إعجاز!!إعجاز!!إعجاز!!في الرثاء!!!!!!!!!
[frame="7 10"]السلام عليكم ورحمة الله وبركاته
أكتب لكم النص كما وجدتهُ في كتاب الأخ محمد مطلك الجربا وهي قمة في الروعه
قال فيها محاوراً صديقهُ فهد في هذه الكلمات التي بعدها القصيده التي أسماهل الشاعر محمد مطلك الجربا << يـــــــا قـــــبــــر >> <<<إلى أخي وصديقي فهد إذا كنت قد شكوت لي من فراق شخص حي قد تفارقهُ وقد لا تفارقهُ فإليك ما أنا فيه من الفراق الدائم أخوك محمد مطلك الجربا>>>
[align=center]ياقبر[/align]
[poem=font="Andalus,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يقول من ساند ضليم اليالي= من ساند الي بديرة الشوق ماطاه
من عقب ما يشرب صفات الزلالي= اليوم مر البعد بالكاس يسقاه
له قصة ٍبالحب ماله مثالي= ولا قصةٍ بين العواشيق تشداه
عزاة له عزاة اول وتالي= عزيز نفس ولا بقى الذل يدناه
عريب ساس ٍمن عمامي وخوالي= واليوم شاف من البهاديل ما جاه
يقول وقتي باليالي طوالي= مصيبةٍ من بين الايام يطواه
مصيبة ٍشدت عروقي وسالي= دمعي عليها حامي ٍحيل مجراه
حبيت ريم ٍله جمال ٍحلالي= كمل جماله عالي الشان واعطاه
عفه ورزانه تجمعه في دلالي= صدق اوفآ في طبعه الريم حلاه
لكن عجيب اليوم كل ما جرالي= سم ٍيسل الروح من ساير احشاه
مصيبة ٍما طاقها من بدالي= شخص ٍولا حت الصخر سد مصطاه
حبيبتي اليوم علمه لفالي= ويا ليت علمه مالفا ولا سمعناه
قالو حبيبك يا عفيف الشمالي= اليوم شبو شمع الأفراح لضياه
وزفافها لا هل نور الهلالي= وندعيك مع ساير حشودٍ دعيناه
ياليت شي ٍصار ما ينطرالي= علم ٍ لفا ما كنت يا الله أرجاه
هاذي رواية وافيين الوصالي= لكن جبرهم وقتهم غصب وأكراه
ويوم ٍسمعت علومهم ماهنالي= نومي وجسمي تنتفض ساير اعضاه
وخطيت باوراق العنا مابدالي= شعر ٍ يواسي عاشق ٍ طال فرقاه
لا يافهد مايوم والله صفالي= فكري ولاني بين الأصحاب مدلاه
ولا يافهد والله كن صاب حالي= سم ٍ يقطع بالشرايين ما جاه
ولا يا فهد حكم الزمن ما يشالي= ولو ينمنع ياخوي بالسيف شلناه
ولا يا فهد وقت ٍخفالك خفالي= غدره وبين لي مع الوقت مبغاه
انا بعد مثلك حبيبٍ غدا لي= له غيبتٍ ما عقبها عين ترجاه
له غيبةٍ ياخوي ماله زوالي= ولا لي بعد من الأمل يوم ألقاه
له غيبةٍ يا اخوي بين الرمالي= حدر النصايب عالي الرمل يغشاه
ازورها كل ما خياله طرا لي= واجلس معا قبر ٍ حضنها ولفّاه
والكف من رمله على الراس هالي= والعين من عبراتها دفقت ماه
اناجي القبر الذي صار عالي= من كثر ما يفنا به الوقت وابناه
اقول انا يا قبر جاوب سؤالي= احسن على اللي حكم الأقدار يفناه
ياقبر وين الي معي كم شالي= من الهموم اللي بالأيام شلناه
ياقبر بك نصي ولي نص حالي= وشلون تحضن نص ولك نص تجفاه
ياقبر خلي مالكٍ كل مالي= ولا ظنتي أدله مع الناس وأنساه
ياقبر لاتدمر شباب الغزالي= لا تنثره يا قبر أرجوك ترعاه
