فارس الفرسان ..

[الشبث]

[align=center]في البدايه احب اني اقدم اعتذاري للجميع عن الانقطاع

واقدم اعتذار خاص لاخوي المخاوي ....




اما سالفتنا اليوم فهي من السوالف المبطيه والقديمه

ايام الخيل والفروسيه والمغازي ....




كان فيه فارسن لا يشق له غبار

وهالفارس اسموه الشبث ( اسم الدلع شبيثان )

وهالفارس لوه سوالفن واجد

وكان عندوه فرسن جربا

ولا تمشي ليما يطلاه ( يدهنه ) بدواء الجرب

اما فارسنا فكان ولاد طوايل يلبس مرودن ( نوع من الملابس القديمه اللي مايلبسه الا الفرسان )

وابرز صفات هالفارس انوه مايغزي الا لحالوه وسلاحوه موس ( سكين ) خضره

علشان يتلذذ بذبح اعدائه ( ماعمروه ذبحبوه )

ومن اشهر سوالف هالفارس انوه باحد الايام راح غزاااي على قوم ( طبعا لحالوه )

ويوم اقبل عليهم وهو يحول عن جرباوه وهو يقوم يعدي هو وياه ( يبي يجس النبض )

ويوم شاف انهم مهم يموه وهو يرتسب الجربا وهو يدعس يمهم

ويوم اقبل عليهم وهو يعترض لوه هكا السلوقي ليمار الجربا مابه بريك

وهو يخبصوه ليمار السوقي غادين قطع

ومواطي الفرس على فرتوه وعلى بطنوه


وهم يشوفونوه القوم

وهم يلحقونوه

وهو يفركله

طبعا الجربا من الذله صارت فشقه

ويوم ضيعوه القوم وهم يقصون الاثر

وهم يشوفون العجب

قاموا يقصون الاثر ليمار نوبن اثر حيوان ونوبن اثر انسان (نوبن اثر الفرس ونوبن اثروه هو )

اثريه من طولوه ليامنه تعبت الفرس وهي تركض يفحج ويشيله ويركضبه ( يتعاقبون )


وبهالطريقه محد يقدر يقص اثروه




ومرتن من النوبات

طلع من ربعوه غزاااي

ويوم شافوه القوم اللي هو غازيهم وهم يسفونوه ( دلاله على قوة المطارده )

وهو يحط رجلوه ( كالعاده )

ويوم شافوا عجاجتوه ربعوه عرفوا انوه جايبن لهم مصيبه وهم يطلعون

وهو ينصا الشيخ

والشيخ يصيح ورااااااك وراااااااك ( يدري ان الماخوذه مابه فرامل )

وهو يخبص الشيخ ليمار غادين تقل فريق مسجلن قول

وحدى اظافر الجربا ناشبن بمناخر الشيخ .






وميزة هالفارس الداهيه انوه ماعمروه انمسك

الا مره وحده وغدر بعد



وهذي يوم كان غزاين على قوم

وشافوه ولحقوه

وهو يلوذ بالفرار

ليمار حديهم متغيبن ومعوه مدزلاع ( اداة رمايه تستعمل بالفتل )

وهو يمغطوه بمقرن الكتوف

ليمار الفرس تتدربا على بعد كيلو ( وش دخله هو المضروب )


وهم يغسلونوه هكا الغسله اللي ماينسااااه



وفارسنا لايزال حي يرزق

لكن مهو مثل اول

المسكين قصر من كثر الضرب والسف















وجيتك منهم مدري عنهم










وتقلدوا تحية اخوكم الشبث[/align]

[شريف روما]

خخخخخخخ
لا بالله فارس لا ويغزي بروحوه بعد
وكل ماصار شي فركله
وفوق هذا مردغ شيخ القبيلة بفرسوه

فعلا فارس لايشق له غبار وغبرتوه تبين من النحشه خخخخخ

تسلم يالشبث على هالسويلفه

تحياتي

[الشبث]

[align=center]

خخخخخخخ
لا بالله فارس لا ويغزي بروحوه بعد
وكل ماصار شي فركله
وفوق هذا مردغ شيخ القبيلة بفرسوه

فعلا فارس لايشق له غبار وغبرتوه تبين من النحشه خخخخخ

تسلم يالشبث على هالسويلفه

تحياتي

هلا باخوي الغالي الزقروطي

انت الله يهداك لا تدقق حيل






تسلم يالغالي على مرورك الطيب




وتقلد تحية اخوك الشبث[/align]

