رجـعــنـــــــــا ... وتـيــســـنـــــــــا مـعـنـــــــــــــا ..!؟

[ابو ســـــيف]

[align=center]السلا111111م عليكم..


هذا ياطويلين العمر والسلامه اول موضوعن لي بمضيف الفله

بس بقدرة عزيزً مقتدر انه ماراح يكون الاخير...قولو امين..؟

به لووه سالفتن صارت لي بهالعطله يوم انا ادرس بالجامعه
ترم صيفي بدار القصمان..

السالفه بدت بهوشه "خنقه" مع واحدن من الدكاتره

وهي تخرب وتمسك معي غلط وسيدي احذف الترم...خربانه خربانه !!!

ذبحتن الغربه ...الناس عروس وسفريات وروحات وجيات
وانا تقل مسجونن عند هالقصمان...

متشفقن لحايل واهل حايل مابين عيوني الا طريدز حايل القصيم ..

وقبل لاامشي.. جاني واحدن من الشباب قصيمي
قال اليوم ناوين نطلع بلنا مخيمن يحبه قلبك..

قلت موفقينن خير ....

انا ماشي...وينهو بس طريدز حايل الله لايعوقن بشر...

وهو يقعد يحلف ويقطع من الاديان يالشمري الطلعه وناوينه ونبيها وداعيه ..!!

..وافقت ..

وتواعدنا اناوياوو العصر علشان نروح نجيب لنا خريف..ونطلع للشباب

مريته العصير.. وقلت وينهو سوق الغنم.؟؟

قال لالا به واحدن من الربع عنده غنم نبي نروح له..!! >>>>قلت اخس
يالقصمنجي ابوتس يالمصلحه.. مايبي فلوسه تروح لواحدن غريب..؟

طلعنا لقريبه..
ولقينا عنده خرفانن متهلسات ذابحهن الجوع<<<<الله والعالم من فطمهن
ماطب بطونهن شين..!؟

قال هاه يابوسيف وش رايك ايهن اللي يسوى..؟

قلت بقلبي هاه والله ابو سيف اخبره..!!

وانا وش يعرفن لهن...!!

اخبر الشايب لياجا يشتري يلمس الخروف مع ظهره... بس مادري وش سنعه..؟؟

ويوم سألته قال ..علشان الشحم ندور السمين..!

بس هالقصمنجي ماشاءالله عليه خرفانه كلهن مسوياتن رجيم لا وقاسي بعد..؟

على كلً اخبر واحدن من الخبول ...يقول اللمس الخروف مع ظهره..

اذا نز فأن ماعليه شحم ..لأنك تلمس العظم على طول وتوجعه..؟

واذا مانز فهو مربع لأن فيه شحوم بين يدك وبين عظامه..؟

>>>>خذ الحكمة من افواه الخبووول.؟؟

المهم مالقينا خريفن يفتح النفس..

قلت اقول شف شف هاك التويس ماهو كش وجه..؟

قال قدام..

ونزقحه بحوض الددسن...

وانا متحيزمن ابي اغصبه ياخذ الفلوس..

على بالي يبي يقول والله مايجنن ولا ريال لأنه يقرب لرفيقي..

وهو يجينا قال هذا والله تويسن حليل وعلشانكم انا بخليه بربع مية ريال..؟

والله وهي تخمن البوهه .... وما ادراك مالبوهه..!؟

وانا اقول لرفيقي مقولة شمر الشهيره "والله ماتحاسب"

ابو الشباب ماصدق خبر...!

والله وانا انقدهن ريال ريال..>>>الله لا يخسر

وحنا نطلع للشباب بلهم مخيمن يجيب المرض...>>>> قلت اويحي
وينكم ياهل حايل تشوفون هالبربسه اوووف

القهوه مايعرفونه والشاهي انسسس ..

كلن معه بايسن وبيده هوز شيشته...

والفنايل نص كم وقصات وحركات....!

ومايجلسون على النفود خايفينن على الجنز لا يتوسخ..!!

والله وهي تطري علي انشودة حامد الضبعان "شدو شباب القبيله"

http://www.anashed.net/audio/al_meqnas/shadow.ram

قلت بقلبي انا وش جابن عند هالـــ ....الا وضيقته !!!

المهم ..قلت مشينا نبي نذبح التيس ونجزره قبل الليل...

عاد انا بي لي عويدتن قشرا ..

الا وهي التيس ماعرف اذبحه لله....!!

بالعاده الذبيحه مايذبحه الا الشايب الله يخليه...اما بالجزر خذ رجل...

قلت ياشباب واحدن منكم يذتسي التيس وانا ابي اجزره..

