[align=center]السلام عليكم ورحمة الله وبركاته
من مكتبتي
عندما تتراكم هموم دنيانا العجيبة في داخلي
كالعاده اذهب الى حديقتي الخاصة(مكتبتي)
واجلس اقرا وانتقي من الدرر فوقعت على هذه
القصيده الرائعه وقرائتها عدة مرات والعجيب انك
ما تمل من قرائتها... ليش لا.ما دام انها لشاعر مبدع
لست هنا بصدد التعريف عنه فهو غني عن التعريف
انه الشاعر محمد بن أحمدبن محمد السديري رحمه الله
هذا المبدع الذي يبهرني حينما اقف على سطوره
بل بعض قصائده تبكيني وتدمع عيني.. لا ابالغ حينما
اقول تبكيني هذه هي الحقيقة والكلام عن نفسي
اخترت لكم من قصائده هذه الرائعه يقول فيها:
قلت آه من صبرا صبرته على الكود
.... ومن ونةٍ للقلب جاحت وقدّت
ونة عتب ونة غضب مالها حدود
.... ياليتها عن مغلق الصدر صدّت
لوهي بحيدٍ ذوّبت كل جلمود
.... على الضماير بالهضايم تحدّت
قامت تعرض لي بالايام والسود
.... ان قلت قفت عودت لي وردّت
ان قلت هانت بالحشا جابت الزود
.... وجاحت خفايا ضامري واستجدّت
وزادت جروح القلب بجروح ولهود
.... ودنياي مالت عن سنعها ولدّت
والعين كن بنونها ملح بارود
.... على السهر كل الليالي تحدّت
تسهر وبعض الناس هجاع ورقود
.... وهي تبي فرقاه مافيه لدّت
ونشدت ياتركي عن اللي بهم جود
.... وقالوا ضعون اهل المروات مدّت
العدل من شدّو مع الناس مفقود
.... وبفعالهم عمسين الاريا تقـدّت
منزالهم خالٍ تصافق به النود
.... من يوم عنه اسلاف الاجواد شدّت
اقفوا عن الدنيا هل الخيل والقود
.... اللي فضايلهم على الناس بدّت
هل الفعول ولبسهم صنع داوود
.... وهل المهار اللي على الضد كدّت
عصمان الاريا مشرعة كل مجرود
.... ليت الليالي السود عنهم تعدّت
الناس بالايام طارد ومطرود
.... ياليتها باهل المروه تحدّت
وطير الفلاح اللي عن الصيد مردود
.... عقبه تبوعٍ علّمت واستهدّت
اشوف ناس عندها الحقد ماجود
.... ونفوسهم عن كل عليا تردّت
العدل في ساحاتهم صار مفقود
.... وعن الفضيلة جنّبت واستردّت
مايرفعون النفس عن كل منقود
.... ان ما تعشت عرضها له تعدّت
تعطي عن العليا محاريف وصدود
.... ووجيههم ما قيل بالجود ندّت
وسلامتكم
تحياتي للجميع اخوكم
الأسلمـ فهد ـي[/align]
رد مع اقتباس
المفضلات