((مواقف طفوليه)) مرّ بها اعضاء المضايف !!!!!

[اخو سعدى]

[align=center]

اخو سعدى

ياخي انا كنت العب بسيكل عشرين وانت على ابو ثلاث كفرات

ايه صادق .. قصدك الدباب اللي كان عندي ..
ابو ثلاث كفرات ...

ياعندي سالفتن تخصك .. حييييييييييل ... تخبر ..
هههههههههههههههههه[/align]

[الشبث]

[align=center]

ايه صادق .. قصدك الدباب اللي كان عندي ..
ابو ثلاث كفرات ...

ياعندي سالفتن تخصك .. حييييييييييل ... تخبر ..
هههههههههههههههههه

ياعلك ماتربح


وانا عندي لك سوالف خاصااااات


واذا لزم الامر الفق عليك سوالف





وتقلد تحيتي[/align]

[شام]

[align=center]الأخت السطامة:
الموضوع خفيف ولذيذ وحلو ... لعل من أجمل ذكريات العمر ذكريات الطفولة والضحكات الصغار ... واللعب على سطوح الجيران ...
مشكورة أختي على هذا الطرح الرائع ... دمتي بكل الخير [/align]

[فقط]

الله ياهي مواقف تفطس ضحك لكن انا جايب لكم موقف غير
بعيد عن جو السياكل

اتذكر موقف قد صار لي

تخبرون من قبل كانت البيوت جرس عادي

وفي بيت باخر الحارة اصحابه من فلسطين
وكانت الام قشرررره ولسانها طويل و عصبية والظاهر انها مخفه ههههه

وكانت شمحوطة طول بعرض كانها مارد
فكنت انا مع مجموعة من خوياي
نحب اننا نستفزها وطلعها من طورها

كنت أنا ارسل احد اخوياي يدق الجرس ويهرب فلما تجي هي و تفتح الباب ما تشوف أحد
وتعصب ، وترعد ، وتسب ، وتلعن بنت اللذين
المهم استمرينا بهالحركة تقريبا خمس مرات او اكثر
جاء دوري بالاخير ادق الجرس
والا هي اتريها الملعونة تتربص لي وسامعه خطوات اقدامي
و قبل ما احط يدي على جرس الباب
الا هي ناشبه بحلقي
وقبل ما تسألني قلت لها مهوب
ناصر ناصر والله ناصر هو اللى يدق عليس الجرس
ولكن انا جاي قصدي اعطيك خبر عشان تعاقبين ناصرالولد الشقي ههههه <<< مسوي فيه بريء
امحق براءه المهم ان الحركة انطلت عليها ، وجلست تمدح فيني وفي اخلاقي وشهاامتى
عاد انا صدقت من يومها تأدبت <<< خايف تكفخه ههههههههخخخخ

[ابو ســـــيف]

[align=center][glow=000000]ههههههههههههههههه

والله ياهي مولعه بين اخو سعدى والشبث...!!


مويضيعن حليل ...واسمحولي ابي اشارك..

اخبر به له سالفتن صارت منذ قديم الازمان..

هذا ياطويلين العمر والسلامه ...كنت طالب دافور بصف رابع جيم..

وقال المدير نبي نكرم الطلاب المجتهدين.. برحله لمزرعه بوسط له مخيم.... مادري المخيم بله وسط مزرعه

المهم .. لعبنا كوره وصيد ومكشوف وثلج ماء

... وخربنا وسوينا كل شي..


وقبل المغرب بشوي كنت اتمشى مع العيال... قالو نبي نتسابق..

قلت انا تعبان ومابي حيل طردي وركض..مابعيوني الا النومه ..مع العلم اني كنت اصغرهم..!!

.. جاء واحدً بصف سادس خبل قاطمن الوغدان كلهم .. ماحد يسوي شي مايبه الا ويتمردغه..


المهم خط له خط وقال ياله نبي نتسابق.. والله وهم يربطون ثيابهم العيال .. انا صغير ماعرف اربطه ... كومت ثوبي بالسروال..

وهي يجي العربجي ويحط رجله قدام الخط.. وحنا نحط رجلينا وراه تمهيدن لأنطلاق الماراثون..