[عاشق الأدب]

هههههههههههههههه
يالله حي شبيثان وشلونك يا بعد شيبي

عز الله مشتاقين لك ولسويلفاتك

ما أحلى من سوالفك غير سوالفك >>>> بدى يخوره تراه للحين مستنزل ما سرى من أمس

وتقبل تحياتو

[الـمـحـروووم]

ههههههههه

حي الله شبيثان

من طول الغيبات جاب فضايح شنقل والمطنوخ



وش آخر أخبارهم


لا أوصيك عليهم يالعشير

[اخو سعدى]

[align=center]اشوى اذا هذه بدايتك بعد غيبتك ..
والله اني قلت انه يبي يفضح الربع اللي خلوه وراحو
هههههههههههههه ..

اما الفارس هذا .. سوالفه معروفه ومخبور .. [/align]

[الحنشل]

[align=center]انا اشهد انه فارس لا يشق له غبار

وميزة هالفارس الداهيه انوه ماعمروه انمسك

الا مره وحده

خذوه الغدر اللي ماهي من شيم الفرسان

والا ياشينين تعرفون شبيثان فارس مغوار مايداني صافرين

تعقبونه من قفوا ليه

تسان هادين عليه حدى الوغدان ويكفيكم امره


تسلم يا شوشو[/align]

[شنقل]

[align=center]هاه

شبيثاااااااااااان

راعي الجربا

انت منين نطقت

خلصت رحلتك المكوكيه[/align]

[المخاوي]

[align=center]

هههههههههههههههه

شبيثااااااااااااااااااااااان ياهلا وغلا بعد غلالالالا

وهالفارس لوه سوالفن واجد
وكان عندوه فرسن جربا
ولا تمشي ليما يطلاه ( يدهنه ) بدواء الجرب

يدهنه عن الغبره

قاموا يقصون الاثر ليمار نوبن اثر حيوان ونوبن اثر انسان (نوبن اثر الفرس ونوبن اثروه هو )اثريه من طولوه ليامنه تعبت الفرس وهي تركض يفحج ويشيله ويركضبه ( يتعاقبون )وبهالطريقه محد يقدر يقص اثروه

هذا والله النشاط بس قلب مامن >>> على طاري مامن قلب

هذا واحدن حساوي نشيط يقولون الله يعزكم راكبن لوه جحش ومحملوه بضاعه وليامار هكالحنشل بدوين ذابحوه الفقر وتخبرون اول رزقهم على الله ثم على هالدلوخ اللي مايفكون حالهم :xsmile: يراقب هالحساوي ويبي طرحتوه مار الحساوي بليتن من البلاوي طول وعرض وبدوينا متردد ذالن يدبغوه هالمتعافي الوكاد شوي الا الجحش دقر بهكالصبخه عشق الدبل شغل الهزاز قام يرجع ويقدم لكن دون جدوى
وهو يحول الذيخ وهو يفسر وانتخى ( بام العيال ) وهو يشيل الجحش فوق ياما تعدا الصبخه وهو ينزل الجحش بهالحتسي بديوينا نسم وهو يسل روحوه يبي الفركه قال هاللي شال الجحش بكبروه ماهو عاجزن لايفرط على علمتي بهالصبخه ويوم اقفى الا يسمع الحساوي يقول هنا نشاط مار قلب مامن وهنا اتسمت ضحكه صفراويه بليغه على وجه هذا البدوي وقال جاك الموت يالحساوي والله وهو ينهد عليه ويطرحوه بدون اي جهد اوقتال وهو ياخذ بضاعتوه ويصدر
.
.
.
ماعليه يالشبث القطه لابد منه في بعض الحالات

.
.
.


فارس الفرسان وفيلسوووووووووووووووف الفله

اهلا بعودتك الميمونه اللتي غمرتنا بالسعاده

موضوووووووووع ولا أحلى





[/align]

[احمد الهاجرى]

[align=center]
اهلا والله وغلا

فارس الفرسان شبيثان

لو مخليها على وجهها تسان راحو القوم في عينها

مثل ماراح السلوقي والشيخ

بس انت هداك الله يالفارس تعنوه وهي مابه بريتس

اقول باتزي المرودن عندك ولا لا


تسلم والله شبيثان يافارس الفرسان

غبت وجبت والحمدلله على السلامه


تحياتي[/align]