[align=center]اخواني واخواتي السلام عليكم ورحمة الله وبركاته
اليكم هذه القصه والقصائد اللي معها وهي من قصصص جديع بن قبلان
من قصص الشيخ الفارس جديع بن قبلان الملحم احد مشايخ عشيرة الحسنه من عنزه قصته مع رزيق القبيسي من القبيسه من الفضول ومعروف ان القبيسه عشيرة متحضره ومن تجار الباديه وكان رزيق شاب وسيم وشاعر فباع اقمشه على جماعة جديع وكان بيعه دين وبعد ان حل وفاء دينه حضر وشاهده جديع وهو يتنقل من بيت الى بيت وكان يلفت النظر بوسامته ففكر جديع ان رزيق له مقصد ثاني وجديع لا يعلم انه قبيسي وانه تاجر اقمشة فارسل من يحضره وعندما حضر الى مجلس الشيخ جديع وجه له هذه الابيات بعد ان ساله عن اسمه واخبره ان اسمه رزيق فقال جديع :[/align][poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يارزيق مالك صالح بالتواقيف=رجلك عن السجات قلل خطاها
اقلط بديوان به البن والكيف=تطيب نفسك عن بلاوي غثاها
ندرا عليك من الرجال المزاهيف=جهال ما تصبر قريب مداها
يارزيق كانك ضيف لك حشمة الضيف=وان كان لك حاجه علينا قضاها[/poem]
[align=center]فاجابه رزيق بهذه الابيات موضحا تنقله بين البيوت فقال رزيق :[/align]
[poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ياجديع ليه صالح بالتواقيف=ديوني على العربان قرب وفاها
يا جديع ما نمشي على العيب والحيف=وعن الردى رجلي بعيد نحاها
يا ما عنينا ثم عدنا مناكيف=ربعك غدت بحقوقنا من عياها
والا انت شيخ للرفاقه تقل ريف=تعطي الكحيله ما تدور نماها[/poem]
[align=center]وبعد ان سمع جديع بن قبلان جواب رزيق القبيسي وفهم مقصده اردف بهذه الابيات يقول:[/align]
[poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا رزيق لك عندي معونه وتبريع=نعطيك جزل الحق من دون نقصان
انا كفيل اللي عن الحق ما يطيع=يدي لك المطلوب لو كان زعلان
ومن لا اعطاك الحق يحتاج تسنيع=ما ترتحل من ربعنا غير رضيان
ناسم عصاك ولا تجيك الطماميع=والوسم عندك للرجاجيل نيشان
وان جاك عايل قل انا ضيف لجديع=واللي يطولك طايل قل ولد قبلان
هاك الجمل يا جديع من دون ترجيع=وجتك الكحيله قد لها قود بارسان[/poem]
[align=center]وبعد ان اعطاه جمل وفرس رد رزيق على جديع وقد قبل الجمل وحلف عن اخذ الفرس فقال :[/align]
[poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا جديع مقبول الجمل منك يا جديع=اما الكحيله حارمه يا بن قبللان
تنطح عليها لابسين المدارييع=الى اختلط عج السبايا ودخان
لا لحت فوق مكاظمات المصاريع=وصار المعابس بالقنا وابيض الزان
وتوايقن بيض العذارى مفاريع=يرجن طلب مفازعكم يابن نبهان
يا جديع لك فوق الكحيله مفازيع=تفرح ضمير اللي من الغلب طنيان
انا لزومي طلبت الربح بالبيع=وانتم طلبكم جيب زينات الالبان[/poem]
[align=center]وقد وسم عصاه جديع بن قبلان دلاله على انه في حمايته وارغم ديايينه على الوفاء بدينه وهكذا شيم رجال الباديه ....
