بعد التحيه
اهديكم هذا النص
.
.
سريت مع همي بليل ٍ عوا ذيبه
ظلما ولا شفت فيها من شعل ضوه
من كان في غربتي ما عاش تغريبه
بالليل يحلا القصيد ... وطاري الخوه
الغايب اللى اخذه الشك والريبه
حفظت حبه حفظه الله من سوه
لو كل من سافر اقداره لي تجيبه
ما كان رمح الجفا يطعني بقوه
من عاش مع طعنته ما مل تعذيبه
جرحه يرد الحياه و كله مروه
غايب ولكن حضوره يلغي الغيبه
اسنين راحت واحس موادعه توه
اذا سكت تفضح انفاسه تراحيبه
واذا تكلم اديب .. وشاعر مفوه
بارق ثناياه لاح ومبسمه هيبه
اشوف لمع الثمان وما وصل نوه
ليته مطر ينهمل وابتل من طيبه
معقول ابضماه ! وكل الغيم في جوه
.
.
.
وسلامتكم
رد مع اقتباس
المفضلات