الي الاخ خالد فراج وجميع اهل الشعر قصيده للشاعر رشيد العمودي
[poem=font="Simplified Arabic,6,white,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
قال الذي في بدع الامثـال يهتـم=ياخذ من الصافي مغازيـر جمـه
وليا بغى بدع المثل ما نشـد كـم=يلعب على موج البحـور المطمـه
شاعر وظفر(ن) بالتباصير وملـم=احط فوق السيـن فتحـه وضمـه
ابي انشد الشعّار واخـص ماعـم=الشاعر اللي صـل بالبيـر عمـه
صله على الداب الحنش ساري السم=اللي يسوف بعالـي النـاب سمـه
وقال انتبه ياشفت لك ظلمة(ن) سم=ترى وحيـد الليـل ينـش دمـه
شافه وصاح بعالي الصوت وارزم=يوم انحرف دلن علابيه يمـه
وعد وحلف بموزع الرزق واقسـم=انـه يتيـم مالقـى مـن يضمـه
يبـي يعلـم ناطـح القـوم يسلـم=والداب هلل وانثنـى لـه وزمـه
والعم صار مفتح العيـن الأطـرم=يبـي ذعاذيـه الهبايـب يشـمـه
اول دليلـة قـوم سيّـاف ومطـم=يقطع خرايم نجد مـع كـل يمـه
لكن غزى واخـر مغازيـه سلّـم=السيف الأبتـر والذلـول ومعمـه
يا مبيّع راس المحسر علـى كـم=ابي اعتق المسكيـن يـروح لمـه
ويامفسر الأحلام كان انـت تعلـم=وشـي طيـور ذيهبـان ملـمـه
تخضع لها روس الحـرار وتكلـم=خرس الرجال نوجه الحكـي يمـه
وابي انشدك عن فارسي(ن) تعلـم=حكي العرب والترجمة مـا تهمـه
يضرب ولايجمع ويطرح ويقسـم=وليا قرأ حـروف الهجـا مايتمـه
يسري بليل صاربه غـدر واعتـم=فيه النجـوم الغـر مثـل الأزمـه
طرقي ويمدح بالمعازيـب ويـذم=والمغلطانـي مـا يشيـل المهمـه
وانـا ليـا منـي بغيـت اتكـلـم=اعرف خيّال القـرا وابـن عمـه
واعرف فرخ النمر بالليل الأظلـم=واعرف زول الضبعـة المدلخمـه
اعرف ماوهس تواهيـس واتهـم=ولا اهش مشعابي ورى كل نمـه
ولاطيع هرج مصرف الحكي لو نم=جابه عبيـد وزيـد مانـي بيمـه
تـحـيـاتــي لـلـجـمـيـع[/poem]
رد مع اقتباس
المشاركة الأصلية كتبت بواسطة ذيب أجا
المفضلات