واسوق لجديع قصه اخرى من نوادر القصص وهي ان جديع بن قبلان صديق للشيخ نمر بن عدوان امير احد عشائر البلقا وكانت لنمر زوجه صالحه من عشيرة القضاه بني صخر وقد انجبت منه ابنه عقاب ولها مواقف عظيمه مع زوجها ولكن القدر اسرع في اختطافها وهي في عز الشباب متحولت حياة نمر الى جحيم لا يطاق بسبب وفاة زوجته الباره وساعده بالشدائد والملمات فقال بها العديد من شعر المراثي حتى صار مضرب المثل وكان الشيخ جديع بن قبلان من اصدقاء نمر الذين يلجأ لهم في حالة العسر فوجه قصيده يشكي بها على جديع .
وبعد ان وصلت القصيده الى جديع رد على نمر وزوجه بنته حيث ابلغها ان اسمها الجديد (وضحى) لسبب ان نمر قيل انه لا يقبل الا الذي اسمها وضحى لعزة زوجته السابقة عنده وهذه القصيده لنمر بن عدوان يسند على جديع بن قبلان :[/align]
[poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا جديع انا قلبي من الوجد حارى=لا تلومني وتقول ان البكا عار
وسط الحشا يا جديع كن شب نارى=والموت عده طالب عندنا ثار
من دمع عيني كن غدينا سكارى=الله يجازي داير الدور غدار
وضحا شفاتي بين كل العذارى=ياسين يم عقاب ترحل عن الدار
سار القلم يا عقاب بالحبر سارى=بمزيزف القرطاس يا مهجتي سار
سار القلم لبو نهود صغارى=يا عين حر ينثر الريش لاطار
اكتب جواب مثل قطف الثمارى=من قيل ابن عدوان نظم لي اسطار
في ضامري كنه مواقيد نارى=يا نيرة النمرود تشبه لها النار
لكن ينهش بي غليث السعارى=والحال مني تقل يبراه نجار
على وليف شفت منه الدمارى=غديت من فقده وحيد ومحتار
يا عقاب من فقده عيوني سهارى=لكن فيها ذر شب و جنزار
اهرف هريف الذيب ليل ونهارى=واعول عويل الخلج حنن على حوار
على عشير بالترايب توارى=وغديت مثل مدوره راح دوار
وحيات عازل غلسها والغتارى=الواحد اللي علما سر الاسرار
ما قلتها كذب ولا هو قمارى=شفت الحبيب بغيبة النوم واندار
انا نظرته يوم طش الجمارى=يطوف بالكعبه وللبيت زوار
لو تجتمع سود المقانع جهارى=من نجد ليا البلقا اليا ديار سنجار
من البصره الفيحاء اليا قندهارى=لو تجتمع عفر البني دار ما دار
لو جن بنات البدو صف تبارى=على الحنايا دللن كل خوار
ولو جن بنات الحضر مثل المهارى=سطر الذهب برقابهن تقل نوار
لو جن بنات صليب فوق الشهارى=لمحلا بشفيهن دق الاوبار
ولو جن بنات الترك هن والنصارى=والهند واللي ساكن كل الامصار
ولو جن ضحي العيد وسط النهارى=وقالو لنا يا نمر قم طب واختار
ماخذ سوى مظنون عيني خيارى=الجادل اللي فر قلبي معه طار
وحيات مجرى فلكها له مسارى=منجي سفينة نوح من غب الابحار
لو تجتمع يا عقاب كل العذارى=من غير وضحى مالك الله نختار
خلي حسين الدل عدل المسارى=راعي ثليل فوق الامتان نثار
عنق الغزال اللي تقود العفارى=قايد خشوف الريم في دو الاقفار
يا غصن موز تحته المي حارى=في وسط بستان دنت فيه الاثمار
فيها خصال من الفضايل كثارى=ومسايل فيها التفاكير تحتار
قلت اه واويلاه ذقت المرارى=من مي زقوم جرعته له امرار
من فقد مسلوب الحشا يوم سارى=غرواً جبينه ساطع مثل الانوار
ياليتني لو ينرجع بالمشارى=دونه نبيع الروح والملح زجار