وماحد قدر يقوله شين ابد... المشكله ماهي هينا...!؟

المشكله انه يتوعد يقول والله اللي يسبقن لاتوطى بطنووه..


يقول ابي اعد لثلاثه وننطلق... ويعد واحد .. ويركض وهو يركض يكمل عده.. وبعدين حنا ننطلق...... حكم القوي على الضعيف

المهم انا صرت اخرهم اهرول شوي شوي...

وعيوني يغمضن وانا اركض


شوي الا واحس شينن وراي...يتشمشم رجليي

والتفت وانا اركض الا .....


وسلووووقي ياكبرووووه ...

والله وانا ادعس .. واجيك طاير امشي الفين..

من بين العيال عقبتهم كلهم.. وملعون ابو الرقبه هاك السلوقي ورااي

وهو يزوغ عقلي...

المهم زبنت ومن الخوف سبقتهم كلهم وانا ادخل ببيت الشعر...

وقلبي يسمع ركضوووه اللي بالعراق


شوي واطلع من بيت الشعر الا والسلوقي ذالف..


اوفيييه والله وانا اتنفس الصعداء..

خذيت شوي الا ويجيني الخبل ... يقول ليش تسبقن ..!!


قلت لحقن لي تسلب ياكبر سنونه..

قال ماعلي منك انا قايلن لكم ياويل واحد يسبقن..

وهو يمسكن ومنين يوجعك..


قلت ياحبيبي ياهك السلوقي والله انك ارحم منه..

يامار رجعت من الرحله ... متسحووت ومدبوب


واسمحولي على الاطاله.........!![/glow][/align]

[سيدة القـــــلم]

[align=center]يعطيكـ العافيــه يالسطامه.. على هالموضوع الرايــق..
:
:
بصراحه المواقف كثيره .. بس الي جااي ببالــي الحين موقف.. وبذكره لكم ..

يوم اني صغيّره كنت انبسـط برحلاتي لحايلــ قمه الوناسـه ..
بس الي ينغص علي.. ولد جيران خوالـــي ...

ملعون جــدفــ ... مايدانيني بعيشـه الله..
واسموه عزوز..

دووبي وكبير واسمـر وعيونه حمـــر .. وغثيث واقشــر ..وهدومــه دايم الدوم وسخه...
واذا شافنــي تقولــ شايف بليس الرجيــم ...

انواع التكفيــخ فينـي .. ومافي يوم الا يبكيني ثلاث اربــع مرات..
ويفعشــني وينتفــ شعــري .. ويكسر ظهــري من زود الرزح والرنــح..

ونا ضعيّفــه ماقوى عليــه..:192r:

وكلــ ماشكــي لأخوي .. يقولــي وش تبيني اسويه فيه هالبدووي ..؟!!
عاد اخوي دلووع وماهوب راعـي هوشات ومطاقق..
صرت ارشيــه بفلوس .. وكل يوم اقولــه عزوز معااي ريالين .. تبيهن ..؟!!
عاد هو مايبلش ياخذهن.. ومع ذلكـ يكفخني ويسطرنـي ...

يعني لا بكذاا سلمت من شره .. ولا بكذاا سلمت ..
والطق فيني .. فيني ..

الغريب ان بنات خالي معاي .. ومعنا بنات حارتهم .. ولايقولهن شي ..
وحاطن حمى حيلوه بــي اناا ..

المهم..

بمــره من المرات بالصباح كنت رايحه للبقالــه ..

ويوم ابعدت عن البيت بشوي والتفت وراي الا اشوفــه ...
يوم شفته واهــج .. واركض عن حيلــي ...

هو يوم شافني اركض .. وبركض وراي ..عساه للهندري..

ودخلـ البقاله.. ونا خايفــه وابكــي ..
وكان راعي البقاله يماني .. ياحليلوه كاليماني..
قالـ وش فيكـ ...
قلت عزوز بيطقني .. ..
ويدخل علينا عزوز.. ويهاوشه اليماني ويطلع,,,
ويوم طلع وجلس احكي على اليماني معاناتـي مع هالخبلـ الدفش عزوز..
قالــ ولايهمكـ تعالي معي..

