤوليه الارشاد؟

ياخي ترهم افهم مني

ومافيه احد منزه

وكلن له وجهت نظر

فيه ناس يشوفون مواضيع الشبث زينه وفيه ناس لا ماتعجبهم

والاخوان الجدد بس يبيلهم انهم يصبرون لين يتعرفون على اخوانهم

اما من ناحية مواضيعهم فانا اشوف انها ازين من بدايتي هنا

وازين مني هالحين

والله يوفق الجميع

اخير كويسشن)مارأيك حول موضوع المجاملات بمواضيع الفله
يعني مثلا موضوع لا يرقى للمستوى المعهود بالفله وتكون الردود مجاملات؟
هل ترى ان هالشي سلبي على الكاتب او تشجيع له؟

بالعكس انا ( واعوذ بالله من كلمة انا ) اشوف اننا لازم نجامل الاخوان

اللي مجتهدين

واللي يتعبون بكتابتهم

اما اذا كنا قاسين عليهم بالردود او مانرد عليهم فهذا تحطيم

ويمكن يتركون المضايف لهالسبب

وحنا مانبي احد يروح مننا

ولي عودة بتسعين سؤال ههههههههههه ثلالث ايام والله لا اطلعهن من عويناتك

اذلف الله ياخذ نص وجهك هههههههه ذبحتني

وتقلد تحيتي[/align]

**الشبث** · 09-09-2005 04:01

[align=center]

((( هل كنت تكتب قبل النت ؟؟ ))

وهل تكتب في منتديات اخرى ؟؟

ايه نعم اختي كلي بكم اعجاب كنت اكتب قبل النت

وعندي دفاتر

بس مانشرت اي شي منهم

كتبت في منتدى واحد بس لكن الحين ما اكتب الا هنا

وشاكر مرورتس الطيب

وتقلدي تحيتي [/align]

**الـمـحـروووم** · 09-09-2005 23:26

ألفألف شكر لأخوي المخاوي

شبيثاااان
حبيت أسلٌم عليك

وبما إنك تود مقابلتي

أنا أوعدك وعد إني أجيك
خلال الــ 30 يوم القادمة
لكن لاتعلم أحد

وبتنصدم إذا شفتني
ليش

مدري