لكن جاه الموت ما به مدارى=اخذ عشيري واودع القلب محتار
ولولا ضلوعي فر قلبي وطارى=لكن ينشر ثومة القلب منشار
ريحت جسدها مثل ريحت البهارى=وغر ثمان صويحبي تقل محار
من لامني به ثور ولا حمارى=والثور النك قلت له دور يندار
وصلاة ربي عد نبت القفارى=على الرسول اللي قهر كل جبار[/poem]
[align=center]فكان جواب جديع بن قبلان :[/align]
[poem=font="Times New Roman,4,skyblue,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
علما لفاني مثل قدح الشرارى=باقصى الضماير صرت حاير ومحتار
يا نمر لا عود هذاك النهارى=اللي إلي غدا بصويحبك سر وجهار
مالوم دمعك لو تدفق انهارى=ولا الوم قلبك تالي الليل لو طار
اصبر على تصريف رب القدارى=الحكم حكم الله ينفذ اليا صار
يا نمر ابن عدوان يابن الامارى=شكيت لي شكواك واعطيك الاشوار
خلك رحل يالقرم والعين تارى=يا نمر ما للعبد حيله بالاقدار
والله ما الومك عيالك صغارى=وعلى الصحيب من الوفا تزعج اعيار
يا نمر يا ريف الضعوف الفقارى=دور بدال صويحبك ياذرى الجار
جبينها مثل الحرير يترارى=زولها صخيف وخدها تقل جمار
بنت الشيوخ معسفين المهارى=مثل القطامي ناض من كف صقار
خل البكا يا مسندي والكدارى=واصبر ومثلك راعي العزم صبار
يا نمر لو هي بالطلب والمثارى=ملزوم دون صويحبك نهدي الاعمار
لا شك نوقف دون رده حيارى=امر الولي ينفذ على كل الابشار
البيض فيهنمن بياض وحمارى=يزهن خلاخيل الذهب هي والاسوار
تلقا بهن جامع جمال اوقارى=ما دوجت بالسوق مع كل عطار
لا نالها مثلك يزيد افتخارى=وانت المخير بين جابر وكسار
احمل وجالك بالزمان اختبارى=اصبر على المقسوم لياك تنهار
الحر عادته يصيد الحبارى=البوم ينغط ملبد باوسط الغار
اقبل عزيز صاينه بالخدارى=ما خايلت بين الاخله بالانظار
سمي خلك عارف كل كارى=من محصنات ناجبينه لك خيار
شمى عفيفه ضاربه للمدارى=ما باح في غراتها كل غدار
خذها يالسنافي خزيزه قرارى=حلفت ما نطلب من المهر دينار
ترثت شيوخ ينطحون الوزارى=اهل سيوف ترمي الراس بتار
هذا مرامي وانت عطنا الخبارى=ومن يبذل المجهود مادار الاعذار
انت كنت عابد ما تريد السمارى=عوض عليك الله للذنب غفار
وان كان عندك بالمعاوز عسارى=حمل ذلولك لو نبي حمل قنطار
عيال وايل في جميع الديارى=من شرقي الغوطه اليا خشم سنار
نجمع دنانير الذهب والبكارى=كله لبو سلطاتن بالموقف الحار
خليتها يا نمر صيحت عزارى=ما غير وضحى من الغنادير ديار
واللي يلومك قلت كنه حمارى=والا تقول تشبهه مثل الاثوار
مالوم من ضيع عشيره وغارى=كلن على خله لك الله يغتار
لاشك الوم اللي جداه ايتطارى=ما شاف من يشبه عشيره ولا دار
عوايد الممحل يدور الخضارى=اخير ما يسكن على دمنت الدار
هذا جواب اللي تبرع وشارى=والله على يا مسندي كل ما صار
لنا على الجزلات يا نمر كارى=حنا هل الشيمه وحنا هل الكار
حنا لك الله ما نهاب الخسارى=عز الصديق اللي عليه الدهر جار
وصلوا على المبعوث دينه وجهارى=شفيع خلق الله عن واهج النار[/poem]
[align=center]اخوكم ومغليكم / راعي الطيب[/align]
رد مع اقتباس
المفضلات