السلام عليكم ورحمة الله وبركاته
هذه قصيدة للشاعر مرزوق بن عقيل الشيحي الشمري من أهالي توارن
وهذه القصيدة في عام 1416هـ عندما مر من عند محطة الموقدة على طريق جبة
وكان عند المحطة شبك به بعض الحيوانات ومن ضمنها (( الذئب)) وفي الجهة المقابلة
قرد وأولاده وكان يكشر في وجه الذئب (طبعاً من ورى الشبك)
فأسف شاعرنا لحال هذا الذئب وتذكر يوم ابن سعيّد يربط الخروف للذيب......
وقال هذه الأبيات.... آمل أن تحوز على رضاكم :
[poem=font="Simplified Arabic,5,orange,normal,normal" bkcolor="black" bkimage="" border="double,4,black" type=1 line=0 align=center use=ex num="0,black"]
ياذيب ياللي داخل الشبك مسجون
=وش قصتك ياذيب وشو خمالك
ياذيب هو جرمك على شان مديون
=والاعلى ياذيب عيشة عيالك
والا هل الأغنام منك يتشكون
=أوذيتهم بأحلام صورة خيالك
والقرد وعياله بوجهه يهبون
=يكشر بوجهك ويتهزأ قبالك
عطني جوابك يابن سرحان وشلون
=ياعل مافال الأجاويد فالك
جواب منهو بأوسط الشبك مرهون
=في حالة والفال ماهو لفالك
قوله سبب سجني على ظلم وظنون
=ماأنا على اللي ماتصور ببالك
أنا الذي سلمت نفسي وتدرون
=ياناشدن متى كلينا حلالك
رد الجواب لكان ياذيب مأمون
=ماتأكل الطليان وأنته لحالك
بالموقدة شفتك تغمض على غبون
=وهذا دليل أنه شهادة كمالك
والسجن ماطبه من الخلق مجنون
=السجن طبه من يفعل فعالك
والظيم مابه على المبتلي هون
=كم طيب يشكي بلاه وشكالك
رد الجواب أوصيك للي يمرون
=لايكثرون القول هذا نكالك
أنا الذي بلمت مار لاتخافون
=ياصاحبي عط الخبر من يسالك
أقفى زماني وأنت تدري بهاللون
=وابن سعيد لو سألته حكالك
عن قصة له القبايل يخبرون
=ربط عشاي بسهلة قال ذا لك
واليوم انا بجواركم دوم محزون
=من مرني يقول هذا الجزاء لك
أشكي لكم ياحفاد حاتم وتكفون
=مافيكم اللي قال عزي لحالك
ياذيب لاتضهد خفا كل مكنون
=حنا علينا مثل ماهو جرالك
ياذيب والله مالنا بقصتك شون
=حنا بحال وقصتك قد حالك[/poem]
مرزوق بن عقيل الشيحي الشمري
27/6/1416هـ
رد مع اقتباس
المفضلات