والله وهم ينتافضوون تقل مقروصين...!!

قلت افااا حالتكم مثلي..

قال واحدن منهم اذا بغيت تذبحه علمن ابي اصد ما اقدر اشووف ...!!

قلت بالله لااجل انا حالتي متطوره شوي...

ياعيااال شوفوو الذبح انا مالي به ....انا جزار طباخ وين ماتبينن حطن الا ذباااح...!

انا اقول يالله ذتسوه وهم لله معيين

ابو الشباب التيس اول يتفلت وحالته حاله..

وشافنا كلن يقرطه على الثاني ...

قال بس بس هذولا ماعندهم ماعند جدتي..!

قلت مامن الا اغولوه يامايطلعن عيونووه...

ولا تسان نشنقه بلنا طلحه

المشكله حتى طلح ماعندهم ...!

تركت التيس ابيه يهرب ...

بس ابو الشباب شكله ينتمي لقبيله من قبايل القصيم.. وقف يطالع لي !!

اكزووه امش وهو لله معيي ..ياملعووون امش

ولله واقف ويراعيلي وبين مراعاة الناقد..

قلت انا اوريك ..
والله وانا اسحب الستسين...

مثل الزير يومنه يسحب السيف ايام ماكن يتسحوت جساس...!!

التيس شاف المووت بعينه وعلمه ..

شكله قال اخس..... خربه الخبل..؟؟

الهـجـه..

والله وهو يحط رجلوووه تقل ظبي..

وانا وراوووه مافيه .. بس انه سبيق ملعون ابو الرقبه والله
لو معي طير تسان هادوه عليه..

قلت ياعيال اللحقووه قال واحدن منهم اصبر ابي ارووح اجيب مفتاحي

قلت انثبر......... قُبحت من فتى..!!

والله انا اشلع ام عزيز وتسحتي انا والتيس

غرزت .. وضربت مطب وانشق الرديتر..

تركت السياره ولحقت التيس على رجليي...

ورااااه ياما مسكت قرنووه

الا ونعولي وحدتن بهذاك والثانيه بخبر كان...!!


واجيبه يم موتري الاوالماء تحته خباري..

والحراره اتش..!!!

لاحووول وانا امسك التيس قلت امش امش كعابي يمهم......

وصلتهم حافي ولساني يجر..

قلت اعطونن السكين والله يانا ابي اتلذذ بذبحته...

قالو لا لاخلاص..

وشي اللي خلاص...؟؟

قالو خلاص لاتذبحه...؟!

قلت ليش رحمتووه..!؟

قالو لا ........ طلبنا عشاء من المطعم.. !!

قلت والتيس قالو خلاص وشوله نذبحه العشاء هذا هو بالطريدق..

بالطريق ...؟؟

قلت اقول طريدز حايل وينهو بس...؟؟

انا قايلن انكم خرطي....خربته...!!؟

عبيت الرديتر وهو منشق وارتسب وويالله وصلن للنقل الجماعي..

واصفط الددتسن قلت انثبري الى اجلن غير مسمى..

واجي النقل الاويقولن فيه رحله بعد خمس ساعات لحايل..

قلت وشووو......... وش يصبرن خمس ساعات...!!

بعد خمس ساعات تلقانن اتبطح بحايل..

واطلع لخط حايل عند حدا هالمحطات..

ويوقف لي فلبيني على تريله..

يقول حايل حايل قلت ياشيخ قدااام

وارتسب بس انا وياوو ...

واعطيه سالفه وقصيده..

وهو يسولف لي سالفة يوم ان ربعه بالفلبين غزواً
على قبيلة "تشااي" وهم يذبحزن جداً له بهاكلغزوه !!

ويقول بيتينن مافهمت منهن الا تشاااي..

وسالفتن بذنب سالفه....

الاوهذي حايل و1111111111111111و

قلت اه اه اه الاوزين ريحتس

قال القصيم كويس مافي يرجع كصيم بعدين..قلت لا لا..

ياشيخ انخم بيدي ان عتبت حايل..

اثريه ملعون ابو الغارب يبي يتكسب من وراي..

والله وانا انزل بحايل .. وانا اقوول هاك البيتين..
اصف معاناتي..... [/align]


[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ديرة القصمان جيت لافي = لربعي واهل ديرتي حايل
ركبت سيارتي يالربع حافي = طارت بوهتي شفت الهوايل
يالعنبوحيك ماشيف كافي = تيس..شيشه..ونص كم الفنايل
صديق كلاص كصيم مافي = حايل ياصديق صيفً بها هايل[/poem]



[align=center]واسـتـرو .مــا واجـهــتـو..[/align].

