طفولتي والخباري ( 1 )

**عيون السروق** · 25-08-2005 17:18

بسم الله الرحمن الرحيم ،،،

ابدأ قصة طفولتي مع الخباري ( والخباري هي جمع خبره وتعني ماتجمع من مياه

السيول ويلعبون بوه الوغدان مثل حالتي )

ترونن متأثر باللغة العربيه والا انا ادري انكم كلكم تعرفون الخباري ،،، ( يقول لنفسه يارب انهم

مايفشلونن ويطلعون مايعرفون وشو الخباري )

الوكاد نبدأ مسيرتنا مع الخباري ؛؛

سنتن من هاك السنين يوم كنت وغد ضربتنا لنا سحابتن الله يكفينا شره ويعطينا خيره

( شاري سياره على هالحتسي )

مالكم بالطويله وهي تغدي القاع حولنا خباري وانا انهج عقب ماوقف المطر يم اخواني وعيال

عمي وقتها كنت اكبرهم ( بس الحين كلهم اكبر مني )

وقلت لهم وشرايكم اعلمكم السباحه قالوا لي تعرف تسبح انت قلت لهم اقول شفتوا هالشيبان

اللي كل يوم يخاندزونكم ومايخاندزونن مثلكم انا معلمهم السباحه عشان هلون مابهم اللي

يتجرأ يقولي شين ( كاسرن عينهم يوم علمتهم السباحه )

الوكاد وهم ينهجون معي يم هاك الخبره اللي ود عينك يقع به عدوك

وانا اقول لهم اول درس لهذا اليوم :

اعلمكم شلون تجدعون هدومكم اللي لازقتن على جسمكم من طلعتوا على الدنيا وانتم

لابسينهن ،، ( جلست ثلاث ساعات وانا احاول اجدع هدومهم لين جدعتهن )

جانا الليل وحنا ماتعلمنا غير جدعة الهدوم بس ،، :023b:

وحنا نرد لبيوتنا وقلت لهم لاتلبسون ملابسكم الليله عشان باتسر مايروح علينا النهار كله وانا

اجدع هدومكم ؛؛؛

ونكمل مسيرتنا في الغد مع طفولتي والخباري ،،،،

ارجوا اني ماثقلت عليكم واللي مايبيني اكمل القصه يقول عشان أشفر الموضوع عليه واخليه

يفحط باتسر يدور من يشيل التشفير عنوه ( لاتقلد الجزيره الرياضيه )

الى اللقاء اللي يبيون يكملون معي هالقصه واللي مايبون مهو الى اللقاء ،،

ودمتم ،،،،،،،،،،،،،

**شريف روما** · 25-08-2005 17:31

((وقتها كنت اكبرهم ( بس الحين كلهم اكبر مني ) ))ههههههههههههههههههههههههههههههه
سويلفة حليوة
ناطرين التكلمة
وحطن بصف الى اللقاء

**تعاليل** · 25-08-2005 19:35

[align=center]:023b:

<<<<< جـــايتن مشـــوووته أدور السوالف ...
<<<<< ياحبها لسوالف الطفووووووووله ....

وآخـــــر شين .... تـــطلع زبده السالفه .. مشــــــــــــــــــــفررره ..

سؤؤال لعيووووون السروق

بــــــــما انك خبير خباااااااااااااري .. ولك بهن صولات وجولات
بالله هو متى يطلع الــــــدغلوووب ... يا سبحانك يا ربي هذا .. يومني وغده ... اخبر نـــــــمطر بالليل .. ويا جاء الصبح .... نروح نلعب بالخباري
... بس يا كثر ما كنت افكر ... الدغاليب متى تطلع ... يا ربي يا بعد عيني

تعاليل[/align]

**سيدة القـــــلم** · 25-08-2005 20:55

[align=center]
:32:

أخـــي عيووون السروقـــ

ولاً اسمح لي اخــي ان احييكـ وأرحــب بقدومكـ الينــا كعضواً جديداً ينتسب الى الكوكبه المضائفيــه...
يامرحبا ترحيبة البدوا بالسيل ______ ترحيبة العود العمى في عياله

حياكــ الله وبياكـ وجعلـ الفردوس مثوانــا ومثواكــ ...

