خط حايل الغردئه
[align=center] بسم الله الرحمن الرحيم
سلام يالاخوان والخوات
الا يالربع من عين ام اسمن طويل وزوجه المبجل مالهم حس لله مرمسين
وبعد ماقصينا التذاكر والبوردنق الله لايعيدوه (هز الميزانيه )
قلنا نتمشى بديار الاجداد ونتعرف على حايل اكثر والدليله فهيد وياهذى السمراء وياهذى المغواه وهالشعبان والبراد الله من زين الهواء وانا يامحاتسيكم مانى بهالسعوديه كله اكاهز نفسى عن دخلت مصر
وبرجعتنا للبيت افشيت سرى لفهيد وعلمتوه بخبر سفرتى لمصر اللى انا ناوى انهج يمه
واصر فهيد على الروحه معى (هالحين هذى النشبه وشلون الدبره وحل هالمشكله )واتفقت انا وياوه على انوه يلحقن تسنوه مسيرن علينا وهناك نضحك عليهم نبى نعرف فهيد على هالشمال كم يوم وتنحل هالمشكله (الله من الشطانه بهالروس )
امرحنا مدرى وشلون امرحنا ومن شقت النور وحنا نجهم اللى يصلح الدلال ومتعيصبين حى هالوجيه ويوم اصتكت هالشيبان عقب الصلاه وحنا نفاتحهم بموضوع سفرت فهيد يمنا كم يوم يغير جو واشوا وافقوا على انوه يسير علينا بالديره
وعلى الساعه عشر نهجت مع فهيد للمطار وبروحتنا للمطار ماسمعت الا فهيد يصيح هذا هو ملعون الجدف حشرناوه يالمغترب خلنا ندب بوه البقر
الوكاد جلغفناوه ياما مسكناوه ونزلناوه من سيارتوه ونقوم ندغوه لنا شوين وتجمع خلق الله (ياربى الناس تبى تصلى الجمعه وحنا ندغ خلق الله ) واشو انتهت بحمد وسلام وكلن راح بحالوه ونفزع للمطار وطيارتنا
راحت مشت وعيونى تتبعها
الوكاد حدنا الزمن على رحول الجماعه وحركنا من حايل حول المغرب وسواقنا بنقالى الله لايحلوه هالصلبى (تسيف مابو اخس منهم على وجه الارض )
ومن تعليمات ابو بنقل (صار لهم تعليمات هم ووجيههم ) محد يدخن (دخنت تسبدوه )ومشينا وخذيت لى غطه ولاصحيت الا بصقعه خشتى بالكرسى اللى دزدامىواستدنى البكت والولاعه واقبس الزقاره وبوجهى يموه الا حنا متناطحين بالمنصفه (منصفه الباص )ويزابد البنقالى ليه تدخن وانا اقمز بحلقوه الا انت يوم تاقف هاللون وليه لابوك لابو الكلب معك (تبون الحق ناويين اخجموه بس ركاب الباص حالوا بينى وبينوه ولزم ابو بنقل مايتحرك الباص الا بجيت امن الطرق
المهم جا امن الطرق وقال حلن لهالمشكله تنزل من الباص (بصراحه انا ماهمن النزول من الباص همى هالصرر اللى معى اشى نعناع حايل واشى حويل بقل واشى بسرن من الضلع ) غديت تقل من الاردنيين اللى يبسطون على الخطوط
نزلن امن الطرق بالمحطه وقمت اشر ويجيب ربك هكالاجودى ويشيلن معوه واقوم اسولف عليه وتصير صحبه الله وكيلك وانزل بتبوك ومنها الى ديرتى استعدادا للرحيل الى الجمهوريه
وصلنا الديره ولفانا البناخى فهيد (تخبرون ممهدين للرحله وتعريف فهيد بالشمال ) لملمنا اغراضنا مع صويلح الدليله وفايز المقرود وقصينا التذاكر على ماقالوا على الغردئه وغيبنا موترنا بضباء واتكلنا على الله
وهباه وحنا بمصر وعلى اكالبيجو وللقاهره حنا الاربعه وانواع النسيم بفايز لدرجت ان فهيد قال لوه وليه مستحى(يبى يشجعوه على الميانه والشطانه )