[شريف روما]

ههههههههههههههههههههههههه
ابوســـــــــــــــــيف
ياملا العافية والله ونستن بهالسويلفة
ابتلشت مع هالشباب
وعزالله انك صادق بمقولة شمر الشهيرة
والله ماتدفع ... هههههههههههههههههه
دايمن توديني بداهية هالكلمة
واتحمل الحساب وانا اكون على شفى حفرة من التفليس اخر الشهر
لكن شسوي والله لازم احلف هههههههههههه
_____________
ابوسيف ناطرين سالفة ثانية
ومو أقل من هالسالفة
تحيااااااتي لك

[المخاوي]

[align=center]ابو ســـــيف

الله حيوه [/align]

هذا ياطويلين العمر والسلامه اول موضوعن لي بمضيف الفله
بس بقدرة عزيزً مقتدر انه ماراح يكون الاخير...قولو امين..؟

اَمين



واهلا وسهلا بك يابو سيف في ربوع الفله



حضور سريع ولي رجعه باذن الله

الصفحه يالله تمشي عندي مالقيت الا هالخط المزحوم




[/align]

[تعاليل]

ابـــــــــو سيــــــــف خيووو ....


لاعاااااااااااااادت من كشــــــــــــته مع هالقصمان .....
السياره ياعله فدوتن لك ...... والتيس ... بدلوه لك بغووووووووزي ...
وأطلع لحدى هالضلوع انت وشيبانك وحبايبك على ما قيـــــــــــــــل ....
وتـــــــــــــــــهنو بوه ... أغدي هالطلعه ... تسمح ذكريات القصيم ...












































الأوليـــــــــــن ما خلو شين ما قالوه ...

"" من طلـــــــــــــــــع من داروه .. قل مقداروه خيوووو ""
















ولا تحرمنا .. من هالسوالف الحلوه ...


تعاليل

[ابو ســـــيف]

[align=center]

ههههههههههههههههههههههههه
ابوســـــــــــــــــيف
ياملا العافية والله ونستن بهالسويلفة
ابتلشت مع هالشباب
وعزالله انك صادق بمقولة شمر الشهيرة
والله ماتدفع ... هههههههههههههههههه
دايمن توديني بداهية هالكلمة
واتحمل الحساب وانا اكون على شفى حفرة من التفليس اخر الشهر
لكن شسوي والله لازم احلف هههههههههههه
_____________
ابوسيف ناطرين سالفة ثانية
ومو أقل من هالسالفة
تحيااااااتي لك

الزقروطي... الله لايهينك يالغالي على هالترفيع..

وياخوك بوطبيع مايجوز عن طبعه..


ترى اثبتت الدراسات ان ثلاثة ارباع شعب شمر قاعدينن به من الناحيه الماديه...

والسبب ياخووك هالكلمه


كما اثبتت الدراسه ايضاً انه غالباً مايصاحب هالمقوله.. دقة الصدر...!!

فإذا دق شمري صدرووه خلاص ابشر بعزك.......!؟؟



مشكور ياوخيي على المرور والتشريف بالرد الجميل.... لاهنت[/align]

[ابو ســـــيف]

[align=center]

[align=center]ابو ســـــيف

الله حيوه [/align]






الله يحييك...


يالربع هذا ماهو تسنه زول المخاوي...!!

اي والله هذا زوله شف شف عصاه... ياحبيبي

.. جاين من النياق.... ياعيال ابشرو بالحليب




اَمين






لاهنت






واهلا وسهلا بك يابو سيف في ربوع الفله





الله لايهينك والمحل محلي...






حضور سريع ولي رجعه باذن الله





الله يحييك... انت بس نزل الحليب .. والله يسهل عليك





الصفحه يالله تمشي عندي مالقيت الا هالخط المزحوم






ايو الله ياخووك وشبلاه..!؟

تهقى البلا من الخط....؟؟


بس مهي اول مرة اكتب بهالقلم.. وماعمره علق !!


اقول يالبناخي افزع لنا شف وش الدبره...

عادي لو اضطريت تغير الخط.. لك كامل الصلاحيات..



[/align]

اقول اذا نكست تنحنح...


اخبر الليد ينام بالمشب [/align]

[المخاوي]

[align=center]
ياولد احححححممم بوه احد بالمشب

وانا اقول لرفيقي مقولة شمر الشهيره "والله ماتحاسب"

كفو والله الا وشرايك تخاوينا نبي نطلع قيله



اجل على كامري شباب القبيله

واجيبه يم موتري الاوالماء تحته خباري..
والحراره اتش..!!!

