(( رزقه على ماقال بندر : على أمه ))..!!

**فيصل بن طواله** · 03-09-2005 03:05

هلابك اكثر يابوخليف

وصح بدنك ياالغالي

واكبر الغنايم التواصل معكم

لاعدمتك ..

تسلم ولايسلم ردي العزايم,,,

تحياتي لك ...

**أم نــــــــــواف** · 03-09-2005 14:12

[align=center]

اخوي الشاعر الكبير قدرا في قلوبنا

فيصل الطواله

صح لسانك وسلم بنــــانك

قصيدة من العيار الثقيـــــل وماهي بغريبه عليك

ماشاء الله

يسعدنا تواجدك بيننا من جديد

شكرا لك[/align]

**عبدالمحسن الشاهر** · 03-09-2005 20:56

ما شاء الله تبارك الله يا فيصل الطواله

والله وربي وخالق الكون كله لو تنكتب القصائد من ذهب لستحقت قصيدتك أن تكون أول قصيدة تكتب وتبروز ببرواز من ذهب

ما شاء الله ما شاء الله تبارك الله دائما مبدع و من روعة القصيدة خليتنا نحفضها عن غيب

يا شيخ هذا الشعر وإلا بلا

يضيق في هـذا الزمـن (( يابـن عيـاش ))
...................................من كان حظه \\ طير ,, والصيد \\ همه ..!!
ويعيش فيه الميـت ,, ويمـوت مـن عـاش
...................................وقـتٍ بـه الاقــدام صــارت أعـمّـه.. وصف حقيقي لحال اليوم
صرنا (( لباشات الزمـن )) مثـل الأوبـاش
...................................مــع إنـنـا (( تـريـاق آدم وسـمــه ))

بعض أغنيانا (( لاش إبـن لاش إبـن لاش ))
...................................رزقه علـى ماقـال بنـدر : علـى أمـه..!! توضيف معنى بطريقه رائعه
ماينجـي الغرقـان (( ياخالـد )) اقـشـاش
...................................والميت .. ماله ثـار \\ فـي بطـن يمـه..!؟ إبداع

لولا (( الستر )) ماشفتنا .. نلبـس \\ قمـاش
...................................ولولا \\ المذاهـب ,, ماتبعنـا .. الأئِمّـه..!! ....هنا انا عاجز عن التعبير
(( وصقـر الحبـاري )) مايقرنَـس لخفـاش
...................................(( والعود الأزرق )) كلبونـا .. نشمـه..... يالعنبو الوصف يا فيصل

الوقت \\ صادق (( وأكثر النـاس )) غشـاش
...................................والصـادق \\ اللـي مالـه اليـوم ذمـه..؟؟ فعلا الوقت ما تغير
والأجودي \\ لاصار (( عظمٍ بلا عـراش ))
...................................ماينبغـى حتـى مـن \\ عيـال عـمـه..!! ....والله انك صادق
وحظـي أنـا مثـل (( المربّـط )) إلياهـاش
...................................لـه فزعـةٍ ماتاصـل \\ أطـراف كمـه..!.. صوره ولا اروع
هـذي (( ثلاثينـي )) تعدتـنـي اعـطـاش
...................................أسمع (( بجـم البيـر )) ماذقـت جمـه..!!
أنداش وأصحي ,, وأصحي أحيان ,, وانداش
...................................وأمشـي بـلا يِمـه .. علـى كـل يِمـه..!! فن التلاعب بالكلمات والمعاني

مرات أقول : إن (( لمّت أحبابي )) اطشـاش
...................................ومرات أقول : (( اطشاش الأحباب )) لمه..!!
تعبت أصير (( لشـوك الأحـزان )) منقـاش
...................................مليـت أكـون (( لهـدة الحيـل )) هِـمـه.. من لامس هذا المعني على الواقع

نصفي \\ مطمه .. ونصفي الثاني \\ ارشـاش
...................................يعني على بعضي (( ارشاشـي \\ مطمـه ))
أهتـز يمكـن ,, المهـم \\ رابـط الـجـاش
...................................أطيح ,, لكـن .. آقـف (( بـراس قمـه )) .......... وربي قمــــــة