وياخذني من يدي.. ويرووح لأبو عزوز...

قالـ له يابو عزوز شف لولدكـ مبهذلـ هالبنيّه..
وهو يشرح له معاناتي.. يعني قالها للشايب..
عاد انتم تعرفون الشيبان وخاصه الشمامره .. كيف يحشمون الجار .. ويقدرونه .. وخاصه اذا صار اجنبي..

قالــ الشايب ..
وخزيااااه ...
وعيبااااه ...
ولدنا يضرب هالاجنبيه...
انا ولد ابووي ....ويعض على لسانوه..
ويناااادي عزوز بعالي صوتووه ..
ياعزوووووووووووووووووووووووووووووووووووو ووووووووووووووووووووووز
ويجي عزوز يركض ..
ويمسكه الشايب وبالعقالــ ويودنه تودين الين غداا مريسه..
عاد قالــي الشايب..
تعالي طقيه .. ..
وخوذي حقكـ منووه ..
وجي اطقوه .. بس مااش طقي مايعوره ..
واجي استخدم سلاحـــي الفتاكــ وهو ( العض)
ولله يااخوان اني اذكر عضيته مع عضده .. وحسيت ان اسناني تلاقت من قوي العضه ..كنت حاقده بالمره عليه وجتني الفرصــه..
عضيتوه بضمـــير وذمــه صراحه...
وعضيته مع كتفـه الين طلع دمــه ..
ومع رقبتوه ومع بطنوه ... ومع كل مكــان..
وحتى مع اذنووه ... ولله اني عضيتوه مع صرصور اذنوه ..

والشايب يقولــ ايه حيلتس بوه .. .. بالحيلــ .. ههاا .. اييييه بالحيلــ

ومن يومهــا والولد متأدب معــي ولا يقرب لي ...
الين غيرو بيتـــهم ورحلــوو

بس ولله ياكنت حاقد عليه ...؟؟
لو يجيني الحين برضوو بعضووه .. الى الحين ونا حاقده عليه ..

هذاا الموقف الي جاء ببالي ...
واذا جاء ببالي ثاني ابرجع ...



ღ
ღ
ღ
تحياتي
سيـدة القـلـم [/align]

[الشبث]

[align=center]مرتن من المرات كان اخو سعدى يحب بنت الجيران

طبعا هالحتسي يوم كان عمروه تسع سنين

وانا كان عمري خمس سنين

وكان يرسلني اعطي حبيبت القلب علوك وحلاو وكيك

وكنت انا ( بسم الله علي ) شقي بالمره هههههههه


وكنت اخذ هالغرضان ونتقاسمهن انا وشنقل


لين خربت بينهم والسبه هالحلاو






اخو سعدى ارسل شي دسم ثاني مره تراك امرضتنا بهالحلاو







وتقلدوا تحيتي[/align]

[اخو سعدى]

[align=center]ايه منذو نعومه اصابعي ... ههه وانا رومنسي ..[/align]

[شنقل]

[align=center]^
^
^
^
وش عندهم الشباب


يطلعون ملفات حوووووويل


<<<< لاتخلوني اتقلدكم

ياكثر المماسك عليكم

ياخو سعدى وشبيثاااااااااااااان[/align]

[السطامة]

[align=left]----ثانكيووووووووو كثير ولكموووووووووو

ماشاء الله ردود كثيرة وتعليقات وموافق جميلة
انا عن نفسي استمتعت بالقراءة و المتابعة
وبما ان انا صاحبة المقال
فيتحتم علّي الرد على كل المشاركين والمشاركات

وبما ان الردود الان وصلت الى 18
فساكتفي با ذكر الاسماء مع تعليق بسيط
الشبث .. يسلمووووووو والله موقفك صعب كثبر ،،،
والحمد لله انها جاءت على كذا
مثل موقفك وقع فيه احد اقاربي وهو في الابتدائية
ولكن نتيجته اصتطدام
وسقوط السن الامامي من اسنانه
ولكن فطنته انقذته بحيث حمل السن معه ،،،
الى ان وصل للمستشفى تم اجراء اللازم
----[/align]