[align=center]
هذه قصيده للشاعر المعروف محمد العبدالله القاضي يمدح
الامير طلال بن رشيد بعد ان تولى الحكم يقول
[poem=font="Simplified Arabic,5,orange,bold,italic" bkcolor="transparent" bkimage="" border="double,5,gray" type=0 line=1 align=center use=ex num="0,black"]
طلال لو قلبك حجر أو حديدي = أمـــداه من حامي وطيس الرغى ذاب
شبيت في نجدٍ بنار الوقيدي = واحرقت فيه اعداك واذيت الاصحاب
واكسيت ثوب ملكك عزٍ جديدي = وسليت حد عداك ياعز الاقراب
بحربٍ وضربٍ شاب منه الوليدي = مالوم من عاداك يومٍ ولا شاب
تلقى الخطوب إباس ليثٍ شديدي = وعزايمٍ عزت على عمرو وشهاب
أحييت شجاعة خالد بن الوليدي = وانسيت قالات لابي زيد وذياب
ولو كان عمرو بن معد الزبيدي = حي لجا بحماك يازاكي الانساب
حيثك وفيٍ بالوعد والوعيدي = غيثٍ وليثٍ حضرمي وغلاب
ساروا له الحكام مثل العبيدي = واسقى سراج العز من دم الارقاب
بالغت في مدحه ولاصح بيدي = ولا احصي خصال عجزت كل حساب
يقصر عنه فهمي وينفذ نشيدي = ومن الثنا لي خاطرٍ مابعد طاب
يا اولاد عمه كاسبين الحميدي = شمر ينابيع الصخا حصن الاطلاب
ياما هفا بايمانهم من عقيدي = ولاجنبوا عن قالةٍ خوف صلاب
قومٍ إلى ركبوا على حرد الإيدي = شفت القلايع كالجراذين هراب
وصلوا على الشافع بيوم الوعيدي = محمد المختار وآله والأصحاب[/poem]
واذا فيه خطا ارجو التعديل
تحياتي
ذيب أجــــــا
المرجع كتاب
الازهار الناديه من اشعار الباديه
[/align]
رد مع اقتباس
المشاركة الأصلية كتبت بواسطة الصيرمي
المفضلات