اسمع انا امون على السواق
رد عليه فويز لا
ويقوم فهيد ويلمعوه على العلباء (الله لايعيده )
وهى تثور ثائره سعاده البيه ويالله نقنعوه ان فهيد مريض وجايبينوه نعالجوه
اما فهيد استانس على هالسالفه وطول الخط واللى قداموه ملموع وعلباوه حمراء ماسلم حتى الدليله صويلح (اللى طنى هكالليله ولا مشانا بمصر )
مرينا برحلتنا بمواقف تشيب الراس منها
ليله وصلتنا لمصر مانمت انا وفهيد نبى نتمشى بمصر ياعله ماتعود الوكاد خذينا التكسى ولميدان رمسيس (مس ابو اللى هولوه الفقر )يامار امه لا اله الا الله مجتمعه وحنا نحول
يا بين هكالمزين (العالم اثريه تظاهر وحنا ماندرى وش السالفه )وهن يلتفتن لنا المزين ويقلن( ماتزعئوو ياجدعان )وهو يغدى لنا( نبنبه ك نبنبت التيس وقت الهداد )
وكل مال الصفوف اللى قدامنا تخف شوين ياما غدينا بالواجهه ومعهم حلونا وجيه ونهايط الله لايعيده ولايعيد ساعه الشر وشوى يوم جت جماعه الريس (انصاروه )وهى تقوم اللجه وشوى عينك ماتشوف الا الظلام (تقولون هالمصاريه اول ضربهم على العين ياما تغدى الدنيا سوادن فى سواد وعنده يسوون بك اللى يبون ولعنبوهم ضربهم يشلك شلل لساعات تصدقون يالربع (بعد مانتهو من ضربهم مابقى عندنا الاحاسه وحده من يحله لوه جايزه )
(نصيحه للى يسمع خلوكم بالسعوديه ودول الخليج لامظاهرات ولاشين الحمدلله هيف ورغيف )
وهذى مره كنا بمسرح ونتفرج (ماحنا مصدقين سعابيلنا تنقط وبينى وبين نفسى لو انقز عندهم واحوسه عليهم اغدي بوه منتج ويشوفن وهمن اصير ممثل مشهور والا لا وش ابى لاتصير زى رمسيس اركد لعنبو حيك
التفت الا فهيد مناشبوه وغد يشحذ ودابلن قاعه تسبد فهيد وانا اسحب الليد 00قلت تبى تفلوس قال الوغيد اه عاوز
قلت ادخل يدك فى جيبى والذى تجدوه فهو لك (قلبنا فصحى هاه مدرى )
مهو مصدق ادعس الليد يدوه بمخباى (هذى الاصليه )وانا اصيح حرامى حرامى وهى تجمع عليه السكورتيه بتوع الامن وهم يصفقوونوه ويسحبونوه معهم وحنا نكمل باقى المسرحيه
وابن عمى كلن شوين ملتفت يمى والله انك ذهين يالمغترب
انتهت المسرحيه ومرينا بتوع الامن وتركنا الليد يذهب فى حاله بعد ان اعطيناه المقسوم
ومره وهذى عجيبه بالحيل مره نتمشى على النيل وصويلح يشرح لنا عن مصر ويسولف مرينا على لنا ناسن مجتمعه وحنا ناقف عنهم شوين ونشوف يامار مصري حاطن قداموه قوطى نيدو وعليه (طوير )ويصفق والطير يرقص وهو كل شوين يرسل وليدوه يجمع دراهم من المتفرجين وحنا مندهشين من عملوه ووشلون درب هالطوير (كش يالمصاريه ماخلو شى )
شوى ماسمعنا الا قولت بوليس وهو ينطق المصيرى هو ووليدوه ويترك الطوير وقوطيوه
وحنا نجى للقوطى يامار حار ونفتحوه يامار بوه شمعه ومنسمن لوه من فوق والطوير يرقص من هاللهب مهو من تدريبوه (حسيبوه زمانوه )
بعدها رجعنا الى الوطن سالمين ودمتم سالمين
الاخ الاصيل عذرا لم استطع ان اجيب ابو الهول عييو يبيعونوه هههههههههه
اخوكم الصغير [/align]
رد مع اقتباس
المشاركة الأصلية كتبت بواسطة مغترب بالشمال
[/align]
[/align]
المفضلات