[align=center]
هذا بايام الدراسه انا واثنين من خوياي واحد معي قدام على كل شي
لو تقول امش نبي ندب ابوك قال يالله قدام
هذا اسمه خبل العروبه ( الحنشل )
و الثاني على كل شي معارض اقول يمين يقول يسار
اقول مشينا يقول نجلس
وهذا اسمه ملاهد (الأصيل)
بس ماني بحالوه
الدعوى ديمقراطيه (امحق من ديمقراطيه كلنا ثلاثه )
وكان فيه طالب غاثنا بالمدرسه الملعون دافور
وبالاختبارات مايغششنا يقول مااعرف شي
ومن زود القهر اهلنا اخذين به مقلب يقولون صايرين عاد فلان
فلان هذا (ضمير منصوب مجرور بالضمه تقديره(( المطنوخ)))
حنا حطيناوه بالقائمة السوداء يعني>>> مدبوب مدبوب
وبليلة مابه ضوء شمس قررنا نهينه اهانة لاتنسى
يوم جاء يوم التنفيذ يمار انا مفصل لي ثوب جديد قلت يالربع انا ما ابي اهاوشوه
ذاله يوسخ ثوبي هالمروح
الأصيل كالعاده معارض على الهوشه
مابقى الا خبل العروبه (الحنشل )
قال انا لها انا لها قلت يابعدي هالفره انا اشهد انك له
وبالطلعه وهو لك يزنطوه الحنشل ويزخوه على ظهره
يمار فيه بجنب المدرسه بيتن يبنى ( قيد الإنشاء)
ويتسفت بوه داخل البيت<<<وش سوى به هناك
؟؟؟
وهو يطلع الحنشل بعد ساعتين
هاه وش سويت فلقتوه
قال لا شايفن خبل افلقوه ماجاوه شي
ومن باتسر بالاذاعه الحنشل الأصيل عبقرينو المدير يبيكم
وحنا نمشي يمه ونتناشد وش عنه طالبنا
قال الحنشل بخباله المعهود اكيد يعطينا جوايز حنا ماغبنا ولا يوم
قال الاصيل لا لا يمكن اهلنا يبونا << بس يبي يلاهد
يوم جيناوه يمار هذا المطنوخ وابوه الله لايجيبهم
قلت خبل العروبه وش انت مسوي
قال الحنشل والله مافلقتوه بس قطيتوه بالبرتسه
قال الاصيل ياحضرة المدير
عبقرينو قال نبي نضربوه والحنشل اللي ضربوه <<خيانه خيانه اقرب الناس لي خاااااااااان
ويسحب المدير الخيزران والله لايوريك منين يوجعك
واللي برد تسبدي انوه اول مابدا بالأصيل
قال ابو المطنوخ خلاص تسانهم عيال المخاوي خلهم
وش عقبه خلهم عقب ماخلا خبل العروبه حصتين له جعير
حتى الفسحه ماتفسح زعلان الليد
وجت العطله الصغيره>>عطلة رمضان اللي قبل العيد ...
ومرت الايام، ودخل شهر الصيام ، والناس بين صيام وقيام ، ونشرب الزنجبيل في الخيام ،
وذات ليله اتى المطنوخ ليصلي القيام مع الأنام ،فأقبل علينا وقال السلام يالئام ،
أماتذكرون ضرب المدير لكم بالخيزران،
فتجددت لدينا الأحزان. <<وشرايكم بالإبداع
ودخل المسجد المقرود قلت ياجماعة الربع خلووووووووها<<وين بعيد النظر صارت محاوره
انا اوريكم بوه وانزل الفروه واستعد للقتال واروح وادخل المسجد
وانتظرت ياما سجد الامام واجيك طاير طاير حمى حيلي
شوتوووووووووووووه يمار المسكين مبنط بالجدار متزغلبن من قو الضربه
وعلى ذمة الراوي ان المطنوخ جلس اسبوعين يسمكرون بوه بالمستشفى .
يالله طالبينك الغفران المطنوخ سامحن ياخوك ماكان قصدي
[/align]
رد مع اقتباس
المفضلات