وأهلاً وســـهلاً بكــ أخاً عزيزاً نعتـــز بأخوتـــه والتحاقـــه بركب المضائف..

اتمنى لكـ اقامــه طيبه بيننا تنهلــ منــا وننهلــ منكـ ...
وعسى أن يكتب الله لنا تجمعنــا هذا ..
حجــه لنــا لاعلينـــا ... في يومٍ لا ينفع المالــ ولا الصاحـــبه ولا الأخ..

ويامرحبـــا فيكــ مليووووون
:
:
:
تحياتي
سيدة القلم

:32:
[/align]

**سيدة القـــــلم** · 25-08-2005 21:06

[align=center]يااااااااااعزيلكــ من التلوووث..

واكيد يومنكـ صغّير انواع الأمراض...:0078:

سولافـــه حلــوه كملها..

قبلــ من طلــع بسألكــ تعاليلــ ...
يعني ايش دغاليــب..؟!!:0071:

:
:
:
تحياتي
سيدة القلم[/align]

**عيون السروق** · 25-08-2005 21:51

شكرا اخوي الزقروطي على مرورك الكريم ،، وبالنسبه للتكمله تبي تشوفه وابي احطك مساعد مدرب عشان تبتلش معي بعدين لما تعرف وش صار لي عقب

وانتي اختي تعاليل شكرن اول شي على المرور ،،، وبعدين بوه لوه شين ابي اعرفوه انتي اللي عقبتيني مشوين ولتس غبره ،، على العموم ماراح اعلق على الدغلوب الا لين تدفعين الاشتراك عشان

تعرفين بعدين وشصار ،،

وشنوحتس انصدمتي يوم قلت لتس ادفعي الاشتراك

وانتي اختي سيدة القلم ،، شكرن على مرورتس

وبالنسبه للتلوث انا ماودي احرق الفقره واقولتس وشو اللي جانا من

عقب السباحه بالخبره ،، بس انتي تابعي التكمله وانتي تعرفين ,

ودمتم ،،،،،،،،،،،

**نافع بن طواله** · 26-08-2005 06:50

سرقاااااااااااااااااااااااااااااان باااااااااااااااااشا

أولا أبي أعرف وين هالخباري اللي تذكر ؟؟

ماني خابر ٍ بالكويت خباري ؟

إلا تسانه يم سلمي هنااااااااااا إنت صادز

وبعدين أبي أنشدك هو عمر معكم ؟؟؟؟؟؟؟؟ خخخخخخخخخخخخخخخ

**سرحــان** · 26-08-2005 08:44

[align=center]

ســــــــــــــــارق العيون

هــــــــــــــلا ومسهــــــلا بك

راح النهار وانت وهدومهم فرسات

اجل وشلون اكبرهم كم يبيله

انجز علينا كمل الغصههههه

سلام[/align]

**احمد الهاجرى** · 26-08-2005 10:32

[align=center]عيوووووووووون السروووووووووق

ياحليلك سالفتك سالفه الي هذا اولها

تصديتز اني اكتشفت حاجه مهمه فيك انت والسيده تعاليلوه

الاكتشاف الاول والمهم انك لاحق على طبخ العرفج انت ولاخت تعاليل

الاكتشاف الثاني مافي الكويت ملازم للمياه الا يوم غرقت الجهراء والوفره

وطلع السيدان العزيزان المطنوخ والأصيل ذو الثوب الانيق على طرادات من فوق السطوح

الاكتشاف الثالث اني الى الان ماعرفت سيده القلم هل هي رجل ولابنت

والسبب الاسم فوق سيده القلم وتحته مجود المعاميل

يابعد خشمي سالفتك جميله وخلص جب لنا الباتزي

ممكن اعرف وشهو الدغلوب

هل هو السريو الصغير الي يجي في مياه الامطار والابار

ياحليل ذيتس الايام

تحياتي[/align]