[align=center].. نسير في هذا الطريق المجهول ..
لانعلم ماتخفي لنا اقدارنا ..
ربما كان القدر جميلاً وربما العكس ولكن يبقى جهلنا به رحمة من الله لنا...[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
على درب العمر نمشي ..و نقطع سكة الأقــدار= وكلٍ لاهي بعمره ويجهل وش مقـاديــره
و لا ندري متى نوقف متى يقضى غثا المشوار=متى الواحد بنا يعرف متى تخلص مشـاويره
نحاول نتبع الحاضر وننسـى كل شـيٍ صـار=نحاول نترك الماضي بشره كان او خيــره
ونمضي نعيش دنيانا ...أحد راضي وأحد محتار=ولكن كلنا لله ... تحت شوره وتـدبيـره
وأنا في طبعي إنسانه وقلبي بالهوى قد سـار=وروحي جربت تعشـق ..وقلبي جرب الغيــرة
أنا حطيت في بالي بأن الحب ماهو ضار=ولكن حبي بذاتـه عمـى قلبي بأسـاطيره
وقمت أعشق بكل مابي نسيت إن الزمن غـدار=هويته إيه وبقلبي .. هويت إسمـه وتصويـره
هويته ومن هواه الحين أنا في داخلي هالنــار=وهو ماحس في ناري ولا أشغل يوم تفكيـره
أنا إنسانه و هيمانه .. ولكن ما عرفت تختـار=وهامت ، وعشقت،حبَّت بلا فيزه وتأشيـرة
وفي الآخر لي الخالق.. هو القادر هو الغــفـار=ومخلوقه لو أشكي له بصير بعينه صغيــــرة
ألا يالله يا واحد .. تجنبني الردى والعـار=تجنبي طريق الشر ، و ترزق حظــي الخيرة[/poem]
[align=center]أشـــواق الســـالم[/align]
رد مع اقتباس
المفضلات