وخسارة 400 ريال لا سلمنا ولاغدا الشر هههههههه


عز الله ماحصلت خير مع هالربع اخرتها مطعم



عسااااااك بس اخذت التيس معك لحايل



ابو ســـــيف

بدايه تنبئ عن وجود عضو مبدع ونجم لامع

ابشر بالحليب




[/align]

[الشبث]

[align=center]ياهلا وغلا باخونا الغالي ابو سيف

عزالله ان هالسالفه ممتازه


واللي ازين منه اللي كتبه




وان شاء الله مهي الاخيره

الله لا يخلينا منك ومن سوالفك







اخوي ابو سيف

كتبت وتميزت



وتقلد تحيتي[/align]

[ابو ســـــيف]

[align=center]

ابـــــــــو سيــــــــف خيووو ....


لاعاااااااااااااادت من كشــــــــــــته مع هالقصمان .....
السياره ياعله فدوتن لك ...... والتيس ... بدلوه لك بغووووووووزي ...
وأطلع لحدى هالضلوع انت وشيبانك وحبايبك على ما قيـــــــــــــــل ....
وتـــــــــــــــــهنو بوه ... أغدي هالطلعه ... تسمح ذكريات القصيم ...




[grade="FF0000 FF0000 FF0000 FF0000"]
بعدي والله يالسنافيه...

عز الله انتس جبتي دواي..


الله لايهينتس .. [/grade]


































الأوليـــــــــــن ما خلو شين ما قالوه ...

"" من طلـــــــــــــــــع من داروه .. قل مقداروه خيوووو ""






[grade="FF0000 FF0000 FF0000 FF0000"]عزالله انتس صدقتي...[/grade]







ولا تحرمنا .. من هالسوالف الحلوه ...



[grade="FF0000 FF0000 FF0000 FF0000"]

الله لايهنتس ....


وكل الشكر على المرور والرد اللي يطيب الخاطر..


لاهنتي يالذيبه [/grade]

[/align]

[ابو ســـــيف]

[align=center]

[align=center]
ياولد احححححممم بوه احد بالمشب




[grade="FFA500 FFA500 FFA500 FFA500"]اقـــلـــــــــــــــــــــــط ... ياللـــه حيوووه...[/grade]









كفو والله الا وشرايك تخاوينا نبي نطلع قيله









[grade="FFA500 FFA500 FFA500 FFA500 FFA500"]ياشيخ قد1111م ... انا شهد ان فلة الحجاج عندك وعند شرواك..[/grade]








اجل على كامري شباب القبيله








[grade="FFA500 FFA500 FFA500 FFA500"]ههههههههههههههههه

خله على ربك..


به له واحدن منهم معووه جيب ربع...

تاركه بالبيت وجايً مع واحد معووه جمس....!!


تخبر ..نغزته قلت وينهوو الجيب..!؟


قال والله بالبيت ..!؟


قلت افاا عسى ماشر...؟



قال لا لا بس دقيت على فلان وقلت له مرن بطريقك...!؟!؟


قلت اويحييي ياملا البلش ... هذا وقتووو يالمرووح... [/grade]











وخسارة 400 ريال لا سلمنا ولاغدا الشر هههههههه









[grade="FFA500 FFA500 FFA500 FFA500"]
ان تسان على الفلوس ... الله لايعيده..

بس بلاك بغثا البال... [/grade]









عز الله ماحصلت خير مع هالربع اخرتها مطعم









[grade="FFA500 FFA500 FFA500 FFA500"]هذي ياخووك اللي يقولون عنه.. القشه اللي كصمت ظهر البعير... [/grade]








عسااااااك بس اخذت التيس معك لحايل








[grade="FFA500 FFA500 FFA500 FFA500"]وش تيسوووه ... نعولي اعزك الله .. ماخذتهن

ولا التيس شرط انهم .. تاركينه بالنفود..


تجيه اللحين تلقاوو تيس بمواصفات غزال... [/grade]









ابو ســـــيف









[grade="FFA500 FFA500 FFA500 FFA500"]سم..[/grade]









بدايه تنبئ عن وجود عضو مبدع ونجم لامع







[grade="FFA500 FFA500 FFA500 FFA500"]ياخوووك العين .. ماتعلى على الحاجب..[/grade]








ابشر بالحليب







[grade="FFA500 FFA500 FFA500 FFA500"]
سنايدي يالذيب...


الا وش رايك تخلي الصميل عندي


ابدبغه لك

علشان يغدي لك اللبن طعمه بالراس [/grade]






[/align]

الله لايهينك ... على تشريف الموضوع بمرورك الرائع...

ولا يهينك على التعديل الجميل..[/align]