احضنه حضن الوالده للعيالي= أرجوك لا تترك ظنا الوقت يمحاه
ياقبر ياقبر الشقا كنت خالي= واليوم لك يا قبر ريمٍ اتعلاه
ما احب شي يشاركن في حلالي= وشلون تاخذ كل شي ٍ جمعناه
ياقبر ابي نورك عليها يلالي= ما بي اللحد يريب للشوق ظلماه
ياقبر له شعر ٍشبيه اليالي= حرير والرمل الحفي صار ملفاه
يا قبر عينه ريم فيها جفالي= ويا حيف يا قبر العنى فيك مسهاه
وخدودها ورد ٍنبت بالمسالي= فيها النسيم وللأسف أنت تجناه
ويا قبر له شفه تزيد اشتعالي= ويا حيف يا وقتٍ بك اليوم طفاه
وياقبر عنقه فوق الامتان عالي= ويا حيف فيك الموت في غصب يحناه
ويا قبر زوله غصن بالريح مالي= ويا حيف قبر ٍ حاضن الغصن أضماه
لو تفتدا افداه في كل غالي= ما اعز شي ٍ دونه الكل يفداه
وارخص لها من بعد ذا كل مالي= وارخص لها روح ٍ بالأيام أحياه
واردها تحيا زما ني بدالي= وتشم من عطر الهوى كل نسماه
بالامس تسالني حبيبي مضا لي= يوم ٍ بعيده عنك وشلون أقواه
لازم اشوفك يابعد كل غالي= وأجلس وأظهر لك من القلب مخفاه
وتقول نذر لواحد ٍله جلالي= ويا ويل من أنذر نذر وأنكر اوفاه
للبس من الابيض هدوم ٍكسى لي= وجدايلي مع كفوفي محناه
واجر كحل العين حدر الهلالي= بس الولي يدني لنا حلم نرجاه
وهدومها بيض ٍعلتها حبالي= من فوق جسمه جهزوها لمثواه
حناه والكحله بقن دون والي= النذر دنا لكن الموت وافاه
واليوم مالي من صديق ٍموالي= والقلب عن كل الملا دوم أنحاه
امشي على فالي وارجع ابفالي= الفكر تيّه والقدم واصل خطاه
والعين ترقب شي شوفه محالي= قرب عماها ودامسه خالط ضياه
افز انا ساعات كن ينتدالي= وانحر مكان مواعد الخل واتناه
يمر بي وقتي ولا احد ٍلفا لي= واعود والموت الحمر رافع الواه
اصيح وترد المباني الصدالي= يا روح روحي يا حبيبٍ فقدناه
رسايل ٍووراق كل ما بقالي= وقصايد ٍبالامس حنا كتبناه
واضم فوق الصدر تصوير غالي= في مثل ما كانت على الصدر مرساه
من شافني يضن حالي هبالي= ما يعلم ان قلبي سنا النار يصلاه
يعل من لامن يقع مثل حالي= ويعل رب الكون يضهر امخفاه
ومن بعد هذا يافهد ما هنا لي= في دنيتي شي ٍسوى القبر اهواه
امر له واقعد وحيد ٍلحالي= هو الذي في دنيتي دوم أبغاه
احس قبره يافهد صار فالي= واعز قبره من معزة ضحاياه
بقيت انطر بالحياة ارتحالي= وهنيت من يرحل على غير دنياه
والموت باصواتٍ كثيره شدا لي= ونا بعد بالموت لي خل اشداه
حكم ٍعلينا نعترف بالزوالي= ولا غير ربي دايم الدوم حسناه
وكل شخص من نبع المنيات نالي= وياليت هذا النبع حنا وردناه
هنيت من يفنى ويذكر بتالي= بالخير يذكر ون طرى شخص طرياه
وهاذي نصيحه يالخوي بالتوالي= نصيحةٍ يبعد بها قول معناه
لا تجرفك يــــــــا خوي بعــــــــــد المفــــــالــــي= خاسر ترى منيسرح بغير مفلاه[/poem]
[align=center]مـــن شــعـــر مـــحــمــد مـــطــلــك الـــجــــربـــــا[/align][/frame]
رد مع اقتباس
المفضلات