يحرم علي .. عن (( وقفة الحق )) ماأنحـاش
...................................ولاأدنـق بــراسٍ .. كتـوفـي تـزمـه.. كفو والله من أهلها
وغطاي (( ستر الله )) إذا .. عيبي \\ فـراش
...................................والناقـص .. إليامـن مدحنـي \\ مذمـه..!!
ماكـل رجــلٍ يقـبـل الخـشـم يـنّـاش
...................................ولاكــل (( زلات الأوادم )) مـهـمـه..!؟ حقيقة
ولاكل من (( سولف بالاعـراض )) حشـاش
...................................ولاكـل ماقيـل (( بقفـا النـاس )) نِمـه..!؟ حكمة
والشاعر .. إلياجاك (( شاعر على مـاش ))
...................................(( قِرشع بحر )) يجيـه مـوجٍ .. يطمـه..!!

وتبينا ما نحفضها يا فيصل كلام كله معاني وحكم وجواهر مستحيل نتركك تنفرد فيها

ختاما تسلم وصح لسانك ألف

**أطلال** · 04-09-2005 01:23

الشاعر العلم .. فيصل الطواله

قصيده فيها من الجزاله مايحرر دروس خالده للشعر ذاته ..

.
.

قمــــــــــــــــــه .. تزدان بها القمم ..

لي شرف المرور ..

والتعلم ..

والحفظ لي .. وللتاريخ ..

.
.

أختك .. أطـــــــلال

**الاصمعي** · 04-09-2005 10:39

[align=center]

المشاركة الأصلية كتبت بواسطة الدهور

[align=center]
أول ما خطر لي أن أقرأ حين رأيت بريق اسمك في الصفحة
هو تاريخ المشاركة ،، فلعلها قديمة مرفوووعه ..!!!
[/align]

كما قالت الأخت/الدهور

الشاعر القدير والأخ الكريم/فيصل الطوالة

ألف أهلاً وسهلاً بهذه الإطلالة الجميلة وهذه الزيارة الغالية على نفوس كل متذوق للشعر الجميل والمعاني السامية,,

فيصل ما هذا البخل على هذا الصرح الذي كان له الفضل علينا بتذوق أجزل الشعر من قريحة المبدع فيصل الطوالة,,

فيصل الطوالة الشاعر الذي أُعجبت بشعره أيما إعجاب من الأيام الأولى لي بهذه المضايف,,

الشاعر الذي يقول ما أريد قوله من خلال القضايا التي يتطرق لها,,

السمي أتمنى أن أقرأ لك من فترة لأخرى أمثال هذه الباسقة

صح لسانك ودمت شامخاً وحريصاً على معانقة السحاب باستمرار[/align]

**فيصل بن طواله** · 05-09-2005 02:19

هلابك أكثر ياالدهور

ومرحبا ,,,

وعزاي ان حضوري بينكم

يشفع لي غيابي ..

شكرا على هذا المرور العطر

وصح بدنك ياالدهور.

تحياتي لك ,,,

**فيصل بن طواله** · 05-09-2005 02:22

صح بدنك ياسنجار

وهلا وغلا يابعدي

والله لايهينك على هذا

المرور الغالي .. ياالغالي.

وعساني عند حسن الظن .

تحياتي لك .

**المخاوي** · 05-09-2005 02:53

[align=center]
حيا الله البناخي

ياهلا والله بشاعرنا

فيصل الطواله

صح لسانك مليووووون

كم نحن متشوقين لهذا الابداع وهذه المعاني الشامخه بشموخ راعيها

ارجوا ان لاتحرمنا من وجودك

[/align]

**فيصل بن طواله** · 05-09-2005 17:46

صح بدنك يامجاهد الوقت

وهلا بك ومرحبا

والفخر لي ياالغالي باالتواجد بينكم

والتواصل معكم لاعدمتك ..

ولاهنت على هذا المرور الغالي

وهذا الحضور يابعدي ..

تحياتي لك ...